Goiena hedabideak eztabaidan ari diren bi aldeen argudioak laburbiltzeko ahalegina egin du, ondoren bien hitzak zabalduz. Hona Ubane Madera kazetariaren laburpena: “Lurpeko edukiontziak direla-eta, ika-mikak Arrasate Garbia eta Arrasateko Udalaren eta Mankomunitatearen artean". Arrasate Garbiak salatu du ‘Arrasateko Udala eta Mankomunitatea lurpeko edukiontziei egiten ari den boikot politika’. Plataformak zuzenean galdetzen die bi erakundeei ea ‘zergatik kostatzen den konpontzea’ edukiontziok, azpimarratuz ‘lurpeko edukiontzi horiek inbertsio garrantzitsu eta herriaren garbitasun, higiene eta kalitate urbanistikoaren hobekuntza nabarmena suposatu’ dutela.

Horri erantzunez, Josu Peredak, Arrasateko Udaleko eta Mankomunitateko ordezkariak esan du lurpeko edukiontziak eurak direla ‘bilketa zerbitzuari boikota egiten diotenak eta ez alderantziz”. Konponketen gainean, berriz, adierazi du oso kostosoak direla, bereziki “sarri-sarri izorratzen den sistema’ delako. Eta gaineratu du ‘denok sortzen ditugun hondakinak lurpean ezkutatzearekin arazoa konpondutzat ematea sinplekeriaz jokatzea dela”.

Goienak informazioa beste bi materialokin osatu du:

- Arrasate Garbia plataforma “Boikota lurpeko edukiontziei? Noiz arte?”

- Josu Pereda: “Hondakinak lurpean ezkutatzearekin arazoa konpondutzat ematea sinplekeriaz jokatzea da”