Memoria konpartitu dute ekitaldi jendetsuan

  • Familia, lagunak eta herritar mordoa elkartu dira Egiako parkean Mariano Ferrer kazetariari eskaini dioten ekitaldi zibilean.

Artikulu hau CC BY-NC-ND 4.0 lizentziari esker ekarri dugu.

2019ko uztailaren 17an - 08:59
Mariano Ferrer gogora ekartzeko haren aspaldiko argazki bat jarri dute agur ekitaldian. Kiosko de la Rosi aurrean ageri da Ferrer. (Argazkia: Inaxio Esnaola)

Txiki geratu da Egiako parkean dagoen Mandasko Dukearen jauregiaren atzeko parkea. Ekitaldi xumea eta umila izan da; “horrelakoa izatea eskatu zidaten emazteak eta alabak, bera bezalakoa”, esan du Sabino Ormazabal lagunak. Pertsona ezagun asko izan dira agur ekitaldian. 

Ormazabal berak hartu du ekitaldiaren gidaritza, Esther alabarekin batera. El kiosko de la Rosi irratsaioaren sintoniarekin eta Ferrerrek esan ohi zuen “egun on/buenos dias” sentitu batekin hasi du ekitaldia Ormazabalek. “Memoria konpartitua dugu gaurkoa. Mariano Ferrer ez da hil, bizi izan da. Harekin bizitakoaz jardun behar da”. Horrela aritu dira prestatu duten talaiatik pasa diren gonbidatuak.

Lehenik, Jose Ignazio Ansorena txistulariak pieza bat eskaini du. Jarraian hartu du hitza Txema Auzmendi lankide ohi eta lagunak. “Sinesgarritasuna bere lanean. Hitz horrek bildu dezake bere lana kazetari gisara. Kazetari argia eta eredugarria izan zen. Bere gizatasuna ere azpimarratuko nuke”. Itziar Zamorak Xabier Leteren San Martin, azken larrosa kanta eskaini dio Ferrer zenari, eta parkean zeudenei.

Azkenik, Esther alabak hitz egin du bihotzetik. “Askok maisu hitza erabili duzue Marianoz hitz egiterakoan. Ez dut uste horrekin ados egongo zenik. Oraindik ere bere burua ikasletzat ikusten zuen”, adierazi du. “Maisuaz gain, bazegoen beste Mariano bat; laguna, alegia. Profesional gisara egindako ibilbideagatik jarri dizkiozuen ezaugarri guztiak motz geratzen dira azaltzeko zer nolako aita, bizitzako bidaide eta laguna izan zen”. Anekdota bat ere kontatu du. “Ospitalean zegoela ez zituen bere ohiturak albo batera utzi. Gosaldu ostean eta erreabilitazio saioaren aurretik, han dagoen dendara jaitsi eta banan-banan egunkari guztiak ikuskatzen zituen, nahiz eta azkenean ale bakar bat erosi”. Esker oneko hitzekin bukatu du, eta “maite zaitut aita” esanez. 

Txoria txori abestu dute parkean, eta Mariano Ferrer beraren esaldi batekin eman diote bukaera ekitaldiari: “Komikoek betidanik esan izan duten bezala, onek eta txarrek, ‘the show must go on!’ Bizitzak aurrera jarraitzen du!”.

 

Mariano Ferrer kazetariari agurra

 


Kanal honetatik interesatuko zaizu: Kazetaritza
2024-03-21 | Euskal Irratiak
Urtzi Urkizu
"Susmoa dut gizartearen parte handi batean badagoela kezka ETB-rekin"

Berrian lan egiten duen kazetariak, Euskal Telebistaz liburua idatzi berri du Txoria hodei artean, ETB lehen eta gero. Galdera batekin abiatzen du liburua kazetariak: 40 urte bete dituen Euskal Telebistak behar den gisan arrapostu ematen al dio euskal jendartearen egungo... [+]


Pablo Gonzalez "berehala" askatzea exijitu dute Gernikan eta nazioartean

Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]


2024-02-28 | ARGIA
Hedabideetako langileek elkarretaratzeak egin dituzte, Gonzalezen askatasuna eskatzeko

Euskal Herriko komunikabide eta kazetari ugarik, tartean ARGIAk, Pablo Gonzalezen egoera salatu eta haren askatasuna eskatu dute.


Pablo Gonzalez
Inongo frogarik erakutsi barik, bi urte espetxean Polonian

Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.


Eguneraketa berriak daude