Milaka ikasle batu dira IKAS eta IAren mobilizazio deialdietara
'Ikasle langileon batasunaz, autoritarismoari kaña!' aldarrikatu dute Hego Euskal Herriko lau hiriburuetan eta hamahiru eskualdetan. Osteguneko manifestazioek "hezkuntzako egoera tamalgarria salatu eta autoritarismoa ahalbidetzen duen bitarteko ororen deuseztapenean aurrerapausoak emateko" balio izan dutela azaldu du IKASek. Plataformak "indarrez eta determinazioz" jarraituko du ikastetxeetan lan-ildo eta borroka zehatzak jorratzen.<
Ostegun honetan, martxoaren 25ean, ikasle mugimenduaren manifestazio zabalak izan dira Hego Euskal Herrian barrena. Milaka ikaslek egin dute bat IKAS (Ikasle Autodefentsa Sarea) plataformak eta Ikasle Abertzaleakek deituriko mobilizazioekin, Ikasle langileon batasunaz, autoritarismoari kaña! lelo hartuta. IAren esanetan, guztira 4.000 pertsonatik gora elkartu dira gaurko mobilizazioetan.
Manifestazioen amaierako hitzartzeetan tokian toki martxan jarritako borroken funtsak azaldu dituzte ikasleek, baina horretaz gain, "dinamika abiaraztearen ondorioz pairatutako erasoak" ere izan dituzte ahotan. IKASen hitzetan, "indarrez eta determinazioz" erantzungo dute, berdin erronka berrien zein jarduera politikoaren aurkako oztopoen aurrean.
Ondoko hiriburu eta udalerrietan izan dira mobilizazioak gaurkoan: Bilbo (Bizkaia), Gasteiz (Araba), Donostia (Gipuzkoa), Iruñea (Nafarroa), Laudio (Araba), Azpeitia (Gipuzkoa), Beasain (Gipuzkoa), Bergara (Gipuzkoa), Eibar (Gipuzkoa), Hernani (Gipuzkoa), Hondarribia (Gipuzkoa), Irun (Gipuzkoa), Tolosa (Gipuzkoa), Basauri (Bizkaia), Durango (Bizkaia), Gernika (Bizkaia) eta Ondarroa (Bizkaia).
Ikas sarearen argazkiak:
.jpg)
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Asteazken gaueko gertakariak salatzeaz gain, Polizia unibertsitatetik “kanporatzea” exijitzeko eta EHUren “erantzukizuna” seinalatzeko mobilizazioa egin dute.
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]
Sabai zati bat erori da berriki EHUren Ibaetako campusean, eta ez da lehen aldia. Azpiegituren "egoera kaskarra" salatu dute, itogin ugari eta berogailu matxuratuak tarteko (ikusi irudiak albiste bukaeran). "Arazoei aurre egiteko aurrekontua egina zutela esan... [+]