ARGIA.eus

2022ko maiatzaren 20a

Luxuzko Hilton hotel bat eraikitzen ari dira Donostiako Arte Ederren eraikinean

  • Gauza jakina zen Donostiako Arte Ederren eraikinean turismoarekin loturiko negozio bat prestatzen ari zirela, baina sekretua zen atzean nor zegoen. ARGIAk jakin duenez, Hilton hotelen multinazionala da, beren urteko lehen hiruhileko balantze ekonomikoan lerro batean aipatu dutenez. Eraikinaren jabe zen Sade enpresak hamarkada ugaritan ia erortzen utzi ostean, behinola zinema eta Donostiako orfeoiaren egoitza izandako eraikin ikonikoa luxuzko hotel bilakatuko dute.

Gorka Rubio / Foku
2022ko maiatzaren 10a

Lehen hiruhilekoan 211 milioi dolar garbi irabazi dituela nabarmentzen duen txostenak horrela dio hitzez hitz bigarren orrian:

Hiruhileko honetan abian jarri diren bi eskaintza nabarmentzen dira, Curio Collection Hilton markapean. Hauek dira: Ekuadorren Royal Palm Galapagos, eta Donostian Arte Ederren Jauregia.

Hiriko hamaika eragilek deitu zuten eraisketaren aurkako manifestazioa.

1914an eraikitako eraikin ikonikoa, horrenbestez, hiriak galduko duen ondarearen parte bilakatzear da. Bere garaian esan zuten 84 logela eta lurpeko parking robotizatua izango duela. Sade enpresak dena eraitsi du kanpoko fatxada izan ezik, eta adierazi dute horren singularra zuen kupula berreraikiko diotela.

Protesta ugari izan dira eraikina hotel bilakatzearen aurka. Ondare arkitektonikoaren aldeko Ancora elkarteak eta hiriko beste hainbat taldek sinadura bilketa eta mobilizazioak egin zituzten, eta Arte Ederren eraikina botatzea "marra gorria zeharkatzea" zela adierazi zuten. ICOMOS sareak "nazioarteko alarma" jo zuen eraikin hau suntsitzearen aurka.

Eneko Goia Donostiako alkate denetik, 50 dira ireki edo onartu dituzten hotelak hirian.

Duela sei urte, Donostiaren elitizazioa azeleratzen ari da erreportajean jorratu genuen gerora nabarmen geratu den prozesu hau hirian izaten ari den eragina.

Kanal hauetan artxibatua: Etxebizitza eskubidea  |  Donostia  |  Turismoa

Etxebizitza eskubidea kanaletik interesatuko zaizu...
2022-05-19 | ARGIA
Suprefeturan kanpaldia egin du Aldak, iruzurrezko alokairuen kontrako neurriak eskatzeko

Ordu pare batez egon dira bertan 40 bat militante praktika "ilegal" horiek salatzen. Hitzordua eskatu diote Pirinio Atlantikoetako Prefetari.


2022-05-17 | ARGIA
Basque Culinary Center unibertsitate pribatua ezartzeko lursail publikoa lagatzea "lotsagarria" dela salatu dute

Donostiar askok errentak ordaindu ezin dituztelako Gros auzoa utzi behar duten bitartean, Eusko Jaurlaritzak eta Foru Aldundiak auzo horretan “Basque Culinarty Center unibertsitate pribatua instalatzeko diru publikoko 26 milioi” eta udalak “5.500 metro koadroko... [+]


Peio Molinuevo, Batu Elkarlaguntza Sareko kidea
“Hemen gaude, gu gara basakeria hau sufritzen dugunak”

Iragan astean, maiatzaren 5ean, Basauri eta Arrigorriagako hemezortzi bizilagun etxerik gabe geratzeko arriskuan daudela iragarri zuen Batu Elkarlaguntza Sareak. Errealitate gordin hori ezagutzera ematearekin batera kanpaina abiatu dute, eta Basauriko eta Arrigorriagako udalei... [+]


2022-05-04 | ARGIA
Emakume bat eta bere seme-alabak kaleratu dituzte Artean

Arteako emakume baten eta bere seme-alaben etxe kaleratzea zegoen aurreikusita gaurko. Igorreko Kiñu Gaztetxeak kaleratzea gelditzeko erresistentzia deialdia egin du, eta hainbat pertsona hurbildu diren arren kaleratzea gelditzera, gauzatu egin da etxe kaleratzea.


Irakurrienak
Azken albisteak
Argia buletina
Egunaren laburpena
zure e-postan
Eguneraketa berriak daude