ARGIA.eus

2021eko apirilaren 22a

Langile bat hil da Azpeitian Mendiaraiz enpresan izandako istripuan

  • Amue kalean jazo da ezbeharra, 15:15 aldean. Kamioi bat deskargatzen ari zirela, langile bati metalezko hodi batzuk erori zaizkio gainera. Hildako langileak 52 urte zituen eta Oiartzungo Bidean Garraioak enpresako langilea zen.

Uztarria  |  Frantzesena Julene @julenefrantzese
2021eko martxoaren 05a
Albiste hau Uztarriak argitaratu du eta Creative Commons BY-SA 3.0 lizentziari esker ekarri dugu.

Langile bat hil da gaur, ostirala, Amue kaleko Mendiaraiz enpresan izandako lan istripuan. Ertzaintzak Uztarria.eus-i azaldu dionez, 15:15ean jazo da ezbeharra: kamioi bat deskargatzen ari zirela, metalezko hodi batzuk jausi dira ibilgailutik, eta horiek langile bat harrapatu dute azpian.

Istripuaren lekura joan dira suhiltzaileak, Ertzaintza eta larrialdi zerbitzuak, baina langilea hil egin da.

Hildako langileak 52 urte zituen eta garraiolaria zen. Istripua Azpeitiko Mendiaraiz enpresan gertatu den arren, hildakoa Oiartzungo Bidean Garraioak enpresako langilea zen.

Albiste hau Uztarriak argitaratu du eta Creative Commons BY-SA 3.0 lizentziari esker ekarri dugu.
Kanal hauetan artxibatua: Lan istripuak  |  Azpeitia

Lan istripuak kanaletik interesatuko zaizu...

Azkenak EGILEAK
Argia buletina
Egunaren laburpena
zure e-postan
Eguneraketa berriak daude