Lizarrako Korrikara gerturatze bat emozioen begiradatik
Ikerlan honetan, Korrikak, Euskal Herri osoan zehar euskararen alde bi urtetik behin egiten den lasterketak, zonalde ez euskaldun batean sortu eta sortzen dituen emozioen inguruan hausnartu dute egileek. Horretarako, landa lanean bildutako informazioa hiru adierazletatik iragazi dute eta horren baitan analisia egin. Hiru adierazleak honako hauek izan dira: emozioak, lurraldetasuna, eta izaera bateratzailea.
Ikerlanaren egileak Antropologia gradua amaitzen ari diren Euskal Herriko Unibertsitateko Amaia Galparsoro, Mirari Garmendia, Ekain Ormazabal eta Nora Urbizu ikasleak dira. Gizarte Antropologia lantzen duen Ankulegi aldizkariak argitaratu du ikerlanaren bertsio laburra. Hemen daukazue lotura: Irri, zirri, urri, Korrika iturri. Lizarrako Korrikara gerturatze bat emozioen begiradatik.
