Larrialdi klimatikoak mundu mailako “apartheid” bat sortuko duela ohartarazi du NBEk
Philip Alston Nazio Batuen Erakundeko kontalariak klima aldaketak eragin ditzakeen desberdintasun sozialak eta pobrezia salatu ditu txosten batean.
"Apartheid klimatikoa" deitu dio Alstonek datorren mehatxuari. Pobreen eta aberatsen arteko bereizketa gero eta handiagoa aldaketa klimatikoaren kalteen aurrean. Lehenek aldaketa hori gehien eragin duten bitartean, bigarrenek nozituko dituzte kalte handienak. "Azken 50 urtetan pobrezia desagerrarazteko egin dugun aurrerabidea desegin dezake", dio kontalariak.
Muturreko pobreziaren eta giza eskubideen inguruko txostenean atera ditu ondorio horiek NBEko ordezkariak, Txostena ostiral honetan aurkeztuko du Genevan NBEen Giza Eskubideen Batzordearen aurrean.
"Gaur egungo helburuak beteko balira ere, milioika lagun pobretuko dira, migrazio eta gosete orokorra ekarriko baitu [larrialdi klimatikoak]". Hala, bere esanetan 2030erako gutxienez 120 milioi lagun gehiago egongo lirateke muturreko pobrezian. Aurreikuspen baikorrenek tenperaturaren 1,5 graduko igoera globala etorriko dela diote, hortaz, elikadura-segurtasun falta handia ekarriko du horrek: "Askok aukeratu beharko dute, migratu edo gosea pasa". 30 urteren buruan 140 milioi lagun tokiz aldatzera kondenaturik egongo lirateke, batez ere Afrikan, Asian eta Hego Amerikan.
Apartheida agerikoa izango dela dio Alstonek, aberatsek korporazio pribatuei ordainduko baitiote larrialditik ihes egiteko, "gainerako munduak sufritzen duen bitartean". Aldaketa klimatikoa interes pribatuen mesederako erabiltzeak dakartzan arriskuak ere gogorarazi ditu, natur baliabideak are gehiago ustiatu eta mundua gehiago berotuko delako gisa horretan.
Eragina oinarrizko beharretatik harago ere nabarituko da, demokraziaren kalitatean adibidez: "Eskubide zibil eta politikoak oso zaurgarri bihurtuko dira", azaldu du kontalariak. Alarma horien guztien aurrean, AEBetako Trumpen, Brasilgo Bolsonaroren eta antzeko administrazioei kritika zorrotza egin die, alarma horiek ez entzuteagatik eta "neurri miopeak" hartzeagatik. Brasilen, esaterako Amazoniako oihana meatzaritzara irekitzeko saiakera dagoela gogorarazi du.
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]
Ostiraletik aurrera ur murrizketak ezarriko dituzte Euskal Hirigune Elkargoak barne hartzen dituen eta alerta egoeran dauden 158 herritan, eta metereologia zerbitzuek abisu horia ezarri dute trumoien arriskuagatik. Hego Euskal Herrian, berriz, leku ugaritako termometroek 40... [+]
Bakoitzak 1.680 eguzki panel izango ditu, eta megawatt bateko potentzia. Enpresak hiru urteko epea izango du Muga eta Val izeneko instalazio fotovoltaikoak eraikitzeko.
Munduko hainbat txoko zeharkartzen dituzten ibaiek, bizirik dauden heinean, euren begirada propioa dute mundua bera ikusteko. Gizakiaren garapenaren testigu isilak dira: hirigintza, gerra, kutsadura, uholdeak... dituzte ikusmiran, baita euren bazterretan etengabe ernetzen diren... [+]
Eusko Jaurlaritzako Industria, Trantsizio Energetiko eta Jasangarritasun sailak ingurumen baimena ukatu dio Piaspe egitasmoari, Statkraft enpresak Azpeitia, Zestoa eta Errezil artean eraiki nahi dituen errotek eta argindarra garraiatzeko azpiegiturek eragingo... [+]
Suhiltzaileek itzaltze lanetan jarraitzen duten arren, egonkortu dute kontrolik gabeko sutea. Espainiako Gobernuak larrialdi aurreko faserako plana onartu du, autonomia erkidegoen eta Espainiako Gobernuaren arteko komunikazioa hobetzeko; dena den, larrialdien kudeaketa autonomia... [+]
Larunbat gauean hasi zen sutea Zarrakaztelu eta Figerol lotzen dituen errepideko pinudi batean. Herritarrentzat arriskurik ez dago momentuz, gobernuak adierazi duenez. Gizakiek eragindako sutea dela jakinarazi du gobernuak.
338 hektarea erre ditu astearteko suteak. Nekazarien sindikatuak haserre agertu dira Nafarroako Gobernuak suteak saihesteko ezarritako murrizketekin. Asteazkenean beste sute bat piztu da Artaxoa eta Añorbe artean, baina hura ere kontrolpean dute suhiltzaileek.
Erabilera bakarreko plastikoen ekoizpenari eta erabilerari jarri nahi dizkiete mugak bereziki. Plastikoaren ekoizpena bikoiztu dute mende hasieratik, eta igoera horren arrazoia erabilera bakarreko plastikoak dira nagusiki.
Suhiltzaileek kontrolpean dute Ibarbeibar ibarreko sutea, Eneritz, Muruzabal, Añorbe eta Obanos herrietan egondakoak hain zuzen ere. Nafarroako Gobernuak behin-behineko debekua ezarri dio nekazaritzan sua erabiltzen duen edo sor dezakeen makineriari.
The Lancet aldizkariak argitaratutako ikerketa batek eman du datua eta ohartarazi du plastikoaren ekoizpenak osasunean eragina duela bere ekoizpen prozesu osoan eta gazte zein helduei eragiten diela. Gehitu du 1950tik 200 aldiz biderkatu dela plastikoen ekoizpena.
Donostiako hirigunetik Urumeak banandua, nekazaritza eremu zabala zen Egia: Nabarrizene, Txurkoene, Mikelaene, Polloene... 70 baserri baino gehiago zeudela uste da. Trenbidearen etorrerak beste destino petral bat ekarri zien lur horiei, ordea: zerbitzuetarako eta... [+]
Ekainak bost ditu gaur; udara atarian gaude eta giroak badaki. 15:00ak dira, sorbeltz saldoa aztoratuta dabil, udara beteko zeruan, kirrinka batean, eltxoak ehizatzen. Azpitik Ibaik erreparatu die sorbeltzei, eta tartean dauden enara azpizuriei; gorde ditu basozain arropak,... [+]
Naturklima fundazioak kaleratutako Itsasoko eta kostako txostena-k argitara eman ditu klima aldaketa euskal kostaldean izaten ari den ondorioak: Bizkaiko Golkoko uren tenperatuta 0,22 gradu igo da hamarkada bakoitzean, 1981tik 2023ra, munduko uren tenperaturen batez besteko... [+]
