Lantegian bere buruaz beste egin duen 20 urteko gazteak pairatzen zuen esplotazioa salatu dute
Uztailaren 30ean suizidatu zen Luis Enrique Soriano dominikarra, lan egiten zuen Azpeitiko Manuel Aizpuru S.M enpresan. Elkar-ekin taldeak lantegian bizi zuen esplotazioa eta jazarpena salatu ditu.
Gutun baten bitartez eman du Elkar-ekin taldeak gertatuaren berri, uztarria.eus atarian. Dominikar Errepublikan jaiotako gaztea 17 urterekin heldu zen Apeitira, bertan bizi ziren senide batzuekin elkartu eta “bizitza hobe” baten bila. “Iritsi bezain laster aurkitu zuen lana herriko lantoki txiki batean, zehazki Manuel Aizpuru S.M enpresan. Lanean hastearekin batera, bere ingurunea egiten joan zen herrian: senideekin bizi zen, lagun berriak egin zituen eta bizitzaz gozatzen saiatu zen, horretarako tarterik zuenean”. Hiru urte geroago hil da Soriano, gauean lantegian bertan bere buruaz beste egin ostean, 20 urterekin.
Umiliazioa eta esplotazioa lantokian
Muturreko lan-baldintzak bizi izan ditu lantegian Sorianok hiru urtez, Elkar-ekinek salatu duenez. Ordu “zenbatezinak” sartzen zituen, 12 orduko lanaldia zuen “gutxienez”, eta larunbatetan ere egiten zuen lan. “Behartu egin zuten horretara, eta, bere egoeran, ez zuen hori egitea beste aukerarik ikusi”. Horrez gain “jazarpena” etengabea zela salatu du mugimenduak, horren hainbat edibide emanez. Tratu umiliagarria edo soldataren jaitsiera akatsen aurrean, lan-karga zela eta langile berri bat kontratatzeko eskaerari erantzun negatiboa... “Duela asko ez, COVID-19 gaitzak erasanda egon arren, lanera joatera behartu zuen nagusiak: gauez eta bakarrik egin behar izan zituen lanaldiak”. Bere buruaz beste egin zuen egunean ere akats baten aurrean nagusiak “betiko jarrera” izan zuen, gaztea ez zen etxera azaldu eta senideak arduratzen hasi ziren. “Luis Enriquek, ordurako, bere buruaz beste egitea erabaki zuen, hainbeste zoritxar ekarri zizkion lantegian bertan”.
Ez da kasu isolatua
Sorianok sufritutakoa errealitate orokorrago baten adibide dela dio Elkar-ekinek gutunean, eta arduradunak dituela. “Prekarietate eta jazarpen egoerak ohikoak dira herriko enpresa askotan, eta ohikoa da, aldi berean, egoera horiek okerrera egitea langileak migratzaileak direnean. Errealitate latz horiek Azpeitian (ere) gertatzen dira, eta arduradunak izan badituzte”. Sorianoren senideei, lagunei eta Azpeitiko dominikar komunitateari doluminak agertzearekin batera, “injustizia egoerak” gainditzeko elkartasuna antolatzera deitu du antolakundeak. “Herrian isilik igaro den heriotza latz hau ez dugu ahanzturan galtzen utziko. Horregatik, hitz hauen bidez, Luis Enriqueren memoria eta duintasuna aldarrikatu nahi izan ditugu”.
Zerbitzu minimoek eragin handia izan dute Iruñerrian jaietan. Negoziazioan aritu dira, baina ez dute akordiorik erdietsi. Normaltasunez jardungo dute udan, eta irailean berrartuko dituzte lanuzteak.
Hainbat irregulartasun egitea egotzi dio Eusko Jaurlaritzaren Lan Ikuskaritzak: batetik, istripuei buruzko dokumentuak ezin direla bateratu, eta bestetik, istripuaren izaera lanekoa den ala ez erabakitzea ez dagokiola Amazoni.
Bilboko Bilboko Kontseilu Sozialistaren Laneko Autodefentsa Sareak BBK Live jaialdiko lan-baldintza prekarioak argitara atera nahi ditu, baira horien erantzuleak seinalatu. Horretarako, solasaldia antolatu du uztailaren 2an.
Sindikatuak adierazi du bi ospitale horietan behin-behinekotasunean daudela langile gehienak, eta ordezkapenak ez direla bermatzen; ondorioz, langileen lan-karga areagotzen dela. Gehitu du larrialdi zerbitzuetan “gainkarga” dagoela.
Ziburuko Euskal Liburu eta Diskoen Azokak 6. edizioa izango du aurtengoa. Ekainaren 7an egingo da, ohi bezala larunbatez, Baltsan elkarteak eta ARGIA komunikabideak antolatuta. Atarian, sorkuntzaren gibelean dagoenaz mintzatzeko, maiz bistaratua ez den baina zorionez geroz eta... [+]
Ikerketa urtarrilean abiatu zuen Ertzaintzak, biktimetako batek Gizarte Segurantzan laguntza eskatu ostean. Nahiz eta egunero hamar ordu baino gehiagoz lan egin "ez zuen nahikoa baliabiderik, ezta jateko ere". Ondorioz, zuntz optikoa instalatzen zuen enpresa bateko burua... [+]
ELA, LAB eta CGT sindikatuek ibilgailu elektrikoak egiteko elektrifikazio prozesuan instalatutako olagarro edo garraiatzaile berria kentzeko eskatu diote Nafarroako Volkswageni. Elkarretaratzea egin zuten ostegunean eta atzorako greba eguna deitu zuten lantokian: 13:15etatik... [+]
Institutuko giza baliabideak hobetzeko eskatu dute irakasleek, ikasleei kalitatezko arreta eman ahal izateko. Kartelekin eta pankartekin itxaron diete irakasleek lehendakariari. Jaurlaritzako ordezkariek ikastetxeko zuzendaritzari esan diote ez zutela "horrelakorik... [+]
Ostiral gauerdian atzeman zituen Ertzaintzak ustez langileak ilegalki zeramatzan bi furgoneta, Ertzaintzak uste du Europako beste herrialde batera bidean zirela, han lan egiteko. Atxilotutako gidarietako batek hamar pertsona zeramatzan furgonetan eta besteak 22.
Krisi egoeran idatzitako gogoetak eta lagungarri egin zaizkion tresnak jasotzen ditu Iratxe Etxebarria kazetariaren 7.300 miligramo eszitalopram liburuak.
CCOOk egindako azterketa batek agerian utzi du hezkuntzan, industrian, ostalaritzan eta merkataritzan ordu estren kopurua nabarmen altua dela, eta enpresek urteko 3.254 milioi euro bereganatzen dituztela ordaindu gabeko ordu gehigarriengatik.
Sumarrek PSOEri ezarritako marra gorrietako bat horixe zen, lanaldia jaistea. Hala ere, laguntzak ematea ez zen hasierako asmoetan sartzen.
LAB sindikatuaren kontaketaren arabera, dagoeneko 36 dira aurten Euskal Herrian lan-istripuz hildako langileak.
2019ean, Gorlizko emakume udaltzaingo batek tratu iraingarria eta sexu izaerako jokabide desegoki larriak sufritu zituela salatu zuen bere kidea zen gizonezko batengatik, eta, horren ondorioz, 2021an baja eskatu zuen. Orain, Bilboko Lan Arloko 2 zenbakiko epaitegiak ebatzi du... [+]
Irakaslea zara eta lanordutan nahiz lanorduz kanpo, berehala erantzun beharreko mezuz josten zaituzte ikasleek, haien gurasoek, ikastetxeko zuzendaritzak, lankideek? Deskonexio digitalaren beharraz gogoetatu dugu, Aitor Idigoras irakaslearekin: "Ateak ixten eta mugak... [+]