aurre egingo dieten hedabide independenteak
Hiuzz + Bloñ + Adur
Noiz: otsailaren 15ean.
Non: Iruñeko Aitzina tabernan (Egun Motelak kolektiboa).
--------------------------------------------
Larunbat goiza Iruñean. Neguko eguzkitan lanera doazen gizon –eta ez gizon– bakarti batzuk bai, baina, batez ere, turistak eta despedidak eta Osasuna eta Real Madrileko kamisetak eta jendea ingelesez eta frantsesez eta ulertzen ez ditudan beste hizkuntza batzuetan berbetan. Egun Motelak kolektiboak antolatutako zazpigarren kontzertua dela-eta bertaratu naiz, baina iritsi orduko konturatu motela, motela... ez dela izango. Ur azpian igeri dabilenak arnasa hartzeko nola, alde zaharretik eta kamera daramaten pertsonengandik urrundu naiz arratsaldean, iluntzean berriz murgiltzeko.
Iruñeko ZZE Zuk Zeuk Egizu kolektiboak Aitzina taberna aukeratu du hitzordurako, eta goiz bertaratu gara kuadrillatxoa. Taberna ezagutzen nuen, baina sotoa ez: upategi itxurako areto ilun eta txikia. Zirritoki bat. Hemen zerbait gertatzen bada... pentsatuz, baina sabelean kili-kiliak ditugula sartzen garen horietakoa. Giroari dagokionez, denetariko jendez lepo dago lekua. Ez da harritzekoa kartela ikusita. Gero esango digute euskal musika genero bat dela.
Hiuzzek jo du lehenengo, etxekoak direlako. Aspalditik nuen gogoa iruindarrak ikusteko. Are gehiago abenduan Esperoan lehen lan luzea kaleratu zutenetik. Talde erraza da entzuteko. Halako dardara moduko bat eragiten die 1990eko fuzza maite dutenen hankei, eta rocka edo popa maite duten belarriek ez diete muzin egingo kantu itsaskor hauen esentziari. Jolasean aritu dira aretoaren sakonean muntatu (anti)oholtzatik, eta ziur nago aurrerantzean gehiagotan ikusiko ditugula Euskal Herriaren luze-zabalean.
Bloñi buruz ezer gutxi esango dut, lorez testu hau halako hamar bete nezakeen arren. Besarkada bat entzule bakoitzaren bihotzari. Ezagutzen ez duenak irakur beza Udane Barinagarrementeria Lakak duela zenbait hilabete idatzi kronika. Hori bai, isiltasun gehixeago eskertuko nukeen.
Adurrek jo du azken [argazkian]. Xabier Aguadok eta Naroa Esturok Bilbon sorturiko proiektua da, beste proiektu batean kide izan ondotik estilo elektronikoagora eta soinu zikinagoetara jauzi egin izanaren emaitza. Rave-punk folklorikoa esaten diote beraiek. Izen interesgarria, ezta? Ba pentsa zuzenekoa. Nekea du izena haien bigarren EPak, eta bai, horixe eragin dezake haien kontzertu batean egon izanak. Baina lasai, ez zara damutuko. Adrenalina dosia, barrenak oihu guturalen bidez husteko. Imajinatu Xabier Lete ez-bitar bat, bekainean piercinga daramala, plataformen gainean eta Hello Kittyren kamiseta batekin, gitarra akustikoaren ordez elektrikoa eta distortsioa jarrita, baina txapela buruan. Hartu hori guztia eta jar iezaiozu DnB edo techno base bat, gogorra. Halako zerbait da Adurren abesti bat. Ez zaidazu galdetu, joan eta entzun.
Zer: Biarritz Piano Festival. Amaierako errezitaldia. Benjamin Grosvenor, pianoa.
Egitaraua: Schumann eta Moussorgskyren lanak
Lekua: Biarritzeko ‘Espace Bellevue’.
Data: abuztuaren 8a.
-------------------------
Biarritz Piano Festival... [+]
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
Kneecap taldea BBK Liven egoteak eztabaida piztu du makrofestibalek protesta politikoaz egiten duten instrumentalizazioaz eta kultura-eredu nagusiaren kontraesanei buruz.
Bilboko Bilboko Kontseilu Sozialistaren Laneko Autodefentsa Sareak BBK Live jaialdiko lan-baldintza prekarioak argitara atera nahi ditu, baira horien erantzuleak seinalatu. Horretarako, solasaldia antolatu du uztailaren 2an.
Ezta Ilen + High Vis
Non: Gasteizko Jimmy Jazz aretoan.
Noiz: ekainaren 7an.
---------------------------------------------------------------
"Etorkizunik Ez" (No Future) punk lelo klasikoak duen gaurkotasuna azpimarratu du Enrique Zamoranok Hijos del Brexit... [+]
IDOIA ASURMENDI
Non: Bilboko Kafe Antzokian.
Noiz: maiatzaren 29an.
AZETangana! eta Mark Duti
Non: Tira IV jaialdia, Gasteizko Korda espazioan eta Gaztetxean.
Noiz: maiatzaren 10ean.
BRN + Auzoko eta Sain mendi + Odei + Monsieur le crepe eta Muxker
Zer: Uzta jaia.
Noiz: maiatzaren 2an.
Non: Bilborock aretoan.
---------------------------------------------------------
Ereindako haziek ura, argia eta denbora behar dute ernaltzeko. Naturak berezko ditu... [+]
Bi festibaletara joateko bonuak 150 euro balio ditu eta maiatzaren 6tik 19ra eskuratu daiteke. EHZ jaialdia ekainaren 27tik 29ra ospatuko dute Aberatzen eta azken Hatortxu Rocka Lakuntzan izango da, uztailaren 24tik 27ra.
Aramu + AimarZ
Noiz: apirilaren 26an.
Non: Zumarragako Zelai-Arizti frontoi irekian.
---------------------------------------------------------
Udalaren webguneak dio: "Bide Bizia marka turistikoa eta izen bereko jaialdia Zumarragaren arima munduari erakusteko,... [+]
24 talde berri iragarri ditu Hatortxu Rock elkartasun jaialdiak. 63 talde iragarri dituzte dagoeneko eta guztira, 100 talde izango dira jaialdiko bost eszenatokietan.