Polemika sareetan, Espainiako telebistak ‘Loreak’ filma gaztelaniaz bikoiztuta emititu duelako

  • Espainiako telebista publikoko bigarren kateak Loreak filma eskaini zuen igande gauean. Emisioak, ordea, ez zituen ikusle guztiak pozik utzi, filmaren bertsio originalaren ordez gaztelaniaz bikoiztuta eman baitzuten.


2017ko urtarrilaren 09an - 13:33
Estreinatu zenetik zeresan handia eman du Jon Garaño eta Joxe Mari Goenagaren filmak. Ez ordea hizkuntza kontuengatik.

Versión Española saioaren barruan eskaini zuten Jon Garaño eta Joxe Mari Goenaga zuzendarien filma eta bikoizketarekin gustura ez zeuden herritarrek euren desadostasuna helarazi zioten programaren Twitter kontuari. Deigarria gertatzen da txio horietako gehienak ez dituztela erabiltzaile euskaldunek idatzi, erdaldunek baizik, bikoizketaren kalitate txarrak filmarekin gozatzea eragotzi diela esanez.

Jatorrizko bertsioa emititzeko baimena ETBrena da

Sortzen ari zen zalaparta ikusita, programak azalpenak eman ditu. Argudiatu du jatorrizko bertsioaren eskubideak esklusiboki ETBrenak direla eta horregatik ezin izan zutela euskaraz eskaini. “Bertsio originala defendatzen dugu. Zoritxarrez, beti ez da posible”, erantsi dute Twitterren zabaldutako mezuan.

ETBko aholkularitza juridikoko sailari galdetuta, azaldu dute euskarazko bertsioaren eskubideak EAEko telebista autonomikoaren esku geratzea ohiko praktika dela. “Diru kantitate garrantzitsu bat” ordaintzen du ETBk esklusibotasun horren truke, Ikus-Entzunezkoen Euskal Ekoizle Burujabeen Elkartearekin (IBAIA) hitzartutako konbenioan dagoen baldintzetako bat hori delako.

Esplikatu dutenez, alderantzizko kasuetan, ETBk gaztelaniazko film bat emititzeko TVEri baimena eskuratu izan dionean, beti ordaindu izan da baimen horren truke.

Polemikak polemika, Loreak euskaraz ikusi nahi duenak astelehen honetan bertan du aukera: ETB1ek 22:20ean hasiko zen Zinez saioaren barruan eskainiko du. Oraingoan bai, jatorrizko bertsioan.


Kanal honetatik interesatuko zaizu: Loreak filma
2016-05-26 | Lander Arretxea
Eneko Sagardoy, aktorea
"Iruditeria berritzea komunak konpontzea bezain beharrezkoa da"

Agendak aginduta ezezkoak eman behar dituen horietakoa da Eneko Sagardoy –besteak beste– aktore durangarra. Antzerkian buru-belarri dabilen bitartean, Altzoko Handiaren azalean jartzeko lanetan ari da orain, Aitor Arregi eta Jon Garañoren zuzendaritzapean... [+]


2015-02-09 | Gaizka Izagirre
Zentsura Goya sarietan?

Zentsura egon al zen Goya sarietan? Carlos Areces aktorearen bitartez etorri omen zen istilu guztia. RTVEko langileen eskubideen aldeko begizta laranja batekin azaldu zen ekitaldira, eta antza denez, bi “erakunde” hauek ez zuten begi onez ikusi keinu hau.


Garaño eta Goenaga: “Loreak filmak oso erreakzio kontrajarriak sortu ditu ikusleengan”

Kritikak laudatua eta publikoak maitatua, ibilbide oparoa egiten ari da Loreak filma. Ez du Espainiako Estatuko pelikula onenaren Goya saria lortu, baina badu zer ospatu lantaldeak. Hala berretsi digute Jon Garaño eta Jose Mari Goenaga zuzendariek:


‘Loreak’, sariz sari Goyatara bidean

Nazioarteko zinemaldietan ibilbide oparoa egiten ari da Loreak filma eta sari aipagarriak lortu ditu. Azkenekoak, Itziar Aizpuruk jasotako bigarren mailako aktore onenaren Feroz sariak, aretoko publikoa altxarazi eta txaloka jarri du.


“Loreak”, film onenaren Goya sarirako hautagai

Espainiako Estatuko zine akademiak urtero banatzen dituen Goya Sarietan leku garrantzitsua izango du Loreak euskal filmak. Lehen aldiz, euskaraz errodaturiko lan bat pelikula onenaren sarirako hautagai izango da, beste lau lanekin batera.


Eguneraketa berriak daude