Analisia

Schrödingerren katua Katalunian agertu da

  • Ea, saia gaitezen zerbait garbi ulertzen: asteartean Carles Puigdemontek independentzia aldarrikatu zuen, bai ala ez? Badirudi Espainiako Gobernuan ez daudela oso seguru, asteazken honetan argitzeko eskatu baitiote Generalitateari. Baina, hori eginez, Konstituzioaren 155. artikulua indarrean jarri al du Rajoyk?

Gorka Bereziartua Mitxelena @boligorria
2017ko urriaren 11
Mariano Rajoy, Puigdemonten adierazpenari erantzuteko egin duen agerraldian.

Ba hori ere ez dago guztiz argi. Eta beraz, erantzun zuzenena, agian posible den bakarra, honakoa izan daiteke: Kataluniako independentzia prozesua eta Espainiako Gobernuak hura eragozteko abian jarri dituen maniobrak Schrödinger fasean sartu dira.

Ezaguna da Erwin Schrödinger austriar fisikariak 1935an proposatu zuen esperimentua, paradoxa bat agerian uzten duena: katu bat bizirik eta hilda egon daiteke aldi berean. Fisika kontuetan oso jantziak ez gaudenok eskertzen diogu Wikipediari gurekin ulerkorra izatea, esperimentuaren ondorioa esplikatzean zera esaten baitu: “Honek noski, erabat ilogikoa dirudi, eta sen onaren aurka doa erabat, baina mekanika kuantikoaren arabera egoeraren deskripzio teorikoki zuzena da”.

Kataluniako aferaren momentu honetako azalpen politikoki zuzena ere hori izan daiteke: Kataluniak independentzia aldarrikatu duela eta ez duela aldarrikatu, aldi berean. Eta Rajoyk autonomia bertan behera uzteko aukera ematen dion Konstituzioaren 155. artikulua aplikatu duela eta ez duela aplikatu, aldi berean.

Eta Schrödingerren esperimentuan bezala, bai Kataluniako Gobernuak eta bai Espainiakoak erabaki dutela beren gain ez hartzea paradoxa zapuztuko lukeen ekintza, alegia, katua dagoen kaxa irekitzea. Material erradioaktiboarekin ari dira laborategi politikoan eta ikusle gehiegi dauzka esperimentu honek jada. Kafe bat hartzeko ordua da.

Baina ez dute elkarrekin hartuko. Puigdemonten adierazpena entzunda elkarrizketarako borondatea aipatu zuten nazioarteko hedabideek. Ez dute horren antza daukan ezer aurkituko Mariano Rajoyren asteazkeneko agerraldia hamabost aldiz errepasatuta ere: Clint Eastwoodek jarraitzen du izaten Moncloako pelikulan izar.

Badago nobedade txiki bat hala ere, izan ere, orain arte ia testurik eduki ez duen aktoreak, PSOEk, Konstituzioaren erreformaz hitz egin du, autonomien egoerari buruzko sei hilabeteko ebaluazio-fasea iragarriz. Eta Espainiako Gobernua ados omen dago.

Gaur-gaurkoz ez dirudi Puigdemont probeta horretan kabituko denik, are gutxiago gainontzeko alderdi eta eragile independentistak. Argixeago dagoena da, Moncloako mezuaren ondoren, Generalitatearen esku dagoela Schrödingerren katua hilda ala bizirik dagoen begiratzea.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Katalunia independentziarantz kanaletik interesatuko zaizu...
2018-09-20 | ARGIA
Botere Judizialeko epaileen gorroto mezuak independentisten kontra: "kolpistak", "naziak"...

Espainiako Botere Judizialean urriaren 1eko erreferendumaren aurretik eta ondoren epaileek txat bidez idatziriko mezu pribatuak argitaratu dituzte El Món eta El Diario.es egunkariek. Filtrazioak berehalako erreakzioa eragin du Katalunian, erantzukizun eske.


2018-09-16 | Saioa Baleztena
Jordi Borràs
"Eskuin muturreko gaietan murgildu nintzen jakinik jo-puntutzat hartuko nindutela"

Argazki makina lepoan zintzilik, manifestazio eta protesta sozialak lantoki bilakatu ditu Jordi Borràs (Bartzelona, 1981) argazkilari eta kazetariak. Massana Eskolan ilustrazio ikasketak egitean murgildu zen “nahi gabe” argazkilaritzan eta, orduz geroztik, hainbat hedabidetan egin du lan. Eskuin muturreko mugimenduen zokorik ilunenak azaleratzeko egin duen lanarengatik, mehatxuen helburu ere bilakatu da azken urteotan. Uztailaren 16an, hain zuzen, argazkilari gisa bizitako... [+]


2018-09-11 | ARGIA
Askatasun garrasi erraldoia Kataluniatik

Azken urteko gertakarien ostean, mugimendu independentistak indar erakustaldia egin du Bartzelonako arteria nagusian, erresistentzia eta batasun mezua bidaliz trabatutako agertoki politiko posible baten aurrean. Urriaren 1eko erreferendumaren osteko lehen Diada egunean, Errepublikaren aldarrikapena eta aurreko gobernuko lider nagusien espetxeratze eta erbestealdiak salatu dituzte.


2018-09-10 | Patxi Azparren
Euskal CUP bat (zuen) beharra

Ezaguna denez, Kataluniako egoera politikoa irauli duten eragile nagusiak lau dira: PdeCat, ERC, CUP eta ANC. Iragan den urriko erreferendumaren atarian lau eragile horien kokapen politikoak ezberdinak ziren eta denek ez zuten iritzi bera. Oinarri sozialek, ANC-Omiumek eta CUP-k mobilizazioei ekin zieten eta CiU ohiak eta ERC-k onartu behar izan zuten ibilbidea.


Intentsitatea, tentsioa eta erresistentzia

Elektrikari talde bat bildu eta zenbait tresna eta material eman ostean hauxe esan zieten: zirkuitu sinple bat osatzeko beharrezko material guztia daukazue aurrean. Hasi eta berehala konturatu ziren kablea motzegia zela eta ez zegoela zirkuitua itxi ahal izateko adina. Gehienek amore eman zuten, ziria

Bazirudien edozein atakatik ateratzeko konbentzimendua zutela eta Errepublikak aurrera egin zezan ere estrategia eta aukera ezberdinak aurreikusita izango zituztela. Ez da horrela izan,... [+]

2018-09-05 | ARGIA
CDRen ekintza batean atxilotutako hamahirurentzat kartzela eskatu du fiskaltzak

Iragan otsailaren 23an, 1981eko Espainiako estatu kolpe saiakeraren urtemugan, Kataluniako Auzitegi Nagusiko sarrera sinbolikoki blokeatzeagatik atxilotu zituzten auzipetuak. Fiskaltzak bi urte eta erdi arteko kartzela zigorrak eskatzen dizkie.


Epaile batek Espainiako hiru polizia deitu ditu deklaratzera U-1eko jokaeragatik

Bartzelonako 7.epaitegiak Pau Claris eskolako jokabideak aztertuko ditu. Deklaratzera deitu duten bat Mediterrània eskolako gertakariengatik ere ikertua izaten ari da.


2018-09-04 | Xabier Letona
Diada 2018: iraultza akuilatzetik noraezera

Gainean da irailaren 11 eta Kataluniako independentismoa prest da beste Diada bat ospatzeko. Berezia izango da, iazkoa bezala.


Estelada argitara

Katalunia, 1918ko irailaren 11. Estelada, Kataluniako bandera izarduna, lehenengoz argitaratu zen inprimaki batean. What says Catalonia (Zer dio Kataluniak) izenburuko eskuorria zen, Lehen Mundu Gerra irabazitako herrialde aliatuei, nagusiki AEBei, ingelesez zuzendua.


2018-08-27 | ARGIA
ANC aztertzen ari da urriaren 1erako Katalunian greba bat deitzea

Elisenda Paluzie ANCko buruak Rac-1 irratian aipatu du greba bat antolatzeko posibilitatea, urriaren 1erako independentziari buruzko erreferendumaren urteurrena dela eta Katalunian prestatzen ari diren ekintza ugarien artean.


Eguneraketa berriak daude