Migratzaileen egunaren harira mobilizazioak egingo dituzte Hego Euskal Herriko hiriburuetan
Bazterketa, klasismoa, murrizketa sozialak, arrazakeria soziala eta instituzionala eta atzerritarren legea salatzeko elkartuko dira Hego Euskal Herriko kaleetan. NBEk Migratzailearen Nazioarteko Eguna izendatu zuen eguna baliatuko dute indarkeria koloniala eta arrazista salatzeko.
Pertsona migratuen kolektiboek elkarretaratzea deitu dute abenduaren 18an, ostirala, Bilboko Udalaren aurrean. 19:00etan deitu dute protesta, “Sin vias seguras, emigrar #TambiénEsViolencia colonial #RegularizaciónYa” (“Bide segururik gabe, migratzea ere indarkeria koloniala da #ErregularizazioaOrain”) lelopean.
Egingo dituzten exijentzien artean, ondokoari zentraltasuna eman diote: “Eusko Jaurlaritzari eta Espainiako Gobernuari eskatzen diegu: berehalako erregularizazioa, betierekoa eta baldintzarik gabekoa, migratzaile guztientzat; mendekotasun egoeran dauden adineko pertsonak zaintzen dituzten langileak legalki aitortzea; eta Atzerritarren Legearen indargabetzea.
Ez dute ausaz aukeratu abenduaren 18a salaketak eta aldarrikapenak egiteko. Azaldu dutenez, 2000. urteko abenduaren 18an Nazio Batuen Erakundeak egun hori izendatu zuen Migratzailearen Nazioarteko Egun gisa, migratzen duten pertsonen giza eskubideak babesteko. “Gaur, hogei urte beranduago, pertsona migratzaileek ez daukate aske mugitzeko eskubiderik, beren zeharkaldian mota askotako indarkeria pairatzen dituzte, eta baita helmugako herrialdeetan ere, jazarriak eta kriminalizatuak izan ohi baitira”, salatu dute. Horregatik erabaki dute Bilbon elkarretaratze antiarrazista eta antikoloniala deitzea, Euskal Herriko pertsona migratu eta arrazializatuen kolektibo eta erakundeen izenean. Emakume Migratu Feministak-Sociosanitarias, Bizkaiko Migratzaileen Elkarteen Federazioa, Euskal Herriko Emakume Migratu eta Arrazializatuen Sarea, Sierra Maestra, Euskal Herriko Mugimendu Antiarrazista, Mugarik Gabeko Migratuak, Acabiz, Bizkaiko Erregularizazioa Orain! Plataforma eta Nikaraguaren Aldeko Feministak dira deitzaileak.
Salatu dute Europak milioika euro bideratzen dituela mugak ixtera, eta ondorioz “harrera” herrialdeek indarkeria arrazista normalizatu egin dutela. Azpimarratu dute Espainiako Estatuan 600 mila migratzaile baino gehiago daudela egoera irregularrean, horrek dakarrenarekin: “Muturreko prekarietate baldintzetan lan egitea, kasik existitzen ez diren eskubide sozial eta lan eskubideekin, eta horietako asko kondenatuz lan esplotaziora, gehienbat mendekotasuna duten pertsona nagusien zaintza lanetara, etxeko edo garbiketa lanetara, eta nekazaritzara”.
Hori horrela, salatu dute ez dela nahikoa justuak ez diren legeak salatzearekin, eta ondokoa aldarrikatu: gaitzetsi egin behar dela politika arrazista oro, eta konpromisoak hartu behar direla migratzaileak kaltetzen dituzten politikei aurre egiteko –besteak beste, eragiten dituztenak migrazioaren kontrola, deportazioak, indarkeria poliziala, zaintzak kentzea edota prekarietatea–.
Gasteizen arrazakeriaren aurkako eragileek mobilizazioa 19:00etarako deitu dute, postetxearen aurrean. Iruñean, ordea, abenduaren 20an, igandez, 12:00etan, Vergel pasealekutik Sarasateraino egingo den kalejira.
Aurtengoan Kanariar Uharteetako egoerari modu berezian begiratuko zaio, Iruñeko deitzaileek adierazi dutenez. Migrantearen aldeko mobilizazioen deitzaileen esanetan, uharte horiek Afrika dira, baina, "horra paradoxa, afrikarrei ez zaie uzten bertara sartzen. Milaka turista hartzen dituzten irlak dira, baina ez dituzte migratzaileak hartu nahi. Errealitate honek agerian uzten ditu jokoaren arauak: XXI. mende honetan migratzeko eskubidea duzun diruaren araberakoa da".
Hoy a las 19:00 nos vemos en el Ayuntamiento de Bilbao #RegularizacionYA sin vías seguras emigrar #tambienesviolencia colonial pic.twitter.com/VW7VlSBIIv
— SOS Racismo Bizkaia (@sosracismobiz) December 18, 2020
Migrazio krisia deitzen diote neoliberalismoaren ondorio ankerrenetako bati. Ultraeskuinaren agendaren lehen puntuetako bat da langile klaseko migratzaileen aurkako neurri sorta. Baina faxismo berrituaren lorpenik handiena da gainerako indar politikoek bere egitea haien agenda... [+]
Migratzaileak deportatzeko neurriez mintzatzeko, EB Europako Batasuna osatzen duten 27 estatuetako Barne eta Migrazio ministroak bildu dira asteartean, Kopenhagen. Ondorioztatu dute EBko herrialde gehienek babesten dutela etorkinak deportatzeko neurriak gogortzea... [+]
Atherbea elkarteak Baionako eguneko harrera zentroa ixtea erabaki du higiene falta dela eta. Egunero 100 pertsona ingururi ematen zien dutxa hartzeko eta gosaltzeko aukera, baina lokalean labezomorro eta arratoi asko daudenez, itxi egin behar izan dute.
Portugalgo Gobernua osatzen duten Alderdi Sozialdemokratak eta CDS-Alderdi Popularrak Chega eskuin muturreko alderdiarekin bat egin dute Atzerritarren Legea erreformatzeko. Delitu larriak egiten dituzten migratzaile nazionalizatuei pasaportea kenduko diete, herritartasuna... [+]
Frantziako Estatutik kanporatu zituzten, asilo-eskaerak Espainiako Estatuan egin behar zituztela esanez. Asteak daramatzate zain Donostiako Amara auzoan.
Euskal Herritik eta Kataluniatik abiatu da aurtengo Mugak Zabalduz karabana. Calaisko itsasartea, Frantziako Estatuan du helmuga, giza eskubideak bermatzea eta berehalako erregularizazioa eskatzen ditu besteak beste.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
"Oxala Mediterraneoko herrialdeek beren betebeharrak beteko balituzte, eta bilaketa eta erreskateko uretan eskura dauzkaten operatibo guztiak martxan jarriko balituzte, jendeak itsasoan arriskurik izan ez dezan". Mikel San Sebastian Aita Mari erreskate ontziko kidearen... [+]
Bestea”-k gogaituta du gizateria, duena kenduko dio, duena eraldatuko du, kutsatuko du... “Bestea”-k definitzen gaitu... baina “bestea” denok izan gaitezke.
Egun, nor da “bestea”? Nork seinalatzen du izan behar ez dena?
Zapalduen... [+]
Emaitza positiboa eman zuen iragan abuztuan egindako testak, baina Polizia Zientifikoaren laborategira bidali baino lehen Ondarroako komisariatik desagertu zen frogen poltsa.
Oraindik joan den astea asimilatzen nabil. Boterean daudenen eta botere ereduetan eragin nahi dutenen aldarriak ozen entzun ditugu nonahi. Sareetan zein kalean.
Izan diren manifestazio ezberdinetan, herrietako giza eskubideen garapen maila agerian geratu da. Amerikako Estatu... [+]
"Atzerriko terroristengandik" babestea arrazoi bezala jarrita, Donald Trumpek dekretu bidez agindu du zazpi herrialdetako pertsona guztiei debekatzea AEBetara sarrera, eta beste bost herrialdetako herritarrei mugak jartzea.
Boubacar Dioufek, Mbolo Moye Doole Bizkaiko manteroen eta kalez kaleko saltzaileen elkarteko kideak, Bilboko kaleetan arrazakeria eta abusu poliziala areagotu direla adierazi du.
Ainararen aurkako epaiketa dela eta, Bilboko Epaitegiarekin aurrean elkartu dira Manteroekin bat! plataforma eta bertaratutakoak poliziaren gehiegikerien eta egiturazko arrazakeriaren aurrean, elkartasunez antolatuko direla aldarrikatzeko.