Mañerun euskaraz bizitzeko eskubidean aurrera egiteko hartu duten erabakia errespetatzeko eskatuko dute
Euskaltzale guztiak larunbatean antolatutako elkarretaratzera gonbidatu ditu Mañeruko Udalak eta Hordago ekimenak, eremu mistora pasatzeko eskaria Nafarroako legebiltzarreko PSN eta UPNk atzera bota izana salatzeko asmoz.
Mañeruko Udalak eta Hordako ekimenak protesta antolatu dute larunbatean, eremu "ez euskaldunetik" mistora pasatzeko eskaria bertan behera gelditu izana salatzeko asmoz. Euskalgintzako eragileak batzen dituen Kontseiluak ere bertara joateko deia egin du. Otsailak 11ean Mañeruko Foruen Plazan izango da ekimena eguerdiko 12:30ean. Euskaltzale guztiak bertan parte hartzera gonbidatu dituzte. Ordu erdikoa izango da elkarretaratzea, eta ondoren, antolatzaileek hitza hartuko dute.
Legeak inposatutako "eremu ez euskaldunetik" eremu mistora pasa eta hizkuntza eskubideen alorrean aurrera egiteko eskaria egin zuen Mañeruko udalbatzak aho batez urtarrilean. Nafarroako Legebiltzarrak onartu behar zuen aldaketa, ordea. Bozketa egin ondoren, Geroa Bai, EH Bildu, Ahal Duguk eta Izquierda-Ezkerrak alde egin arren, PSNek eta Navarra Sumak aurka bozkatu zuten. Xabier Letonak idatzitako albiste honetan duzue ikuspegi zabalagoa.
LABek ohartarazi du Gipuzkoako Foru Aldundiko behin-behineko 119 langileak egonkortzeko egin den bidea bertan behera gelditu daitekeela, hizkuntza eskakizuna ezarri izanagatik helegitea aurkeztu dutelako. LABek eta ELAk elkarretaratzea deitu dute otsailaren 16rako, Donostian.
Errenteria-Oreretako Aurrera tabernako zerbitzariak euskararekiko "mespretxuz" eta oldarkor erantzun zion euskaraz eskatu zuen bezero bati euskalgintzako hainbat kidek salatu dutenez.
Zizurko Udalaren obretako langile lanpostu baten euskarazko profila atzera bota du Iruñeko Administrazioarekiko Auzien 3. Epaitegiak. Erabaki horren aurka elkarretaratzera deitu dute hainbat eragilek. Hizkuntza Eskubideen Behatokiko zuzendari Agurne Gaubekaren aburuz,... [+]
Nafarroako Justizia Auzitegi Nagusiaren aurrean elkarretaratzea egin dute Zizur Nagusiko Udalaren aurka eman den azken epaia salatzeko. Udalak langile lanpostu batean ezarritako hizkuntza eskakizuna atzera bota du epaitegiak.