Lisabö taldeak "Ezlekuak" izeneko diskoa kaleratu du
Lisabö taldeak atzo (8) aurkeztu zuen Ezlekuak bere ibilbideko bosgarren lana. Tolosako Bonberenean grabatu dute disko berria eta Martxel Mariskal arduratu da letrak idazteaz. Taldekideek azaldu zutenez, Ezlekuak izenburuak leku efimeroei egiten die erreferentzia, taldea leku horiekin identifikatzen delako. Diskoa aurkezteko emandako prentsaurrekoan azpimarratu zutenez, lan berrian orain arte Lisabök izan duen nortasuna mantendu egin da. Dena dela aldaketak ere izan dituzte, orain arte Lisabön aritu den Aida Torres taldetik joan egin baita. Javi Manterola berriz, aurreko diskoan taldea utzi ondoren, itzuli egin da Ezlekuaken grabaketarako. Ez dira horiek berrikuntza bakarrak: Metak zigiluaren itxieraren ondoren Lisabö, Inoren Ero Ni eta Anari elkartu egin baitira Bidehuts zigilua sortzeko. Gainera, Ezlekuak Creative Commons lizentziapean kaleratu dute.
2020ko martxoaren 7tik 14ra bitartean ospatuko da Gernikako Lekuek festibala. Jaialdiaren 7. edizioaren kartela publiko egin dute ostiral honetan.
Dudarik gabe azken hilabeteetan gehien entzun dudan diskoa izan da Lisabören Eta Edertasunaren Lorratzetan Biluztu Ginen. Harreman berezia sortu dut berarekin, nire baitako lainoen uxatzeko erremedio biziki on bezala agertu delako, introspekzio terapia ilun bat, taldearen... [+]
Eta edertasuanaren lorratzetan biluztu ginen (Bidehuts) diskoarekin itzuliko da Lisabö: larunbat honetan aurkeztuko du Irungo taldeak lan berria.
Martxel Mariskalen testuak, ostegun honetan aurkeztu duen Azken zakatzak liburuaren aurretik, kantuen bidez egin dira ezagun.
Lasa eta Zabalaren erailketen 30. urteurrenaren harira, Kareak erre ez duena poesia emanaldia eskainiko dute hainbat sortzailek Tolosan, hilaren 11n.