Lesio larriak, talde kriminala izatea eta gorrotozko delituengatik ikertzen dituzte Indar Gorriko kideak

  • Asteazkenean atxilotutako Indar Gorriko 61 kideak libre utzi ditu Iruñeko Instrukzioko 4. epaitegiak, behin-behineko askatasunean eta kautelazko inongo neurririk gabe.


2024ko martxoaren 08an - 13:40

Atxilotuek ez dute adierazpenik egin epailearen aurrean eta epaileak ezagutzera eman die Sevillako 7. Instrukzio epaileak irekitako prozedura judizialean zergatik ikertzen dituzten: lesio larriak eragitea, talde kriminaleko kide izatea, gorrotozko delitua eta liskar jendetsuan aritzea.

Indar Gorriko atxiloketez gain, Espainiako Poliziak United Family taldeko 23 pertsona atxilotu ditu Sevillan eta Madrilen. Sevillako epaileak futbol zelaietara joateko debekua jarri die azken horiei, baina Iruñeko epaileak ez die inongo kautelazko neurririk jarri Nafarroan atxilotutakoei.

Fiskaltzaren aburuz, iragan urriaren 9an Betis-Osasuna partidaren atarian Sevillan bi taldeen aldeko zaletuen artean izandako liskarretan parte hartu zuten atxilotuek.

Espainiako Futbol Profesionaleko Ligak, halaber, akusazio gisa auzi honetan parte hartuko duela iragarri du. Nafarroako atxilotuek Nafarroako Lurralde Auzitegian deklaratu dute, baina Sevillako Instrukzio 7. Instrukzio epaileak ireki duenez prozedura, seguruenik Nafarroan irekitako prozedura itxi eta Sevillakoak jarraituko du auziarekin.

Atxiloketak eta deklarazioak iraun duten bitartean, Indar Gorriko kideek protesta egin dute Iruñeko Lurralde Auzitegiaren atzealdean. Atxilotuen askatasuna eskatu dute eta jakinarazi dute "faxismoari aurre egiten" jarraituko dutela.


Kanal honetatik interesatuko zaizu: Futbola
Gabarra, tabarra... eta emakumeak zer?

Aste batzuk igaro dira zoramen kolektibo zuri-gorritik eta, bai, badakit, azken ordukoa ez izateaz gain, gaiarekin gogaituta gaude gutariko asko. Gaur dut, ordea, artikulu hau idazteko data eta tabarra mundialaz geroztik nabil hurrengo hitzok idazteko, oihukatzeko, goitikatzeko... [+]


Alemaniako futbolari gay-ak zergatik ez dira azkenean ausartu armairutik ateratzera?

Alemaniako gizonezkoen futbol profesionalean ari diren hainbat futbolari armairutik ateratzekoak ziren maiatzaren 17an. Sekretuan eta kluben bizkar biltzen ari ziren jokalariak, baina espektatiba altuak ezerezean geratu dira, ez da inor armairutik atera. Futbol maskulinoaren... [+]


2024-05-08 | Jon Alonso
Txapeldunak

Euskal herritar gehienak bezala, Athleticen alde nengoen ni lehengoan, zalantzarik gabe. Euskal herritar gehienak bezala? Beharbada ez dago hain argi hori. Gipuzkoa aldean zer uste duten alde batera utzita –denetarik izango da, noski–, gehiegi bilatu gabe gazte... [+]


2024-04-24 | Juan Aldaz Arregi
Athletic zuri ta gorria, zu zara nagusia, baina zertan?

Gizonezko futbol profesionalaren gaitasun (im)mobilizatzaileari buruzko hausnarketa soziologikoa (artikulu hau EHUren Campusa aldizkariak argitaratu du)


Eguneraketa berriak daude