ARGIA.eus

2020ko uztailaren 04a

Martuteneko espetxean preso zegoen gizonezko bat hil da

  • Astelehenean eman zuen heriotzaren berri funtzionario talde batek. Hilabete baten barruan espetxe horretan hildako bigarren pertsona litzateke.

ARGIA @argia
2020ko urtarrilaren 14a
(Argazkia: Ketari)

Astelehen goizeko presoen zenbaketa burutu bitartean aurkitu zuten 41 urteko gizonezkoaren hilotza bere ziegan, Donostiako Martuteneko espetxean. Presoaren heriotzaren berri kartzelako langile talde batek eman zuen, eta informazioa baieztatu zuen Espainiako Espetxe Erakundeetako idazkaritza nagusiak.

Hildakoa 41 urteko gizonezkoa dela, informazio hori besterik ez dute eman argitara espetxetik, datuak babesteko legeak informazio gehiago ematea eragozten duela argudiatuta.

Heriotzaren kausa zein den jakiteko ere tarte bat beharko dutela adierazi du Espainia Espetxe Erakundeak. Hala ere, zenbait iturrik publiko egindako informazioaren arabera, baliteke gizona gaindosiz hil izana.

Gorpuari autopsia egingo diotela jakinarazi du Espainia Espetxe Erakundeak, baita auzibideari eta barne ikerketari bide emango zaiola ere.

Espetxe barruko heriotzen kontadorean zenbaki bat gehiago

Espetxeko funtzionario talde batek informatu zuenez, abenduaren 20an beste preso bat hil zen Martuteneko espetxean; astelehenean zendutakoa, beraz, hilabete baten barruan hildako bigarrena litzateke.

Kartzela eremuen jazotako bi heriotza horiek ez dira kasu isolatuak. 2019an, bost preso hil ziren Zaballako espetxean.  

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Espetxe baldintzak  |  Donostia

Espetxe baldintzak kanaletik interesatuko zaizu...

Azkenak
EGILEA
Argia buletina
Egunaren laburpena
zure e-postan
Eguneraketa berriak daude