LOMCE legea indargabetzeko eskatu du Espainiako Kongresuko oposizioak
Espainiako Kongresuko oposizioko talde guztiek, UPyD-k salbu, LOMCE legea indargabetzeko eskatu dute. PSOE, Amaiur, Geroa Bai, EAJ, ERC, CiU, BNG, Ezker Anitza (IU, ICV eta Cha), CC eta Compromís-eko bozeramaileek Wert Legea atzera botatzeko dokumentu bat sinatu dute.
Gehiengo osoaz baliatuta, PPk asteartean ez ditu aintzat hartu oposizioak aurkeztutako hamaika osoko zuzenketa. Legea taldeen arteko kontsentsurik gabe egin dela, autonomia erkidegoen eskumenetan sartzen dela eta zenbait lekutan hizkuntza eskumenak ere urratzen dituela salatu dute.
Elkarrizketa ukatzea leporatu diote alderdi popularrari. Hezkuntza lege bat ona izan dadin eta luzera begira funtziona dezan kontsentsua beharrezkoa dela azpimarratu dute oposizioko taldeek. Hurrengo ikasturtea, beraz, LOMCE legea indargabetzeko lanekin hasiko dutela adierazi dute, onespen zabalagoa duen lege berri bat aurkeztearekin batera.
ERC pozik oposizioaren jarrerarekin
ERCko bozeramaile Joan Tardà gustura agertu da oposizioko taldeek kontsentsuz hartutako konpromisoarekin. Bestalde, esan du ERCk Wert legea Katalunian ez aplikatzeko eskatuko duela, “frankismo distilatua” delako.
CiUko Pere Maciasek bere aldetik horrelako lege baten aurrean kontsentsu beharra azpimarratu du. “Legeak luzera begira baliogarriak eta fidagarriak izan behar dute”.
Espainiako Gobernuak abenduan onartu zuen hezkuntza lege berria, eta 2022-2023 ikasturtean aplikatuko da bigarren hezkuntzako eta batxilergoko maila bakoitietan. DBHn, hautazko ikasgai gehiago eskainiko dira, eta batxilergoan, arteari lotutako bi modalitate eta beste modalitate... [+]
"... hezkuntzako gastu publikoa barne-produktu gordinaren gutxienez ehuneko 5 handitzea..." Alderdi sozialistak erabili ohi duen eta LOE aldatzeko Lege Organikoaren Proiektuan jasotako dialektika tranpati horren beste esaldi bat da. STEILASentzat, hezkuntzan inbertsio... [+]
LOMLOEn, LOMCE ordezkatuko duen legean, zuzenketa bat onartu du Espainiako Kongresuak: diru laguntzarik ez ikasleak sexuaren arabera banatzen dituzten ikastetxeentzat. Neurriak EAEko eta Nafarroako hainbat ikastetxetan izango du eragina, baina horietako batzuek... [+]
Hego Euskal Herriko ikastetxeetan eragingo duen Hezkuntza Legea onartu du Espainiako ministroen kontseiluak. Bertan behera geratuko dira LOMCEk ezarri zituen errebalida polemikoak eta ibilbide espezializatuak, eta Erlijioa ez da notarako izango, besteak beste.
“Esan gezur bat mila aldiz. Errepikatu hitzez hitz. Handik gutxira ikusi, egia bihurtzen. Haien ahotan ikusi, egia bihurtzen.” Horixe abesten du Gorka Urbizuk Berri Txarrak taldearen kontzertuetan. Cristina Uriarte Hezkuntza sailburuarekin gertatzen ari denaren... [+]