“Memoria gara, ondare antifaxista haren seme-alabak eta bilobak”
Berriz ere, eta badira 45, milaka gasteiztar irten da kalera 1976ko greben eta Martxoak 3ko langileen aurkako sarraskiaren memoriari bizirik eusteko.
Martxoak 3a mobilizazio eta borroka egun seinalatua izaten jarraitzen du Gasteizen, besteak beste bertute bikoitz bat elikatu dituztelako antolakundeek eta herritarrek urtez urte: iraganeko borrokaren memoria fresko mantentzea, garaian garaiko borrokekin lotuz eta berrituz aldi berean. Ez bakarrik langilegoarekin, baita borroka nazionalarekin, gazteriarekin, pentsionistekin edo feminismoarekin ere. Martxoak 3 elkarteari aitortza berezia egin behar zaio zentzu horretan. Egungo botereek alfonbra gorria jarrita hartuko lukete bere altzo subentzionatuetan iraganera mugatzea onartuz gero, baina deseroso izaten jarraitzea erabaki du. Elkarteak zubiak eraiki ditu beste borrokekin eta gainontzeko borrokek bere egin dute Martxoaren 3a, nork bere ikuspegitik edukiz betez eta gaurkotuz.
Azken egunak horren isla izan dira beste behin. Omenaldiak egin dira, hitzaldiak, jardunaldiak, prentsaurrekoak, sabotajeak...
Mobilizazio eguna
Goizean ekitaldi eta mobilizazioak antolatu dituzte hainbat antolakundek nork bere aldetik. Gazte Blokeak mobilizazioa egin du, eta minutu batzuez Gasteizko Erdiguneko Bakea kalea moztu du. San Frantzisko elizaren ondoan, poliziak hildako bost langileak omendu ditu Gasteizko mugimendu sozialistak. Metro gutxi batzuetara, Martxoak 3 plazan, beste horrenbeste egin du EH Bilduk ekitaldi nazional batean.
Urtero legez arratsaldeko omenaldi eta manifestazioa izan da mugimendu eta sentsibilitate guztien bilgunea. Martxoak 3 elkarteak eta ESK, Steilas, LAB eta ELA sindikatuek deituta, milaka pertsonek hartu dituzte Gasteizko kaleak.
Pedro María Martínez Ocio, Francisco Aznar Clemente, Romualdo Barroso Chaparro, José Castillo García eta Bienvenido Pereda Moral omendu ostean abiatu da manifestazioa, ilaretan joateagatik ehunka metroko suge amaigabea zirudiena. Manifestazioaren buruan hildako bost grebalarien erretratuak eta atzetik hamaika pankarta eta aldarrikapen: San Frantzisko eliza memoria gunea bilakatzeko eskatzen duen Memoria Gara ekimenarena, polizia indarren aurkakoa, berriki hildako Jesús Fernández Navesen omenezkoa... Oihu artean egin dute manifestariek Zaramagatik Foru enparantza arteko ibilbidea. Artium museoaren parean gazte talde batek edukiontzi bat irauli eta botilez eraso egin dio Ertzaintzari, baina tentsio une batzuen ostean manifestazioak bere bidea jarraitu du.
"Hildako hauek herriarenak dira"
Amaierako ekitaldian, antolatzaileek iraganaren memoria mantenduz etorkizuna gaur borrokatu beharra aldarrikatu dute. “45 urteren ondoren borrokak dirau. Herri honek ez dio utzi kapitalismo izeneko pandemia honen aurka antolatu eta borrokatzeari”. Azken urtean pobreziak gora egin duela gogoratu dute, mugak pertsonei itxiagoak eta merkantziei beti bezain irekiak dirautela, edo emakumeak indarkeria matxistara eta zaintza lan prekarizatuetara kondenatu nahi dituela heteropatriarkatuak. Salatu dute pandemiak erakutsi duela sistemak "zein gutxi zaintzen dituen bere zaintzaileak". Sektore ezberdinetako grebalariak eta emakume migratuak hartu dituzte gogoan, eta borrokarako deia egin dute.
"Trantsizio faltsu haren aurkako borrokaren ondare gara. Gaurko borrokak etorkizuneko belaunaldientzako lorpenak dira". 1976ko grebetan borrokatu ziren guztientzako esker oneko hitzak izan dituzte antolatzaileek. Internazionala eta Eusko Gudariak abestuz mobilizazioari amaiera eman aurretik, 1976ko martxoaren 4ko hiletetan Jesús Fernandez Navesek katedralean egin zuen mintzaldiaren grabazioa entzun da bozgorailuetatik, manifestariak hunkituz. Orduko garrasia fresko mantentzen da: "Hildako hauek Gasteizko herriarenak dira".
🌹📽️ [BIDEOA] Milaka lagunek justizia eta Martxoaren 3ko memoria aldarrikatu dute Gasteizen, 45. urteurrenean https://t.co/cmLP8ADG0C pic.twitter.com/cPuOwPNY7s
— Arabako ALEA (@ArabakoALEA) March 3, 2021
Bide parlamentarioa egin beharko du orain. Lege testu honen arabera, 30 urteko epea ezarriko dute sekretuak desklasifikatzeko, eta 45 urtekoa "goi mailako" sekretuendako. Bakoitza hamabost urtez luza daiteke.
Hiru bideo dira (albiste barruan ikusgai). Batak jasotzen du, grebak antolatzea leporatuta, Carabanchelen espetxeratu zituzten Jesús Fernandez Naves, Imanol Olabarria eta Juanjo San Sebastián langileak espetxetik atera ziren unea, 1976ko abuztuan. Beste biak Martxoak... [+]
49 urte eta gero Espainiako Poliziak Gasteizko Maria Sortzez Garbiaren katedralean eraildako bost langileak oroitu dituzte beste behin astelehen arratsaldean. Milaka pertsona batu dira Zaramagatik abiatutako eta katedralean amaitutako manifestazioan. Manifestari guztiek ez dute... [+]
Martxoak 3ko sarraskiaren 49. urteurrena beteko da astelehenean. Grebetan eta asanblada irekietan oinarritutako hilabetetako borroka gero eta eraginkorragoa zenez, odoletan itotzea erabaki zuten garaiko botereek, Trantsizioaren hastapenetan. Martxoak 3 elkartea orduan... [+]
1976ko martxoaren 3an, Gasteizen, Poliziak ehunka tiro egin zituen asanbladan bildutako jendetzaren aurka, zabalduz eta erradikalizatuz zihoan greba mugimendua odoletan ito nahian. Bost langile hil zituzten, baina “egun hartan hildakoak gehiago ez izatea ia miraria... [+]
Martxoaren 3ko Memoriala hornitzeko erabiliko dira bildutako objektuak. Ekimena ahalik eta jende gehienarengana iristeko asmoz, jardunaldiak antolatuko ditu Martxoak 3 elkarteak Gasteizko auzoetan.
ELA, LAB, ESK eta STEILAS sindikatuek eta M3 elkarteak "herrikoia eta sozialki plurala" den memoria eguna "errepresiorik gabe" egitea eskatu dute. Eusko Jaurlaritzari zuzendutako eskaera da, "iaz ez bezala", aurten manifestatzeko eskubidea bermatzeko... [+]
Egun hartan Espainiako Poliziak bost langile hil zituen eta dozenaka zauritu. Orain, identifikatu gabeko beste zazpi zauritu aurkitu dituela iragarri du Martxoak 3 elkarteak. Oraindik, alabaina, ez dute lortu zauritutako beste 20 pertsona identifikatzea.
Segurtasun sailburuak adierazpenak egin ditu astearteko gobernu bilera ostean. Xuhar 16 urteko gaztea bera egin du inauteritan jasotako lesio larrien erantzule, eta Ertzaintzak Martxoak 3ko manifestazioan poliziak infiltratu zituela onartu du, “polizia demokratiko”... [+]
Asteazkenerako agerraldi masiboa deitu dute Gasteizko Martxoak 3 plazan, “errepresiorik gabeko Martxoak 3 herrikoiaren alde”. Aske antolakundeak astelehenean egin du protesta, eta atxilotuei elkartasuna adierazi die. EH Bilduk eta Elkarrekin Podemosek azalpenak... [+]
Ertzaintzak bere agente bat infiltratu zuen Gasteizko Martxoaren 3ko manifestazioetan, Segurtasun Saileko iturri batek eldiario.es hedabideari baieztatu dionez. Lankideek beraiek jipoitu zuten manifestazioan izan ziren karga eta istiluetan.
Milaka herritar batu dira igande eguerdiko manifestazioan. Polizia manifestarien aurka oldartu da Bakea kalean, Corte Inglés parean, eta manifestazioa zatitu du. Bost lagun atxilotu ditu Ertzaintzak eta hainbat zauritu, tartean adineko emakume bat ahoan, foam jaurtigailu... [+]
Igandean egingo da manifestazio nagusia, ESK, LAB, ELA eta Steilas sindikatuek eta Martxoak 3 elkarteak deituta. Palestinari aipamen berezia egin diote lau sindikatuek. Egun berean zein aurrekoetan deialdi eta ekimen gehiago antolatu dituzte hainbat eragilek.
Otsaila hilabete garrantzitsua izan da Gasteizko Martxoak 3aren Memoriaguneari begira. Hiru urteko prozesuaren ondoren, hilaren 14ean sinatu zuen Martxoak 3 elkarteak hitzarmena Gogora institutuarekin. Egun bat beranduago, Martxoak 3 Memoriagunea fundazioaren sorrera argazkia... [+]
Gasteizko Zaramaga auzoko San Frantzisko eliza birmoldatzeko EH Bilduk Espainiako Gobernuarekin hitzartutako diru-partida ez du erabiliko Eusko Jaurlaritzak, ez delako eraikinaren "jabe ezta onuradun ere". Hala, Martxoaren 3ko Memoriaren Gunearen proiektuak aurten ere... [+]