Lisabök disko berria argitaratuko du zazpi urteren ondoren

  • Eta edertasuanaren lorratzetan biluztu ginen (Bidehuts) diskoarekin itzuliko da Lisabö: larunbat honetan aurkeztuko du Irungo taldeak lan berria.


2018ko azaroaren 30ean - 11:40
Lisabören lan berria Durangoko Azokan salgai izango da (argazkia: Galder Izagirre / @diapositivisme_studio).

Durangoko Azoka iristeko atzera-kontaketa betean, urte bukaerako nobedade guztien berri emana zegoela uste genuenean, ezustean iritsi da notizia Bidehuts zigilutik: abangoardiako euskal rockaren erreferente nagusietakoa den Lisabö taldea bueltan da.

2011tik isilik egon dira irundarrak eta formazioa aldatuta itzuliko dira: Animalia lotsatuen putzua diskoan aritu ziren Joseba Ponce eta Ivan Zabalegik taldea utzi dute eta diskoa grabatzeko Aida Torres aritu da baterian –taldearen hastapenetan Lisabök zeuzkan bi bateria jotzaileetako bat izan zen eta geroztik Jupiter Jon taldean aritu da besteak beste–. Zuzenekoetarako, proiektura batu dira Borja Toval (Sacco taldeko kidea) eta Sergio Gonzalez (Izaera, Sorkun). Maite Arroitajauregi Mursegok ere parte hartu du lan berrian, celloarekin.

Bidehutsek ostiral honetan eman du albistea, webgunean argitaratutako mezu labur baten bidez. Notizia emateko argitaratu duten irudian Martxel Mariskal ere agertzen da, Beti Mugan taldeko kide ohia eta aspaldidanik Lisabören letragilea –pentsatzekoa da, hortaz, lan honetako hitzek ere haren sinadura izango dutela–.

Taldeak oraindik ez du zehaztu aurkezpen-kontzertuak noiz izango diren, bai ordea argitalpen-datak: larunbat honetan 12:00etatik aurrera Rockdelux aldizkariaren webgunean entzun ahal izango da lana eta abenduaren 5etik 9ra Durangoko Azokan salgai egongo da CD eta LP formatuetan. Abenduaren 10etik aurrera eskuratu ahal izango da ohiko bideetatik.

 


Kanal honetatik interesatuko zaizu: Lisabo
Lisabö
"Entseguetako sentsazioak diskoan errepikatzen jakitea garrantzitsua da"

Moskuko taberna batean geratu gara talde irundarrarekin. Paretan zintzilik, Rockdelux musika aldizkari espezializatuaren azken azala, Lisaböri eskainia. Lau urteko isiltasunaren ostean, Animalia Lotsatuen Putzua diskoarekin arrakastatsu bueltatu dira, kritikak goretsiak,... [+]


2019-12-20 | ARGIA
Gernikako Lekuek festibala 2020ko martxoan ospatuko da zazpigarrenez, filosofia bereziari eutsiz

2020ko martxoaren 7tik 14ra bitartean ospatuko da Gernikako Lekuek festibala. Jaialdiaren 7. edizioaren kartela publiko egin dute ostiral honetan.


2019-05-16 | Andrea Zubozki
Zuzeneko emanaldia
Eta Lisabören doinu gordinetan murgildu nintzen

Dudarik gabe azken hilabeteetan gehien entzun dudan diskoa izan da Lisabören Eta Edertasunaren Lorratzetan Biluztu Ginen. Harreman berezia sortu dut berarekin, nire baitako lainoen uxatzeko erremedio biziki on bezala agertu delako, introspekzio terapia ilun bat, taldearen... [+]


Martxel Mariskalen poemek ez dute musikarik behar

Martxel Mariskalen testuak, ostegun honetan aurkeztu duen Azken zakatzak liburuaren aurretik, kantuen bidez egin dira ezagun.


Lasa eta Zabala, poesiaren bidez oroituak Tolosan

Lasa eta Zabalaren erailketen 30. urteurrenaren harira, Kareak erre ez duena poesia emanaldia eskainiko dute hainbat sortzailek Tolosan, hilaren 11n.


2012-10-25
Lisabö, Belako eta Bigott asteburu honetan Beasaingo ‘Jazpana Fest’ jaialdian

Beasaingo Jazpana Fest jaialdiak egitarau oparoa prestatu du aurten ere. “Izen handiak, gorantz doazen talde gazteak eta banda mitikoak” izango dira jaialdian ostiral eta larunbatean, antolatzaileek nabarmendu dutenez.


2003-05-22
“Oso pozik gaude Bartzelonako Primavera Sound-en joko dugulako”
"Badirudi euskarazko musikaren merkatu naturala Euskal Herrira mugatzen dela, eta ez dakigu kanpoan bertoko musikari jaramon gutxi egiten zaiolako edo bertoko diskoetxeek apustu hori egiten ez dutelako den (...) Gure ustez, penintsulako talde onenetariko gehienak euskaldunak dira... [+]

Eguneraketa berriak daude