Microsoftek ez du Europar Batasunaren datu-babeserako araudia betetzen ikerketa baten arabera
Europar Batasunak Microsoftekin dauzkan kontratuek ez dituzte datuen babeserako araudiak betetzen, ikerketa batek argitara eman duenez. Kontratuak dira arazoaren jatorria, baina Office 365ek erabiltzaileen datuak erregistratzen dituela ere bai –Herbehereetako agintariek aspaldi salatutako zerbait, alegia–.
Microsoft izan zen Datuen Babeserako Erregelamendu Orokorra (DBEO) aldez aurretik betetzeaz harro agertu zen konpainia teknologiko handienetako bat. Hala ere, badirudi ez dela guztiz horrela. Europako Batasuneko agintariek kontratatutako zenbait produkturen inguruan Redmondeko erraldoiarekin "arazo larriak" dituela ohartarazi du ikerketa batek.
Ikerketak dio Microsoftek Europako Batasuneko erakundeekin dituen kontratuek ez dituztela datu pertsonalak erabat babesten. Datuen Babeserako Europako Ikuskatzaileak berak (EDPS, ingelesez), EBko datuen kontrolerako erakundeak, ikerketa bat ireki zuen apirilean, Microsoften eta EBko erakundeen arteko kontratuek, Europako Batzordearekin dituenak kasu, blokeko datuak babesteko arauak erabat betetzen ote zituzten ebaluatzeko.
"Ikerketa oraindik martxan dagoen arren, datuen babeserako arauekin kontratu termino garrantzitsuak betetzeari buruzko kezka handiak erakusten dituzte atariko emaitzek", dio EDPSk ohar batean, Microsoftek bere produktuak eta zerbitzuak erabiltzen dituzten EBko erakundeetan duen zereginari buruz ari denean.
EBk datuen babesari buruzko arau berriak sartu zituen 2018an, GDPR izenekoak, blokean jarduten duten enpresa guztiei aplikatzekoak eta pertsonei beren datuen gaineko kontrol handiagoa emateko eta enpresentzat segurtasun juridikoko ingurune bat sortzeko diseinatuak.
Reuters agentziaren arabera, konpainiak berehala erreakzionatu du. "Gure bezeroei DBEOa, 2018/1725 Erregelamendua eta aplikagarriak diren beste lege batzuk betetzen laguntzeko konpromisoa dugu", esan du Microsofteko bozeramaile batek, eta hauxe gaineratu du: "Gure bezeroekin EBko erakundeetan hitz egiten ari gara, eta laster iragarriko ditugu kontratu-aldaketak, EDPSk planteatutakoak bezalako kezkei aurre egiteko".
DBEOren urraketa kontratu arazoen ondorio bada ere, badirudi arazoaren jatorria Office 365ek erabiltzaileen datuak erregistratzeko duen moduan dagoela, SiliconAnglek jakinarazi duenez.
2018ko azaroan, Herbehereetako agintariek baieztatu zuten Office 365ek DBEO urratzen zuela "telemetriako datuak biltzeko mekanismo" baten ondorioz. Mekanismo horrek esan nahi du Office 365 aplikazioak une horretan deskribatu zena biltzen duela: "Datu funtzionalak eta diagnostikokoak. Oro har, software garatzaileen arteko praktika estandarra da", nahiz eta erabiltzaileen aplikazioaren benetako edukia ere jasotzen zuen.
Webguneen arduradunek beren bisitarien trafikoa aztertu nahi izaten dute, baina horretarako gehien erabiltzen den Google Analytics tresnak pribatutasun eta lege arazoak ditu. Alternatiba etikoago bezala gehien erabiltzen den Matomo software librea euskaratu du Iametzak.
Software librea erabiltzen duten Lezo BHI, Irungo Hirubide BHI eta Donostiako Antigua-Luberri BHI ikastetxeek beren esperientzia azaldu dute Eusko Legebiltzarreko Hezkuntza batzordean, EH Bilduko Lore Martinez Axpek eskatuta. Institutuetako ordezkarien aurkezpenen bideoak [+]
Euskal Herriko eskola askotan bezala, Danimarkan ere Chromebook-ak eta Google Workspace (lehen G Suite for Education deitua) erabiltzen dira. Hala ere, datorren ikasturtetik aurrera gauzak aldatzera doazela dirudi, datuen babeserako agentzia daniarrak legez kanpokotzat jo baitu... [+]
Orain arte ezezaguna zen zelatatzeko metodo baten berri eman du AEBetako Ron Wyden senatariak: mugikorreko jakinarazpenak. AEBetako eta beste estatu batzuetako gobernuak teknika hori erabiltzen ari dira, Reuters-ek jakitera eman duenez.
Filtratu egin da eIDAS 2 araudi berriaren zirriborroa, eta jakinarazi dute nortasun digital bat sortu nahi dutela pertsona bakoitzarentzat. Modu zentralizatuan eta digitalki, biztanle bakoitzaren askotariko datu eta agiriak jasoko ditu biltegi horrek.