Mendizale bat hil da Mugarra mendian jausi ostean

  • 41 urteko mendizale bat zendu da igande honetan Bizkaiko Mugarrra mendian, amildegi batetik behera erorita. Eusko Jaurlaritzako Segurtasun Sailak eman du ezbeharraren berri.


2020ko abuztuaren 17an - 10:03
Argazkia: Wikimedia Commons

Gertakaria igande goizaldera jazo da. 10:40etan partikular batek larrialdi zerbitzuei jakinarazi die gizonezko bat Mugarran 30 metroko amildegi batetik erori dela.

Ertzaintzaren zaintza eta erreskate unitateko agenteak helikoptero batekin bertaratu dira, eta 41 urteko biktima aurkitu dute bertan. Ertzainak suhiltzaileekin batera jaitsi dira, gizonezkoa artatzeko. Bihotz-biriketako erreanimazioa egin dioten arren, ezin izan dute haren bizia salbatu.

Mendizalea Iurretara eraman dute helikopteroz, eta bertan Osakidetzako mediku batek heriotza baieztatu du. Antza denez, hildakoa Berrizko bizilaguna zen.

Alpeetako istripua

Bien bitartean, Suitzan aurrera darrai Alloko Diego Maezturen bilaketa operatiboak. Euriteek beste behin zaildu egin dute gazte nafarra topatzea. Maeztu asteazkenean desagertu zen Suitzan, bere hiru lagun hil ziren istripuan.


Kanal honetatik interesatuko zaizu: Mendiak
2024-03-03 | Jon Torner Zabala
Mendi Federazioak 100 urte
Mendiaren kulturari eusteko sokak, tenkaturik

Euskal Mendizale Federazioak 100 urte beteko ditu datorren maiatzaren 18an. 1924an sortua, mendeurrenak bide eman digu mendizaletasunak izan duen eboluzioaz eta aurrera begirako erronkez aritzeko. Sekula baino jende gehiago dabil geurean mendian, eta aldatzen ari da hura... [+]


2024-01-18 | Jon Torner Zabala
'Gailurretan izan gaitun' erakusketa, Mendi Federazioaren mendeurren-ekitaldien abiapuntua

Euskal Herriko Mendi Federazioa sortu zela 100 urte beteko dira maiatzaren 18an, eta urteurrenaren harira hainbat ekimen izango da datozen hilabeteetan. Gailurretan izan gaitun erakusketa ibiltaria da lehenbizikoa, Iruñeko Planetarioan ikusgai dagoena, zeinak biltzen... [+]


Oihana Azkorbebeitia. Arineketan aske
"Mendiari errespetua eduki behar zaio, eta hori galtzen dabil gaur egun"

2006an, mendi-lasterketen mundua artean berri-berria zela, “apur bat kasualitatez” hasi zen kirol horretan Oihana Azkorbebeitia, eta gaur egun ere arineketan segitzen du. Bide horretan, palmares ikusgarria bildu du, baina berak argi dauka zer ematen dion... [+]


Nazioarteko hamazazpi estreinaldi, Mendi Film jaialdian

57 film eskainiko dira, horietako bederatzi EAE mailako estreinaldiak. Edurne Pasaban omenduko dute aurten WOP Fundazioa sariarekin. 24.800 euro banatuko dituzte hamabi saritan, sail ofizialean lehiatuko diren lanen artean.

 


2023-10-31 | Jon Torner Zabala
Sarenneko glaziar "hil berriari" azken agurra eman diote Alpeetan

Duela lau urte Islandiako Okjökull eta Suitzako Pizol glaziarren omenez egindako hiletek bezala, frantziar Alpeetan dagoen Alpe D’Huez estazioak hartzen duen Sarenne-ko glaziarrari emandako agurrak larrialdi klimatikoaz ohartarazi nahi ditu herritarrak.


Eguneraketa berriak daude