Migratzaileak ostikoka gelditzen saiatzeagatik kondekoratua

  • Pasa den abuztuan, Espainiako Estatuan sartzen saiatu ziren hainbat migratzaile Ceutan, eta haiek geldiarazteko ostikoka hasi zitzaien Espainiako polizia bat (bideoa albiste bukaeran). Ostikoetako batean polizia bera lesionatu zela-eta, Meritu Polizialaren Gurutzea eta ordainsari ekonomikoa eman diote orain.


2018ko urriaren 03an - 13:42

Gurutzeaz gain, dagokion pentsioa baino %10 gehiago kobratuko du erretiroa hartzen duenean. Hala saritu nahi izan du Espainiako Poliziak Daniel M. M. agenteak migratzaileekin izan zuen jarrera. Gurutzea jasotzeko, lanean ari zarela zauritua izatea da baldintza, “baldin eta ez bada izan arduragabekeriaren, trebetasun faltaren edota istripuaren ondorio”.

Espainiako hainbat poliziari emandako gurutzeez gain, beste arlotako jendea ere kondekoratu dute: Macarena García epailea, Leopoldo Sánchez fiskala, Juan Tercero koronela, Mohamed-Laarbi Elsain guardia zibil sarjentua eta José Jaime Cabanillas udaltzaina.

 


Kanal honetatik interesatuko zaizu: Espainiako Polizia
Baimenik gabeko zortzi pistola, karabina bat, hainbat bala eta hegazkin bonba bat topatu zituen Ertzaintzak Lezamako Espainiako polizia ohiaren etxean

Ezker abertzaleko familia baten etxea tirokatzeagatik atxilotu zuten Espainiako polizia ohiak baimenik gabeko bederatzi arma, gerra materiala, ia lau kilo bolbora, 400 bala baino gehiago eta dozenaka arma erabilgaitz zituen etxean


Ezker Abertzaleko familia baten etxebizitza tirokatu zuen polizia nazional ohia epaituko dute ekainaren 11n

Polizia ohiak onartu zion Ertzaintzari berak egin zuela tiro eta agenteek legez kanpoko hainbat arma atzeman zizkioten etxean. Akusazio partikularrak 13 urte eta erdiko espetxe zigorra eskatuko du armak eta lehergailuak gordetzeagatik eta kalteak eragiteagatik. Fiskaltzak,... [+]


Lesio larriak, talde kriminala izatea eta gorrotozko delituengatik ikertzen dituzte Indar Gorriko kideak

Asteazkenean atxilotutako Indar Gorriko 61 kideak libre utzi ditu Iruñeko Instrukzioko 4. epaitegiak, behin-behineko askatasunean eta kautelazko inongo neurririk gabe.


2024-02-08 | ARGIA
Aske utzi dute Iturmendin atxilotutako emakumea

Espainiako Poliziak joan den asteartean atxilotu zuen Iturmendin (Nafarroa) eta, Espainiako Auzitegi Nazionalaren aginduz, Madrilera eraman zuten inkomunikatua.


2024-02-07 | ARGIA
Emakume bat atxilotu dute Iturmendin eta inkomunikatuta eraman Madrilera

Espainiako Poliziak astearte eguerdian atxilotu zuen bere etxean, Iturmendin (Nafarroa), antza sare sozialetako mezuren batekin lotuta. Arratsean segundo batzuetako deia egin zien senideei Madrilera eramaten zutela jakinarazteko, ARGIAk jakin duenez. Estefanía Cerverak 63... [+]


Eguneraketa berriak daude