Mikel Irastorza Artola epaituko dute Parisen datorren ostegunean, urtarrilak 5. “Gaizkile talde bateko kide” izatea leporatzen diote. Irastorza 2016ko azaroaren 5ean atxilotu zuen Frantziako Poliziak Azkainen, Guardia Zibilarekin elkarlanean eginiko operazioan.

Ordu hartan poliziak eta hedabide ugarik zabaldutako akusazioa zen ETAko buruzagi nagusia eta "aparatu logistiko militarraren" burua zela. Prozesu judizialean, bestalde, ez da halakorik aipatzen, Naiz-ek jaso duenez.

Mikel Irastortza donostiarra da izatez baina Lapurdin bizi da. Lau urte baino gehiago daramatza Mediabask hedabide taldean lanean.

2017tik kontrol judizialpean

Irastorzarekin batera, 2016an Xabier Arin eta Denise Elizagoyen ere atxilotu zituzten, baina kontrol judizialpean aske utzi zituzten. Datorren osteguneko auzitik kanpo utzi dituzte.

Irastorza Fleury-Megoriseko espetxean sartu zuten atxilotutakoan. 2017ko abuztuan baldintzapean aske utzi zuten, baina ordutik kontrol judizialpean egon da; besteak beste, Frantziako Estatutik ateratzeko baimena ukatzen zitzaiola.

Bake Bidea-k gogorarazi du Irastorza, Arin eta Elizagoyen atzeman eta hilabetera atxilotu zituela Frantziako Poliziak ETAren armagabetze zibila abiatu zuten bost bakegile, Luhuson. Armagabetzea ekidin nahi izateari egozten dizkiote operaziook.

EH Baik konponbide politikoa exijitu du

EH Baik, halaber, epaiketa gaitzetsi du auzia “erabat anakronikoa” delakoan, eta salatu Parisek tematuta jarraitzen duela euskal gatazka elkarrizketaren bidetik konpontzeko ukazioan. Ulertezina egiten zaio alderdiari Irastorza orain epaitzea, Aieteko Nazioarteko Konferentziaz geroztik 11 urte direla.

Euskal Herriko jendarteak "bake justu eta iraunkorra" nahi duela uste du alderdiak, eta Madril eta Parisi elkarrizketa eta konponbide politikoak exijitu dizkie.

Ostegunean bertan elkarretaratzea egingo dute Azkainen, 19:00etan. EH Baik larunbatean Bilbon euskal presoen eskubideen alde Sarek antolatutako manifestaziorako deia egin du.

90 kazetariren babes adierazpena

Osteguneko Parisko epaiketaren atarian, 90 kazetarik babesa adierazi diote, adierazpen baten bidez. Ondorengoa exijitzen dute:

"Kazetaritza lanbideko profesional gisa, Parisen urtarrilaren 5ean epaitua izanen den Mikel Irastorza Artola Mediabaskeko kazetariari elkartasuna adierazten diot. Gisa berean, gizartea informatzen jarraitu dezan, eta Euskal Herriko bake prozesuaren testuinguruan, galdegiten dut gure artean izan dadila bere kazetaritza lana betetzen".

Jarraian, Irastorzari babesa adierazi dioten kazetariak:

• Asier Aiestaran Irureragoiena, Naiz/Gara.
• Jose-Luis Aizpurua, Euskal Irratiak.
• Iñaki Altuna, Gara/Naiz.
• Julen Aperribai, Berria.
• Lander Arbelaitz, Argia.
• Maite Arregi, Berria.
• Ihintza Arrieta, Euskal Irratiak.
• Marian Beitialarrangoitia Lizarralde, Euskadi Irratia.
• Patxi Beltzaiz, Mediabask.
• Jenofa Berhokoirigoin, Argia.
• Maite Bidarte, Naiz Irratia.
• Iurre Bidegain, EITB.
• Anne Marie Bordes.
• Allande Boutin.
• Imanol Carrillo Zudaire, Gara/Naiz.
• Oihana Daguerre, Mediabask.
• Martxelo Diaz Aristizabal, Naiz/Gara.
• Bob Edme, Mediabask.
• Estitxu Eizagirre, Argia.
• Oihana Elduaien, Berria.
• Idoia Eraso, Gara/Naiz.
• Amaia Ereñaga Azkarate, Naiz/Gara.
• Aitor Errazkin Basurko, Antxeta Irratia.
• Irati Esparza-Guimon, Mediabask.
• Joanes Etxebarria, Berria.
• Iban Etxezaharreta, France Bleu.
• Guillaume Fauveau, Mediabask.
• Marga Forestier, Euskal Irratiak.
• Eider Goenaga, Berria.
• Nerea Goti Valle, Naiz/Gara.
• Patrick Graciet, Mediabask.
• Gotzon Hermosilla, Berria.
• Maider Iantzi Goienetxe, Gara/Naiz.
• Andrea Ibarra, Mediabask.
• Olatz Idoate, Euskal Irratiak.
• Aritz Intxusta Pagola, Naiz/Gara.
• Arritxu Iribar Egaña, Euskadi Irratia.
• Iñaki Iriondo Telleria, Naiz/Gara.
• Andde Irosbehere, France 3 Euskal Herri.
• Xabier Izaga, Naiz/Gara.
• Mikel Jauregi Artola, Gara/Naiz.
• Claire Jomier, Mediabask.
• Iker Lagrenade, Mediabask.
• Ximun Larre, Mediabask.
• Edu Lartzanguren, Berria.
• Oihana Larzabal, France Bleu.
• Mattin Lerissa, Euskal Irratiak.
• Xabier Letona, Argia.
• Andoni Lizeaga, EITB.
• Ainize Madariaga, Berria.
• Pantxika Maitia, Kanaldude.
• Alberto Matxain Beraza, Naiz/Gara.
• Beatrice Molle-Haran, Mediabask.
• Mariasun Monzon Martinez de Arenaza, Naiz/Gara.
• Amagoia Mujika, Berria.
• Fermin Munarriz Olloki, Naiz/Gara.
• Ainhoa Oiartzabal, Berria.
• Jon Olano, Berria.
• Nerea Olaso, EITB.
• Jon Ordoñez, Berria.
• Jon Ormazabal Galarza, Naiz/Gara.
• Ion Orzaiz, Berria.
• Larraitz Otazo, Naiz/Gara.
• Menane Oxandabaratz, Herria.
• Ruben Pascual, Naiz/Gara.
• Iñaki Petxarroman, Berria.
• Ainara Rodriguez Zalakain, Naiz/Gara.
• Willy Roux, Mediabask.
• Miren Saenz Elizondo, Naiz/Gara.
• Joseba Salbador Goikoetxea, Naiz/Gara.
• Ramon Santxez Zabaleta, Euskadi Irratia.
• Ramon Sola Ayesa, Naiz/Gara.
• Iñaki Soto, Naiz.
• Igor Susaeta, Berria.
• Goizeder Taberna, Mediabask.
• Ion Telleria, Naiz Irratia.
• Félix Thommen, Mediabask.
• Jon Torner Zabala, Argia.
• Iker Tubia, Berria.
• Maddi Txintxurreta, Naiz/Gara.
• Maddi Ane Txoperena, Berria.
• Maite Ubiria, Gara/Naiz.
• Joxe Juan Ugalde Ordoki, Euskadi Irratia.
• Amaia Ugarte Rodriguez, Naiz/Gara.
• Itziar Ugarte, Berria.
• Ane Urkiri Ansola, Naiz/Gara.
• Urtzi Urkizu, Berria.
• Ximun Uthurralt, Euskal Irratiak.
• Daniel Velez.
• Bixente Vrignon, France Bleu Pays Basque.
• Aitor Zabaleta, EITB.
• Beñat Zaldua, Naiz/Gara.
• Aitziber Zapirain Etxaniz, Antxeta.