Lekeition gomazko antzar gehiago erabiliko da benetako hegaztiak baino
“Historikoa” hitzarekin laburbildu dute zenbait antolatzailek asteazken honetan Lekeition egingo den Antzar Eguna. Deiak jaso duenez, 56 gomazko antzar erabiliko dituzte, benetako antzarrak baino gehiago (34). Gainera, uretan ibiliko diren 90 ontzitik 24tan emakumek jardungo dute lepo-kentzaile.
2006an erabili zen lehenaldiz gomazko antzarra. Hala ere, koadrila gehienek benetako antzarrak erabiltzeko hautua egin dute aurtengo urtera arte. Lehen aldiz aurten egongo dira benetako antzarrak baino gomazko antzar gehiago.
Euskal Herriko leku askotan sortu du eztabaida jaietan animaliek jasaten duten tratuak eta Lekeitioko Antzar Egunaren kasuan, aspalditik datoz benetako animaliak erabili ordez beste alternatibak bilatzeko saiakerak.
Gaiker-IK4 zentro-teknologikoan egiten dira gomazko antzarrak eta lepoa apurtzeko mekanismo bat dute. Koldo Goitia Lekeitioko alkateak adierazi duenez, “modu naturalean egin dugu aurrera, koadrila bakoitzari erabakitzeko aukera emanez”.
300 urte baino gehiago dituen ospakizunean, inoiz baino emakume gehiagok helduko dio antzarrari lepotik aurten. Iaz 20 izan ziren, aurten aldiz, 24. Gizonen eta emakumeen parte hartzea parekidea izatetik urrun dago oraindik, nolanahi ere.
15:00etan uretara sartuko diren 90 potinak Lea Artibaiko herritarrenak eta bereziki lekeitiarrenak dira. Jokoa arratsaldean izan arren, goizean goiz hasten da jaia Lekeition eta goizaldeko ordu txikietan bukatu. Eraso sexisten aurkako hainbat zapi more ikusi ahal izango dira, kolore urdinez tindatutako herrian.
Eguzki elkarte ekologistak salatu du Donostiako parkean gertatutakoa. Parkean bizi diren hainbat paumari lumak erauzi dizkiote, odoletan utzita. Beraz, erasoa izan dela ondorioztatu dute eta ez dela hegaztien lumaberritze prozesu naturala izan. Eguzki
Animalia-etikaz mintzatuko dira EHUko ikastaroetako batean. Leire Morras Aranoak, ikastaroaren zuzendariak, hezkuntzan antiespezismoa lantzeko dauden hutsuneak eta aukerak nabarmendu ditu.
Herriko gazteek eta jai batzordeak bultzaturiko galdeketaren bidez hartu da erabakia. Herritarren %22ak gutxi gora behera hartu du parte kontsultan, eta orain “jaien antolaketa birplanteatzea” dagokio udalari.
Gipuzkoako Plataforma Antitaurinoak deitu zuen mobilizazioa, “Ez da kultura tortura da” lelopean. Donostiako Aste Nagusian zezenketak egongo dira aurten ere, jaietako egitarautik kanpo bada ere, hiru ikuskizun eskainiko dituzte abuztuaren 15,16 eta 17an Illunbeko... [+]
Zezenketez gain, burtzikatzeak, zekorketak eta haztegiak debekatuko dituzte 2027. urtetik aurrera. “Erabaki historikoa” izan dela adierazi du Kolonbiako presidente Gustavo Petrok.
Zezenketarik gabeko besten inguruan mintzatu dira zenbait eragile, Zaunk! Iruñerria antiespezista eragileak Iruñeko Laban antolaturiko 'Zezenketen bidegurutzeak' solasaldian. Alternatibak indartzearen garrantziaz, peñen erantzukizunaz eta legeak... [+]
Zezenak torturatu eta hilko dituzte aurten ere Donostiako Aste Nagusian, hiru egunez. Arte y Cultura BMF enpresak iragarri ditu Illunben aurten egingo dituzten zezenketak, eta Aste Nagusiko bigarren asteburuan izango dira, abuztuaren 15ean, 16an eta 17an (18:00etan).
"Zezenketarik gabeko sanferminetarako trantsizioa errazteko" eskatu die Iruñea Antitaurina kolektiboak Peñen Federazioari. "Festa giroan zezenen presentzia egon behar den edo ez aztertzeko" garaia iritsi dela uste du kolektibo horrek eta ... [+]
Antiespezismoa akademiara hurbiltzeko asmoz zenbait ikertzaile eta ikasleren artean ‘Animalia ikasketa kritikoen EHU/UPVko I. kongresua’ antolatu dute martxoaren 20tik 22ra Leioan.
Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.