Mercedes Benz-eko langileak itzuli dira lanera
Astelehenean itzuli dira lanera Gasteizko Mercedes Benz fabrikako langileak. 5.000 langile zuzen eta 30.000 zeharkako langile ditu enpresak eta 2026ra arte dago onartuta lan-hitzarmena.
Abuztuaren 29an itzuli dira Mercedes Benzeko langileak fabrikara, lan-hitzarmena lortu ostean. Oporrak amaituta, urteko azken zatian inoiz baino ekoizpen handiagoa lortzea espero dute: 160.000 ibilgailu. Iraileko lau larunbatetan lan egingo dutela espero da eta urtea amaitu arte larunbat guztietan lan egitea aurreikusten du enpresak.
Langileen gehiengoa lan-hitzarmenaren alde agertu zen uztailean. Hitzarmenean 1.200 milioi euroko inbertsioa egitea pentsatu zuen enpresak, baina EITBk adierazi duenez, oraindik ez dago inolako baieztapenik. Eusko Jaurlaritzarekin batera fabrikak modernizazio prozesu bat hasiko du, ibilgailu elektrikoen ekoizpena bultzatu ahal izateko.
Aurtengo azken lauhilekoa beste arrazoi batengatik ere garrantzitsua izango da: hauteskunde sindikalak egindo dira eta horien bidez erabakiko da zein izango den antolaketa berria.
Ekaineko eta uztaileko greba egun historikoen oroimena bizi-bizi dagoela heldu dira Arabako lantegi nagusiko hauteskunde sindikalak. Enpresa batzordearen osaera irauli dute emaitzek: grebak bultzatu zituzten sindikatuen blokeak (ELA-LAB-ESK) %24,5eko igoera izan du bozetan, eta... [+]
“Oso larritzat” jo ditu Bingen Zupiriaren adierazpenak LABek. Behin aurreakordioa onartuta iragarritako 1.200 milioi euroko inbertsioa egin dezan Mercedes “konbentzitzeko” ordua dela esan du Jaurlaritzako bozeramaileak. Inbertsioa aurreakordioarekin lotu... [+]
Mercedes-Benz enpresako langileen %57ak hitzarmenaren alde bozkatu duen arren, hitzarmen berriaren baldintzak jasango dituen taldean (tailerreko langileak) ezezkoak irabazi duela nabarmendu du ELAk.
