Ohi baino jende gutxiago bildu zen Sarako Biltzarrean, baina hala eta guztiz ere, herriak 140 egile jaso zituen. Erran hedabideak aditzera eman duenez, argitaletxeek eta idazleek aurkezpen ugari egin zituzten, eta bi urterik behin banatzen dituzten Biltzarreko sariak Marie-Jose Basurko eta Koldo Ameztoirentzat izan ziren.

Berez joan den apirilaren 13an eta 14an egitekoa zen aurtengo Sarako Biltzarra, baina koronabirusa dela eta, irailera pasa zuten. Hori ez ezik, egitaraua bi egunetatik bakarrera murriztu dute antolatzaileek.