Rajoyk beltzean gainsoldatak kobratu zituela diote PPko diruzain ohiaren agiriek
Luis Bárcenas PPko diruzaina zenaren agirien orri bat, originala, eraman zuen Espainiako Auzitegi Nazionalera atzo El Mundo egunkariak. Ustez, PP alderdiaren B kontabilitatea agertzen da agiri horietan eta originalak berresten du Mariano Rajoy Espainiako presidenteak gainsoldatak kobratu zituela José María Aznarren garaian ministro zenean. Agirien kopia El País egunkariak kaleratu zuen dagoeneko joan den urtarrilean.
Hala, Bárcenasen agiri zati horren arabera, Rajoyk gainsoldatak kobratu zituen gutxienez 1997an, 1998an eta 1999an, legea urratuz. El Mundok dioenez, diru estra puru maletin batean jasotzen zuen, eskudirutan, Ministerioan bertan. Agirietan ikus daitekeenez, 1997an 7 milioi pezeta kobratu zituen, 1998an 4.200.000 pezeta eta 1999an beste 4.200.000 pezeta.
Rajoyz gain, B kontabilitate horretan agertzen dira baita ere Aznarren garaian idazkari orokor zen Francisco Álvarez-Cascos, Ekonomiako presidente-ordea zen Rodrigo Rato, Barne ministro zen Jaime Mayor Oreja eta Enplegu ministro zen Javier Arenas.
El Paísek aurkeztu zituen agiri horien kopiak baliozkotzat jo ditu dagoeneko epaitegiak.
Espainiako PPk, beste behin, ukatu egin du alderdiko agintariek inoiz gainsoldatak jaso dituztenik.
Mariano, Mariano, Mariano Rajoy badoala Moncloatik, joan dela hau irakurtzen ari zarenerako; eta nik imajinatu nahi dut eszena.
PPren ustelkeriak, azkenean, Mariano Rajoy Espainiako presidente kargutik bota du. PSOEko Pedro Sanchezek proposatutako zentsura mozioa aurrera atera da.
Espainiako Kongresuan ostegun honetan zegoen zalantza nagusia argitu dela dirudi: EAJk babestu egingo du Mariano Rajoyren aurkako zentsura mozioa. Pedro Sanchezi eskatu dio hemendik aurrerako erabaki legalak "kontsentsuz" hartzeko.
Eskoletan Indar Armatuen baloreak irakastearen alde egin zuen Espainiako presidente Mariano Rajoyk asteazkenean, eta Rufianek erantzun zion neurri horrek 1939an frankismoak ezarritako hezkuntza legearen itxura duela.
Fernando Arambururen Patria nobelak irabazi du, aurreikuspen guztiak betez, Espainiako Narratiba Saria. Euskal gatazkari buruzko “behin betiko nobela” izateko bokazioz sortutako produktu literarioak badu, honenbestez, aitortza definitiboa eta badirudi beste puska... [+]