Lemoizko zentral nuklearraren lurrak Eusko Jaurlaritzaren esku utziko ditu Espainiako Gobernuak
Zentral nuklearraren instalazioetan arrain-haztegi bat egiteko interesa dute hiru inbertsio-taldek, Arantxa Tapia Ekonomiaren Garapen eta Lehiakortasun sailburuak baieztatu duenez.
Espainiako Gobernuak 2019rako egindako Estatuko Aurrekontu Orokorrak aurkeztu ditu urtarrilaren 14an Diputatuen Kongresuan. Bertan jasotzen duenez, Eusko Jaurlaritzaren esku utziko ditu Lemoizko zentral nuklearraren lurzoruak. Ogasun ministroak Kongresura eroan du proiektua, eta otsailaren 13an egingo dute lehen bozketa.
Lemoizko zentral nuklearraren instalazioetan arrain-haztegi bat egin gura du Eusko Jaurlaritzak. Guztira, 69.784 metro koadroko eremua da, azpiegiturak ur hartuneak ditu, eta Aztik egindako ikerketa baten arabera, posiblea da zentralaren instalazioak birmoldatzea eta bertan ganbak, otarrainxkak, erreboiloak, mihi-arrainak, izokinak eta amuarrainak haztea.
Albiste hau Hirukak argitaratu du eta CC-by-sa lizentziari esker ekarri dugu ARGIAra.
"Larunbatean Gladys gogoratu eta borrokan jarraitzeko gogoak ditugula ospatzeko bilduko gara", adierazi dute antolatzaileek.
Militante batzuk zentral nuklearrera sartu dira, eta bi pankarta zintzilikatu dituzte: greenwashig-aren aurkakoa eta energiaren “trantsizio ekologiko justua”ren aldekoa. Sortuk neoliberalismoari egotzi dizkio egungo krisiak, eta premiazkotzat jo du “180 graduko... [+]
Bilbo, 1977ko uztailaren 14a. 200.000 pertsona bildu ziren Lemoizeko zentral nuklearraren proiektua geldiarazi zezaten eskatzeko. Bi aste geroago Europa osotik joandako 60.000 lagun bildu ziren Frantziako Estatuko Creys-Malvillen abian jarritako Superphénix erreaktorearen... [+]
Aurten ere Gladys del Estal omendu dute Donostian, Eguzkik eta Gladys Gogoan kolektiboak antolatutako ekitaldian. 43 urte pasatu dira guardia zibil batek Tuteran tiro bat buruan jota hil zuenetik, energia nuklearraren eta Bardeako tiro poligonoaren kontrako mobilizazio baten... [+]