ARGIA.eus

2021eko abenduaren 02a

Mikel Zabalza oroituko dute ostiral eta igandean Donostiako Altza auzoan

  • Mikel Zabalza gogoan izango dute Altzako bizilagunek, bere erailketaren 36. urteurrenean.

Irutxuloko Hitza @irutxulo  |  Xalba Ramirez @xalbaram
2021eko azaroaren 24a
Albiste hau Irutxuloko Hitzak argitaratu du eta Creative Commons BY-NC-ND 4.0 lizentziari esker ekarri dugu.
Mikel Zabalzaren eta torturatu guztien omenezko Altzako Mikelen Txokoaren inaugurazioa. (Argazkia: Nerea Lizarralde)

Ostiralean Larratxoko Kultur Etxean antzerki eta dokumental emanaldia izango dira, eta larunbatean, ekitaldia, 12:00etan Altzako Plazan “Mikelen Txokoan”. Mikel Zabalza Herri Ekimenak antolatu ditu ekimenok.

Ostiralean, 19:00etan hasiko da Tanttaka antzerki taldearen Adiorik gabe antzerki-ekimena. Antolatzaileen arabera saioak “kendu zizkiguten pertsonen memoria berreraikitzen du, eta biktimekiko emozioak, enpatia eta elkartasuna adierazteko topagune bat eskaintzen dio gizarteari”. Ostean, Vida robadas por la tortura en Euskal Herria laburmetraiaren proiekzioa izango da. Dokumental honetan “tortura gure lurraldeko ertzain etxeetan ohiko praktika izan dela frogatzen da”, antolatzaileen arabera.

Lasa eta Zabala 1983ko urriaren 15ean bahitu zituen GAL taldeak Baionan. Iheslariak Alacanten (Herrialde Katalanak) bortizki erail baino lehen, Aieteko La Cumbre jauregian eduki zituzten bahituta. Bertan, torturak pairatu zituzten gau eta egunez. Aurtengo otsailean argitaratu diren grabazio batzuetan, kuartelean jasandako torturen ondorioz hil zela agerian geratu zen. Zabalza 1985eko azaroaren 26an erail zuen Guardia Zibilak.

Joan den astean Navarra Suma alderdi nafarreko Iñaki Iriartek “autokritika” egin zuen: “Autokritika egiten dugu. Ez genuen jakin German, Zabalza, Arregi eta gainerakoei kariñoa adierazten, edo justizia jasotzeko eskubidea zutela esaten”. Senideek hitzak eskertu zituzten arren, “berandu iritsi” zirela esan zuten, “bigarren mailako biktima” izan direla azken urteetan.

 

Albiste hau Irutxuloko Hitzak argitaratu du eta Creative Commons BY-NC-ND 4.0 lizentziari esker ekarri dugu.
Kanal hauetan artxibatua: Oroimen historikoa  |  Euskal gatazka  |  Donostia

Oroimen historikoa kanaletik interesatuko zaizu...
2021-12-01 | Irunero
Irungo Udalak Pikoketan fusilatutako emakumeen argazki argitaragabe bat berreskuratu du

Gazte Komunistetako afiliatuak ziren Mercedes (Mertxe) López Cotarelo eta Pilar Valles Vicuña, 16 eta 18 urtekoak hurrenez hurren. Irungo frontean lehenengo lerroan borrokatu zuten lehenengo bi emakumeak izan ziren, baita fusilatuak izan ziren lehenengoak ere.


Galdera baten kronika
Nola kontatu behar da euskal gatazka?

Urriaren 20ko astea bete-bete joan zen euskal gatazkaren oroimenaren bueltan. Iruñean egin zen honako saioa urriaren 23an, Laba eta Karrikiri elkarteek eta Maiatz argitaletxeak antolatuta: Oso latza izan da. Nola kontatu, nola gogoratu euskal gatazka solasaldia. Memoria... [+]


2021-11-19 | Leire Artola Arin
Praktikan ez du aldaketarik ekarriko Memoria Demokratikorako Espainiako Legearen zuzenketak

Memoria historikorako elkarteek ohartarazi dute 1977ko Amnistia Legea indargabetu gabe, ezingo direla frankismoko krimenak epaitu


Pauso bat Pedro Baigorriren bila

Pedro Baigorri Apeztegia (1939-1972) nafar gerrillariaren gorpua aurkitzeko saiakera egiten ari dira Kolonbiako Curumaníko hilerrian, bere senideak hango erakunde batekin harremanetan jarri eta gero. Kubako iraultzaileekin harreman estua izan zuen Baigorrik eta Kolonbiara... [+]


2021-11-04 | Ehgam
Aliantzak sendotzen: gay askapenetik sexu askapenera

1977. urtean, Durangon egindako bileraren ostean, EHGAM sortu zen. Akronimoaren atzean, Euskal Herriko Gay Askapen Mugimendua hitzak eta, ekimenaren atzean, urte luzeetan sexu askapenaren borrokan, eta beste hainbatetan, protagonista edo ekintzaile anonimo izan diren hainbat... [+]


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude