Lau ultraeskuindar atxilotu dituzte Clement Meric hiltzeagatik

  • Lau ultraeskuindar atxilotu ditu Frantziako poliziak Clement Meric 18 urteko gazte antifaxista hil izana egotzita. Le Point-en arabera, ustezko hiltzailea lau horien artean dago eta Enrique M. espainiar gaztea dela zabaldu du Espainiako zenbait hedabidek. Poliziak adierazi duenez, atxilotuak errudunak dira, baina ez dute oraindik “hiltzeko asmoa zutela” frogatzerik izan.


2013ko ekainaren 07an - 00:00
Azken eguneraketa: 2015-02-26 13:37:33

Erasotzaileak JNR Gazte Nazionalista Iraultzaileak “eskuin muturreko” taldekoak dira poliziaren arabera, baina Serge Ayoube, JNRko ordezkariak, “ziurtasun osoz” gezurtatu  du. Frantzia osoan zabaldu dira hilketa salatzeko mobilizazioak. La Horde webgune antifaxistak deialdien bilketa egin du.

 

Asteazken arratsaldean izan zen erasoa, Pariseko Saint Lazare auzoan. Atzo hil zen Meric, hainbat orduz koman egon ostean. Hilketaren nondik-norakoak ez dira erabat argitu. Ukabila amerikar batekin eraso zutela zabaldu da, baina poliziak ez du ziurtatu oraindik. Biktimak konortea galdu zuen jasotako kolpeen ondorioz, eta erortzean, burdinazko poste bat jo zuen buruaz.

Frantziako alderdi politiko guztietako ordezkariek gaitzetsi dute gaztearen hilketa. Marine Le Pen FN alderdi eskuindarreko buruak erasotzaileen eta alderdiaren arteko lotura ukatu du. François Hollande Frantziako presidenteak aldiz, “indarkeria erabiltzen duten eskuin-muturreko taldeak” jazarri behar direla adierazi du.


Kanal honetatik interesatuko zaizu: Antifaxismoa
“Larrialdi soziala, demokrazia lanjerrean” lelopean, eskuin muturrari aurre egitera deitu dute larunbaterako Baionan

Larunbaterako 11:00etan jarri dute hitzordua Baionako geltoki aitzinean sindikatuek. Deialdiari juntatu dira beste elkarte, kolektibo zein alderdi zenbait ere, tartean, Cimade edota Alda elkarteak.


Mila lagun elkartu dira Baionan, eskuin muturraren aurka

Frantziako Estatuan zein Ipar Euskal Herrian RN Batasun Nazionala eskuin muturreko alderdia lehen indar atera izanari erantzuteko manifestazioa egin dute Baionako karriketan gaindi, oihu eta txistu artean.


2024-02-09 | Gedar
Isuna jarri diote Barakaldoko lagun bati, faxista bati aurre egitea egotzita

Iazko uztailean eraso zion faxista talde batek, labanaz. Orain, erasotua izan zen pertsona horri jarri diote 600 euroko isuna, faxistetako bati aurre egitea leporatuta.


Herriak faxismoa gelditu zuenekoaren lekuko den zubia Donostian

Loiolako kuartelen salerosketa behingoz sinatuta, udalak auzune berri bat sortuko du han. Beste esku hartze batzuen artean, kuartelen eta Loiolaren arteko zubia botako dute, ibaiarentzako oztopo bat delako. Aurretik, ordea, komeni zubi esanguratsu horren historia errepasatzea.


Eguneraketa berriak daude