Mario Fernándezek Repsol utzi du, epaileek behartuta

  • Espainiako Auzitegi Gorenak berretsi egin du Kutxabanken presidente ohiaren kontrako epaia, diruaz bidegabe jabetzeagatik eta sei hilabeteko kartzela zigorra ezarri dio. Mikel Cabieces Espainiako Gobernuko EAEko ordezkari ohiaren eta Rafael Alcorta abokatuaren kontrako urtebeteko eta sei hilabeteko kartzela zigorrak ere berretsi ditu auzitegiak.

Urko Apaolaza Avila @urkoapaolaza
2018ko otsailaren 21a

2012 eta 2014 urteen artean Fernandezek 243.592 euro ordaindu zizkion Cabiecesi euskal bankuaren kontura, Alcortaren bulegoaren bidez. Eskandalua Fernándezek Kutxabankeko presidentetza utzi eta gutxira aireratu zen eta 2017ko martxoan Bizkaiko Probintzia Auzitegiak hiru lagunak epaitu zituen, herri akusazioak eta fiskaltzak eskatutakoa baino zigor leunagoak ezarriz.

Auzitegi Gorenean kasazio helegitea aurkeztu zuten auzipetuek, honek ordea ez ditu aintzat hartu. Bai ordea Fiskaltzak aurkeztutakoa, alegia, Fernández desgaitzea merkataritza sozietateak kudeatu edo merkatal lanetan aritzeko kartzela zigorrak iraun bitartean.

Gorenaren erresoluzioa otsailaren 15ean dago sinatua baina asteartean jakin zen. Publiko egin eta berehala bankariak oharra kaleratu du, sententziarekin “erabateko desadostasuna” adieraziz baina Repsoleko kontseilari kargua utzi duela esanez.

Fernádezen irudia Repsoleko administrazio kontseiluko perfilean. Kargua gutxienez duela hilabete utzi zuela ageri da CNMVren webgunean.

Petrolio konpainiak onartu egin du dimisioa eta Fernándezen “kategoria profesional eta pertsonala” goraipatu du. Nolanahi ere, erabakia duela hilabete hartuta zuela dirudi, Repsolek 2018ko urtarrilaren 15ean Merkataritza Erregistroan aurkezturiko administrazio kontseiluko kideen artean jadanik ez baitago bere izenik.

Urteko soldata Repsolen: 309.000 euro

Fernández 2011ko apiriletik da Repsoleko kontseilari eta beste hainbat kargu ere izan ditu bokal bezala, izendapen horiengatik 309.000 euro kobratu zituen 2016an –2017ko datuak oraindik ez dira ezagunak–. Konpainiaren webgunean ageri denez, 5.731 akzio dauzka, kapital osoaren %0,00.

Repsoleko administrazio kontseiluan hamasei lagunetik hamalau gizonak dira. Tartean da Josu Jon Imaz EAJko buru izandakoa eta Fernándezen gertukoa; 2016an ia hiru milioi euro irabazi zituen politikari jeltzale ohiak kontseilari delegatu kargua edukitzeagatik.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Ustelkeria  |  Kutxabank  |  Ustelkeria  |  Repsol

Ustelkeria kanaletik interesatuko zaizu...
2018-09-19 | Nahia Ibarzabal
'De Miguel' auziko akusatuek ez dute negoziatuko fiskaltzarekin

Zigorrak arintzearen truke akusazioak aitortzea eskatzen die fiskalak baina akusatuen abokatuek adierazi dutenez, errugabeak direla defendatuko dute eta fiskaltzarekin negoziatu gabe bilatuko dute absoluzioa.


'De Miguel' auziko defentsa akordio bila dabil, erruduntasuna onartzearen ordainetan

Alfredo de Miguel Arabako EAJko buruzagi ohia, De Miguel auziko akusatu nagusia eta ustez iruzurra egiteko enpresa-sarearen burua, astelehenean zen deklaratzekoa. Baina ez du egingo. Bi astez atzeratu egin da epaiketa, defentsa fiskalarekin akordioa lortu nahian dabilelako.


2018-09-17 | Zero Zabor
Karrantzako Minda usteletik Zubietako erraustegira: nork ikertu behar ditu EAEko ate birakariak?

Bizkaiko Entzutegiak erabaki berri du Karrantzako Minda araztegiaren kiebrak badituela errudunak eta Bizkaiko bailara honetako azienden simaur-isuriak birziklatzeko proiektua antolatu zutenak kondenatu ditu, tartean Eusko Jaurlaritzako Nekazaritza saileko zuzendari postutik arazteagiaren bultzatzaile nagusia izan zen Martin Askazibar (EAJ), lekuko beste zenbait agintari ohiz gain.


Kursaal eta estraperloa

Donostia, 1934ko irailaren 12a. Gran Kursaal kasinoan Straperlo izeneko bi erruleta mekaniko jarri zituzten abian.


2018-08-22 | ARGIA
De Miguel auziarekin lotutako enpresa bati kontratu publiko bat eman zaiola salatu du EH Bilduk

De Miguel auzian “inplikatuta” dagoen STOA enpresari eman diote Miñaoko parke teknologikoko sektorizazio planaren erredakzioa egiteko kontratua EH Bilduk jakinarazi duenez. Koalizioak aurreratu du, EAEko Legebiltzarrean eta Gasteizko Udalean azalpenak eskatuko dituela.


2018-06-19 | Axier Lopez
Munduko Kopak badu irabazlea

Estadio, taberna eta albistegietako orroak futbola ez den gainerako guztia estaltzen hasi dira, baita nazioarteko futbolarekin lotutako negozio ilun eta ustelak ere. 2015eko AEBetako fiskal nagusiaren hitzak ahanzturaren zingiran urperatu dira jada: “Futbolaren kupuletan agerikoa, sistematikoa eta sakonki errotutakoa da ustelkeria”. Errusiako gizonezkoen munduko futbol txapelketari begira izango dira 3.400.000 lagun, FIFAren datuen arabera. Eta badakigu kiroletik baino negoziotik... [+]


Ustelkeriak Sabin Etxearen atea jo du

Euskal Herrian inoiz epaitu den ustelkeria kasu handienetakoa da De Miguel auzia. Besteak beste, dirua zuritu, legez kanpoko komisioak jaso eta hirigintza operazioekin iruzurra egitea egozten diete Alfredo de Miguel Arabako EAJko buruzagi ohiaz gain auzipetutako beste 25 laguni, horietako asko alderdi jeltzaleari oso lotuak. Ikusteke dago euskal Gürtelak zer faktura ekarriko duen, baina Sabin Etxean aspaldi ari dira altzariak estaltzen alderdia ahalik eta gutxien zipriztintzeko.


De Miguel auziko hiru inputatuk 170.000 euro jaso zituzten kalte-ordain gisa "bidegabeko kaleratzeagatik"

De Miguel auzian inputatuta daude hirurak eta denera 170.000 euroko kalte ordaina jaso zuten, Hala Bedik argitaratu duenez. Ustelkeriagatik EAEko epaiketarik handiena da eta EAJko kide ohi ugari daude akusatuen aulkian.


Osakidetzako oposizioetan, hamar espezialitatetan iruzurra egon dela salatu du LAB sindikatuak

Osakidetzako oposizioetan iruzurra egon dela salatu du LAB sindikatuak eta salaketarekin bat egin dute ELA eta ESK sindikatuek ere, baita oposizioko EH Bildu, Elkarrekin Podemos eta PP talde parlamentarioak ere.


2018-06-05 | Nahia Ibarzabal
Osakidetzako iruzurraren aurrean Darpon sailburuak lasaitasunerako deia egin du

Jon Darpon osasun sailburuak asteleheneko prentsaurrekoan, lasaitasun mezua igorri die azterketagileei eta epai mahaia osatzen duten Osakidetzako profesionalei.


Azkenak
EGILEA
Eguneraketa berriak daude