“Loreak”, film onenaren Goya sarirako hautagai

  • Espainiako Estatuko zine akademiak urtero banatzen dituen Goya Sarietan leku garrantzitsua izango du Loreak euskal filmak. Lehen aldiz, euskaraz errodaturiko lan bat pelikula onenaren sarirako hautagai izango da, beste lau lanekin batera.


2015eko urtarrilaren 07an - 11:20
Azken eguneraketa: 2015-02-26 13:37:33
Nagore Aranburu aktorea da filmaren protagonistetako bat.

El Niño, La isla mínima, Magical Girl eta Relatos Salvajes izango ditu lehiakide Jon Garaño eta Jose Mari Goenaga zuzendarien azken lanak.

Horrez gain, musika original onenaren sarirako ere hautatu dute Loreak, Pascal Gaignek egindako doinuengatik. El niño, La isla mínima eta Relatos salvajes dira beste hautagaiak.

Lore-sorta anonimoak protagonista dituen lana Donostiako Zinemaldiko sail ofizialean aurkeztu zutenetik, ibilbide arrakastatsua egin du: laudorioak jaso ditu kritikaren aldetik, nazioarteko jaialdietan hartu du parte (saririk ere jaso dute aktoreek) eta harrera oso ona lortu du aretoetan.

Zuzendariek kontatu ziguten moduan, "gure egunerokoan elementu berri bat sartzen denean, begiradaren baitan dago sortzen duen erreakzioa: mehatxua batzuengan, ilusioa bestetzuengan… Elementuak berak ez du esanahirik, baina pertsonaia bakoitzak, bizi duen testuinguruagatik edo dena delakoagatik, bere sentimenduak eta beldurrak ipintzen ditu elementu horretan. Pelikulan, mihise zuria dira loreak, norberak esanahiz betetzeko zain".

Bestalde, Karra Elejalde gasteiztarrak ere bigarren mailako aktore onenaren garaikurra jaso dezake, 8 apellidos vascos pelikulan antzezturiko pertsonaiagatik; Ricardo Ramón eta Beñat Beitiaetaren Dixie eta matxinada zonbia animaziozko lanen kategorian lehiatuko da; eta Laudioko Kepa Sojok zuzendu duen Loco con ballesta berriz, hautagai da komediazko film laburren kategorian.

Informazio gehiago:

Irakurri Gorka Bereziartuak filmari Argian egindako kritika: Begiekin usaintzekoak.

 

 

 


Kanal honetatik interesatuko zaizu: Loreak filma
Polemika sareetan, Espainiako telebistak ‘Loreak’ filma gaztelaniaz bikoiztuta emititu duelako

Espainiako telebista publikoko bigarren kateak Loreak filma eskaini zuen igande gauean. Emisioak, ordea, ez zituen ikusle guztiak pozik utzi, filmaren bertsio originalaren ordez gaztelaniaz bikoiztuta eman baitzuten.


2016-05-26 | Lander Arretxea
Eneko Sagardoy, aktorea
"Iruditeria berritzea komunak konpontzea bezain beharrezkoa da"

Agendak aginduta ezezkoak eman behar dituen horietakoa da Eneko Sagardoy –besteak beste– aktore durangarra. Antzerkian buru-belarri dabilen bitartean, Altzoko Handiaren azalean jartzeko lanetan ari da orain, Aitor Arregi eta Jon Garañoren zuzendaritzapean... [+]


2015-02-09 | Gaizka Izagirre
Zentsura Goya sarietan?

Zentsura egon al zen Goya sarietan? Carlos Areces aktorearen bitartez etorri omen zen istilu guztia. RTVEko langileen eskubideen aldeko begizta laranja batekin azaldu zen ekitaldira, eta antza denez, bi “erakunde” hauek ez zuten begi onez ikusi keinu hau.


Garaño eta Goenaga: “Loreak filmak oso erreakzio kontrajarriak sortu ditu ikusleengan”

Kritikak laudatua eta publikoak maitatua, ibilbide oparoa egiten ari da Loreak filma. Ez du Espainiako Estatuko pelikula onenaren Goya saria lortu, baina badu zer ospatu lantaldeak. Hala berretsi digute Jon Garaño eta Jose Mari Goenaga zuzendariek:


‘Loreak’, sariz sari Goyatara bidean

Nazioarteko zinemaldietan ibilbide oparoa egiten ari da Loreak filma eta sari aipagarriak lortu ditu. Azkenekoak, Itziar Aizpuruk jasotako bigarren mailako aktore onenaren Feroz sariak, aretoko publikoa altxarazi eta txaloka jarri du.


Eguneraketa berriak daude