Iruñeko Udalak muturreko lan esplotazioaren aurkako ebazpena onartu du. Castillo de Javier hotelaren kasua ezagutu ostean aurkeztu du EH Bilduk, eta PSNk eta Geroa Baik babestu dute.
Iruñeko Udalak bere kezka eta gaitzespena agertu du San Nikolas kaleko Castillo de Javier hotelean izan den sei urteko lan-esplotazio kasuaren aurrean. Presidentzia Batzordeak onartu du ebazpena, Navarra Sumaren abstentzioarekin,
EH Bilduk bultzatutako ekimena PSNren eta Geroa Bairen aldeko botoekin onartu da. Eva Aranguren zinegotzi abertzaleak adierazi duenez, eskuineko hirukoaren abstentzioa "ostalariak UPNrekin dituen loturengatik izan da, eta hori oso larria da". Juan Carlos Cipres Nieves Cipresen anaia da, Iruñean UPNko zinegotzi izandakoa, baita PPko militante ohia ere, kanporatu zuten arte. Ondoren Derecha Navarra y Española sortu zuen, Voxen sartu zena.
Nafarroako Probintzia Auzitegiko Bigarren Sekzioak bederatzi hilabeteko kartzela-zigorra ezarri dio Juan Carlos Cipres Aznarri, Iruñeko San Nikolas kaleko Castillo de Javier hotelaren jabeari, langileen eskubideen aurkako delitu bat egotzita, pisuko zerbitzari batek sei urtez jasan zuen lan-esplotazioagatik. Langileak astean ez zuen atsedenik eta ohe osagarri batean egiten zuen lo, garbiketa gelan.
Enpresa batzordeak salatu du otsailaren 26tik martxoaren 3ra bitartean amiantoa agertu zela labe kalibratzailean egindako obretan eta egun horietan lanak ez zirela eten. Enpresak azaldu du ohartu bezain pronto hartu zituela neurriak.
Lehen bi egunetan %100eko jarraipena izan du grebak TUVISAn, enpresa batzordearen arabera. Jaurlaritzak %30eko gutxieneko zerbitzuak ezarri ditu. Lan baldintzak eta zerbitzu publiko osoa hobetzea eskatzen dute langileek.
Bost egunetik hirutan manifestazioak egingo dituzte hiru hiriburuetan. ELAren arabera, jarraipena %70ekoa izan da lehen egunean.
Enpresak komunikabideei filtratu die berria langileei eta batzordeari jakinarazi aurretik. Kaleratzeen iragarpena langileek eta LAB sindikatuak Michelineko zuzendaritzaren "deriba autoritarioa" salatu ostean etorri da.
Correos posta-zerbitzuak garbiketarako azpikontratatutako Limpiezas J. Cordoba enpresako langileek salatu dute bost hilabete daroatzatela soldata kobratu barik eta, egoera konpontzeko neurririk hartu ez delakoan, greba mugagabera joatea erabaki dutela jakinarazi du ESK... [+]