Mikrokredituak bazterketa egoeran daudenentzat, Fiare banku etikoaren bidez

  • Andoaingo Udalak eta Fiarek sinaturiko hitzarmenari esker, bazterkeria egoeran dauden eta arrisku hori duten herritarrek mikrokredituak eskatu ahal izango dituzte banku etikoan, ohiko bankuek exijitzen dituzten baldintzetatik aske.

Mikel Garcia Idiakez @mikelgi
2018ko otsailaren 07a

600 eta 2.500 euro arteko maileguak eskatu ahal izango dituzte, prestazio sozialek ordaintzen ez dituzten oinarrizko beharrak ordaindu ahal izateko. Malgu jokatuko du Fiarek, eta hala, eskatzaileek 24 hilabeteko epea izango dute dirua itzultzeko eta hileroko kuota ezingo da izan %35eko zorpetze ratioa baino handiagoa.

Mikrokredituentzako dirua Udalak emango dio Fiareri, eta bankuak berak gestionatuko eta onartuko ditu mikrokredituak, Gizarte Zerbitzuek egindako txostenak kontuan hartuz.

Egitasmoa otsailaren 15ean jarriko da martxan. Informazio gehiago, Andoain.eus helbidean.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ekonomia eraldatzailea  |  Pobrezia  |  Andoain  |  Bazterkeria

Ekonomia eraldatzailea kanaletik interesatuko zaizu...
Azkenak
EGILEA
Eguneraketa berriak daude