LOMCEren kontrako plataforma utzi dezake Ikastolen Elkarteak
Hainbat eragilek (tartean Ikastolen Elkarteak berak) LOMCEri aurre egiteko gida plazaratu zuten joan den astean. Orain, Ikastolek diote gidaren azken testuko puntu batzuk ez zituztela hala adostu. Adibidez, ez dute egoki ikusi "desobedientzia" hitza erabiltzea. LOMCEren kontrako plataforma uztea aztertuko dute.
Asteburuan Agurainen egin diren Euskal Herrian gure hezkuntza eraiki! LOMCEri ez! jardunaldietan ez parte hartzera deitu zuen ostiralean Ikastolen Elkarteak. Hedabideoi aurkeztutako gidan "irregulartasun larriak" ikusten ditu, euren esanetan legea "aplikatu ez dadin estrategia komunak lantzea" bezalako esaldiak adostu zituztelako, eta horren ordez "desobedientziaren bidea" proposatzen du gidak.
Gainera, kexu dira ez delako aipatzen hezkuntza lege baten beharra, "patronal" hitza erabiltzen delako, eta "kanpo ebaluazioak ez egitea" proposatzen delako, azterketa horiek "ez egiteko euskal erakundeen babesa exijitu" ordez.
Gidaren egileek osatzen duten plataforman jarraitu edo ez aztertuko du Ikastolen Elkarteak hurrengo Artezkaritza Kontseiluan, eta "momentu honetan plataforma uztearen aldekoa da nagusi den jarrera".
Gainerako eragileek (Ikasle Abertzaleak, Udako Euskal Unibertsitatea, Sortzen, Hik Hasi, ELA, LAB, STEE-EILAS) "bakoitza bere tokian eta bere erantzukizunetik, gure etorkizuna babestu eta hobetu nahi duen dinamika honetan aktiboki parte hartzera" gonbidatu dituzte hezkuntza langileak, familiak, ikasleak eta herritar guztiak, asteburuan egin dituzten jardunaldietan.
LOMCEri aurre egin eta Euskal Herrian gure hezkuntza eraikitzeko estrategia eta baliabideak aztertu zituzten ehun ordezkari inguruk eta balorazio positiboa egin dute antolatzaileek. Aurrera begira, "ikastetxe, auzo, herri eta eskualde ezberdinetan dinamika indartu eta indarrak metatzea" dute helburu.
Ikastolen Elkartearen erreakzioarekin harrituta
Gida egiteko garaian, erakunde guztiek askatasunez parte hartu dutela eta erabaki guztiak adostasunez hartu direla adierazi dute plataformako gainerako kideek, eta harrituta daudela Ikastolen erantzunarekin.
Gidaren oinarrizko planteamendu eta proposamenek eragile guztien adostasuna eta babesa izan dutela gaineratu dute, prentsaurrekoa asteartean eman zutenetik Ikastolen Elkarteak desadostasuna sortzen zion ezer ez ziela jakinarazi eta "hauen berri prentsaren bidez" jakin dutela.
Espainiako Gobernuak abenduan onartu zuen hezkuntza lege berria, eta 2022-2023 ikasturtean aplikatuko da bigarren hezkuntzako eta batxilergoko maila bakoitietan. DBHn, hautazko ikasgai gehiago eskainiko dira, eta batxilergoan, arteari lotutako bi modalitate eta beste modalitate... [+]
Murgian ospatuko den Euskal Eskola Publikoaren jai atarian, hezkuntza arloko murrizketen aurka eta LOMCE lege-proposamenaren kontra borrokan diharduten bi elkartetako ordezkariekin bildu gara, Hezkuntzan Geu Eragileko Edu Zabala eta Denon Hezkuntzako Aitor Otañorekin... [+]
"... hezkuntzako gastu publikoa barne-produktu gordinaren gutxienez ehuneko 5 handitzea..." Alderdi sozialistak erabili ohi duen eta LOE aldatzeko Lege Organikoaren Proiektuan jasotako dialektika tranpati horren beste esaldi bat da. STEILASentzat, hezkuntzan inbertsio... [+]
LOMLOEn, LOMCE ordezkatuko duen legean, zuzenketa bat onartu du Espainiako Kongresuak: diru laguntzarik ez ikasleak sexuaren arabera banatzen dituzten ikastetxeentzat. Neurriak EAEko eta Nafarroako hainbat ikastetxetan izango du eragina, baina horietako batzuek... [+]
Hego Euskal Herriko ikastetxeetan eragingo duen Hezkuntza Legea onartu du Espainiako ministroen kontseiluak. Bertan behera geratuko dira LOMCEk ezarri zituen errebalida polemikoak eta ibilbide espezializatuak, eta Erlijioa ez da notarako izango, besteak beste.
“Esan gezur bat mila aldiz. Errepikatu hitzez hitz. Handik gutxira ikusi, egia bihurtzen. Haien ahotan ikusi, egia bihurtzen.” Horixe abesten du Gorka Urbizuk Berri Txarrak taldearen kontzertuetan. Cristina Uriarte Hezkuntza sailburuarekin gertatzen ari denaren... [+]
Hezkuntzako eta lanbide heziketako ministroak LOMCEri egingo dizkion aldaketak zehaztu ditu Diputatuen Kongresuan.
Erlojuaren orratzek egunari hasiera eman diote. Apunteak hartu eta korrika irten zara etxetik. Urduritasuna. Ordua da, heldu da azkenean. Tik-tak. Aurrera begira, lerro zuzenean eta bakarrik eserita. Isiltasuna. Hasi da azterketa, hasi da selektibitatea.
Ikasleok Zorrotz dinamikak deituta manifestazioa egin dute Arriagatik ehunka ikaslek 'Azterketa arrotz, ikasleok zorrotz' lelopean. Azterketa eta erreforma arrotzen aurrean eta Euskal Herri burujabearen bidean hezkuntza "herritik eta herriarentzat" eraikitzea... [+]
Espainiako Estatuko Konstituzio Auzitegiak atzera bota du PSOEk LOMCE legearen aurka aurkeztutako errekurtsoa, eta ikasleak sexuaren arabera bereizten dituzten eskolei diru-laguntza publikoak ematea zilegitzat jo du.
San Ignacion, Luis Elejalden, Aresketan… planto egin diote LH 6. mailako kanpo ebaluazioari. Hezkuntza Plataformen Topagunetik kalifikazio sistema “inposatu” honi planto egiteko deia luzatu zuten eta elkarlanean ari dira ikasleak, irakasleak eta... [+]
Luis Dorao, San Martin, Lukas Rei, Barandiaran, Umandi… Arabako 27 ikastetxe hauetatik 19 publikoetan egin nahi ditu frogak Eusko Jaurlaritzak martxoaren 5etik aurrera Lehen Hezkuntzako 6. mailako ikasgeletan. DBHn ere Pisa azterketa egitera deituko dituzte 4. mailako... [+]
Berriki jakin ditugu euskal hezkuntzaren emaitza kezkagarriak. Duela luze ez dela, PISA txostenak (Ikasleen Ebaluaziorako Nazioarteko Programak) eman zigun lehen zaplaztekoa, emaitza oso kaskarrak lortu zituztelako gure ikasleek. Izan ere, sinetsarazi ziguten Eusko... [+]
Ebaluaketak "merkatu eta politika neoliberalen menpe" daudela kritikatu du sindikatuak eta proba "jarraitu eta hezigarrien" aldeko dokumentua aurkeztu du.
Hezkuntza arloan bero bukatu zen ikasturtea EAEn eta indartsu ekingo diete berriz murrizketen aurkako mobilizazioei: abendura bitartean, greba orokorra eta arloz arlokoa, itxialdiak, elkarretaratzeak, solasaldirako tarteak, salaketa egunak, borroka asteak eta manifestazioak... [+]