Martxoaren 3ko memoria zaindu
1976ko martxoaren 3a langileek, Gasteizko herriak, eta euskal herritarrek oro har, inoiz ahaztuko ez duten eguna izan zen. Bost langile hil, beste ehunka zauritu eta ordezkari asko atxilotu zituzten.
Gasteizko San Frantzisko elizako sarraski hura, bere duintasunaren alde borrokatzen ari zen langile mugimenduari Espainiako Gobernuak emandako erantzun politiko eta poliziala izan zen; borroka antikapitalista, asanbleario eta solidario bati emandako erantzuna.Langileek ez ezik, milaka familiak ere eguneroko mobilizazioetan hartu zuen parte, eurei ere eragiten zien hitzarmen baten alde.
44 urte geroago,Gasteizko Udala, Arabako Aldundiaeta Eusko Jaurlaritza “Martxoaren 3aren eta beste giza eskubideen urraketa batzuenbiktimen Memoriala”gidatzen saiatzen ari dira. Memoriala San Frantzisko elizan kokatuko litzateke, orduko batzar eta erabakien eguneroko epizentroa, eta poliziak bostlangileak hil zituen lekua. Ez dirudi bidezkoa ezta egokia ere, langile haiek greba eredugarri harekin borrokatu zuten sistema kapitalista ordezkatzen dutenak, orain izatea Memorial horren buru.
Langileen borroka haren memoria historikoa hobekien zaindu eta bermatu dezaketenak langileak berak dira, batzar haietako protagonistak, baita grebalarien senideak eta elkartasuna erakutsi zuten haiexek ere. Jesús Fernández Naves bezalako erreferente batzuk desagertu diren arren, Gasteizen badira oraindik 1976ko martxoaren 3ko benetako Memoriaren Zentroa diseinatu beharko luketen protagonistetako asko. Horrela bakarrik bermatu ahal izango da langile borroka eredugarri, antikapitalista, asanbleario eta solidario harekiko leialtasuna.
Segurtasun sailburuak adierazpenak egin ditu astearteko gobernu bilera ostean. Xuhar 16 urteko gaztea bera egin du inauteritan jasotako lesio larrien erantzule, eta Ertzaintzak Martxoak 3ko manifestazioan poliziak infiltratu zituela onartu du, “polizia demokratiko”... [+]
Asteazkenerako agerraldi masiboa deitu dute Gasteizko Martxoak 3 plazan, “errepresiorik gabeko Martxoak 3 herrikoiaren alde”. Aske antolakundeak astelehenean egin du protesta, eta atxilotuei elkartasuna adierazi die. EH Bilduk eta Elkarrekin Podemosek azalpenak... [+]
Ertzaintzak bere agente bat infiltratu zuen Gasteizko Martxoaren 3ko manifestazioetan, Segurtasun Saileko iturri batek eldiario.es hedabideari baieztatu dionez. Lankideek beraiek jipoitu zuten manifestazioan izan ziren karga eta istiluetan.
Milaka herritar batu dira igande eguerdiko manifestazioan. Polizia manifestarien aurka oldartu da Bakea kalean, Corte Inglés parean, eta manifestazioa zatitu du. Bost lagun atxilotu ditu Ertzaintzak eta hainbat zauritu, tartean adineko emakume bat ahoan, foam jaurtigailu... [+]
Igandean egingo da manifestazio nagusia, ESK, LAB, ELA eta Steilas sindikatuek eta Martxoak 3 elkarteak deituta. Palestinari aipamen berezia egin diote lau sindikatuek. Egun berean zein aurrekoetan deialdi eta ekimen gehiago antolatu dituzte hainbat eragilek.