Eszeptizismo zientifikoa | Generoa

Magufismoaz eta feminismoaz

  • ARGIAko 2.509 zenbakian June Fernandezek idatzitako Magufak irakurri du artikuluegileak. Ez dio Fernandezen tesiari osoko helegitea egin nahi, baina hark eginiko adierazpenen aurrean beste ikuspuntu bat aurkeztu du.

Juan Etxenike Almeida @@xare
2016ko ekainaren 07a

Arreta handiz irakurri dut ARGIAko aurreko zenbakian June Fernandezek idatzitako Magufak izenburuko artikulua.

Nire ustez, June Fernandezen ikuspuntua eta nirea bi esperientzia ezberdinetatik abiatzen dira, beraz honako erantzunak, erantzuna bada, ez du June Fernandezen tesiari osoko helegitea egin nahi, baina bai berak eginiko adierazpenen aurrean beste ikuspuntu bat aurkeztea.

Ni ez naiz Erdialdeko Amerikan egon, eta ez dut aukerarik izan hango emakume aktibisten baloreak eta sinesmenak bertatik bertara ezagutzeko, beraz, ez naiz sartzen eremu horretan, eta ez dut zalantzan jartzen bertako hainbat sinesmen praktikak kolonialismoari aurre egiteko baliagarriak izan daitezkeela. Bat egiten dut June Fernandezekin gauza batean, funtzionatzen duenak funtzionatzen du, nahiz eta ez eduki espektroskopia bat edota froga bat zientifikoki balioztatuta.

Hala ere, gu Europan bizi gara eta ni Grezian bizi izan naiz 5 urtez, bertan alderdi neonazi baten gorakada ikusi izan dut, eta zerbaitek bereizten baldin badu nazismoa gainontzeko faxismoetatik, hain zuzen, helburu politikoetarako pentsamendu magikoa erabiltzea da. Helena Blavatsky izan zen Europan nagusitu den “magufismoaren” ideologoetariko bat. Modernitatearen aurkako erreakzio erromantikoaren testuinguruan. Berak sortu zuen elkarte teosofikoa eta semitak espiritualki degeneratutzat jo zituen, bere ustez Australiako aborigenak, adibidez, arrazari dagokionean gutxiagotuak ziren. Ez bazuen harreman zuzenik izan nazismoarekin, 1891n hil baitzen, 1917. urtean sortutako Thule elkarteak teosofiaren jarraitzaileekin izan zituen harremanak. Thule elkarteko kideek Aleman Langileen Alderdia sortu zuten, geroago Alemaniako Alderdi Nazional Sozialista bilakatuko zena. Naziek hainbat espedizio burutu zituzten Tibet aldera, haien ustezko arraza ariaren balio espiritualen gotorlekura. Ernst Schäferrek espedizio bat bultzatu zuen, eta 1938ko apirilean analisi pseudozientifikoak eraman nahi zituen, nazien doktrina egiaztatuko lukeena. 3. Reichen zaletasun handia zegoen okultismo eta esoterismoarekiko. Grezian, berriz, Epsilon taldea dago, greziarren arraza antzinako jainkoek bidalitako estralurtarrek sortu zutela deritzote. Gamma gurutzea, svastika delakoa, eta agur faxista justifikatzeko pentsamendu magikora jotzeko ohitura daukate Urrezko Egunsentiko kideek.

Eta hemen ere, Europan eta estatu mailan magufismoaren aldetik diskurtso antifeministak eta homofobo larriak bultzatzen ari dira. Esate baterako, Jose Luis Camachok, bere Mundo oculto Youtubeko kanalean, zein Rafael Palaciosek, bere webgunearen bidez, genero teoria eta feminismoaren aurkako mezuak eta tesiak zabaltzen dituzte. Horiez gain, magufismoak elite atzean beti ipintzen du herri “judutar” madarikatua.

Beste aldetik, feministak eszeptizismoaren aldeko plataformetan antolatzen ari dira, adibidez More women into scepticism, Skepchicks eta Escepticas kolektibokoek ideologia feminista zein LGBTren aurkako zurrumurruen aurka borrokatzen dute eszeptizismoaren ikuspuntutik. Beraz zerbaitetan ez banago ados June Fernandezekin da berak ematen duen eszeptizismoaren deskribapenarekin, non jarrera patriarkalak omen dira nagusi. Auzia, nire ustez, askoz ere nahasiagoa da.

Modernitatea eta ilustrazioa zorretan daude hainbat emakumerekin, zalantzarik gabe. Adibidez, Emilie du Chateletek Newton eta Leibnizen ereduen arteko lotura eraiki zuen, harengatik dakigu gaur egun energia eta abiaduraren arteko harremana karratuaren proportziokoa dela. Hala ere, gaur arte inork ez du bere izena aipatzen ez institutuetan ezta ere unibertsitateetan. Fisikako akademiako ateak eta XVIII. mendeko fisikarien topaketen guneak (Parisko zenbait kafetegi) itxita zeuden berarentzat emakumea zelako. Egun batean, gizonez jantzi zen eta fisikariak biltzen zituen kafetegi batean agertu zen bazterketari aurre egiteko, orduz geroztik barruan sartzea lortu zuen. 200 urte beranduago egoerak ez zuen hobera egin, Lisa Meitner fisikari austriarrak bi arazo izan zituen. Emakumea izateagatik ez zioten laborategian lan egiten uzten eta Berlingo Unibertsitateko tailer batean hasi behar izan zituen bere ikerketak, 30 urteko lanen ondorioz, Alemaniak izan duen lehenengo unibertsitate irakaslea izatea lortu arte, baina beste arazo bat ere bazuen, judutarra zen, eta naziek boterea eskuratu zutenean Suediara erbesteratu zen, hala ere bere lankidea zen Otto Hahnekin elkarlanean jarraitu zuen postaz, biek asmatu zuten fisio nuklearra. Meitnerrek, beti postaz, Hahnek zituen korapiloak askatzen lagundu zuen. Azkenean Meitnerrek Einsteinek asmatutako e=mc2 ekuazioari ezker buruhausteari eman zion konponbidea. Meitner izan zen azken finean Einsteinen asmakizunari froga materiala eskaini ziona. Baina, ez zioten Nobel saria eman, nazien erregimenak Otto Hahn presionatu zuen Meitnerren izena agertu ez zedin. Gizadia zorretan dago bi emakume horiekin eta haiek bezala zientzia munduan patriarkatuaren oztopoak gainditu eta eraitsi dituztenekin.

 

Juan Etxenike Almeida

@xare

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Iritzia kanaletik interesatuko zaizu...
2018-08-17 | JJ Agirre
Euskarari eraso... Eusko Jaurlaritzatik bertatik!

Andoni Unzalu Eusko Jaurlaritzako goi-kargu PSOEtarrak Ideas o creencias liburuxka argitaratu du, alderdiaren babesik handienarekin: Celáa, Retortillo, Lopez, San José, Prieto, eta beste hagintari batzuk izan ditu lagun aurkezpenetan.


Geroa Bai-ren zinismoa Maravillasen kasuan

Azken egunotan, Nafarroako Gobernuak Maravillas Gaztetxearen desalojo kautelarra eskatu zuenetik eta bereziki, operatiboaren prestaketa dela eta helikoptero bat Gaztetxea aztertzen aritzen denetik, Geroa Bai-ren aldetik botatako adierazpenek bultzatzen naute idaztera.

 


Ezinezko berdinketa

Medioetan irakurritakoaren arabera, Foro Sozialeko ordezkaritza bat eta EPPK-ko bi mintzakide elkarrizketatu egin dira. Aipatzen dutenez, kolektiboko kideek espainiar eta frantses estatuetako legezko bideak jorratzeko prestutasuna erakusteaz gain, itxaropentsu daude, eta era berean, jarduera politikoagatik barkamena eskatzeko prest omen daude.


2018-08-10 | Sortu
Maravillas aurrera! Gaztetxe eta gune autogestionatuak aurrera!

Aldaketarako lanabesak ere direlako. Lantegiak, ikastetxeak, euskaltegiak, auzo elkarteak, herri komunikabideak eta bestelako tresna eta guneak bezala, gaztetxeek aldaketa bultzatu, eta hauek ere, egunez-egun eraikitzen dutelako.


2018-08-10 | LAB sindikatua
Maravillas Gaztetxea husteko mehatxua salatu dugu, eta Geroa Bairi bere jarrera zuzentzeko eskatu diogu

LABek Maravillas Gaztetxearen defentsan eta bere hustearen aurka mobilizatzeko deia egiten die langileei. Ez dugu indarrez hartutako neurririk onartuko. LABek eraikina husteko agindua bertan behera uzteko eskatzen dio Nafarroako Gobernuari, eta elkarrizketaren bidezko irtenbide baten alde egin dezala.


Maravillas aurrera!

Gure egiten dugu proiektuaren defentsaren aldeko aldarria!


Nafarroako Gobernuaren azken adierazpenen aurrean

Gaur bertan jakin dugu, hainbat hedabideren eskutik, Nafarroako Gobernuak “elkarrizketarako borondatea” agertu duela. Aldi berean, blokeo egoeraren errua egotzi digu eta hustutze “lasaia” espero dutela adierazi. Zinismo honen aurrean, azken hilabetetan jasotakoaren hainbat iritzi eta gertakariren kontakizuna argitara emateko beharrean gaude.


2018-08-09 | Patxi Azparren
Euskal Naziotasuna: Podemos eta bestelakoak

Etxebizitzen prezioaren iruzur erraldoiak jaioterritik (Donostiatik) bota baninduen ere, orain arte, beti, Gipuzkoan erroldatuta eta lan egin dut. Halere, oraindik arrotz dut EAE delako eremua. Pais Vasco; EAE; Comunidad Autonoma... horiek guztiak ez ditut atsegin.


Gobernuaren erantzuna: Euskara, atzerriko hizkuntzen azpitik

Arartekoak gomendatutakoaren aurka, Nafarroako Gobernuak aurrerantzean ere jarraituko du Nafarroako Erriberan (eta "ez-euskaldun" deitutako eremu guztian), euskara ez baloratzen lan deialdietan, alemana, ingelesa eta frantsesa baloratzen dituen bitartean. Euskararen balioa zero da lekualdaketetan eta oposizio-lehiaketetan, eta aipatutako hizkuntzek 2 puntu ematen dituzte bakoitzak. Nafarroako Arartekoak behin baino gehiagotan gomendatu dio Gobernuari: Ez dadila atzerriko hizkuntza bat... [+]


Azkenak
EGILEA
Eguneraketa berriak daude