Labrazaren defentsan
"(Oiongo osoko bilkuraren) helburua argia da, legez legitimatzea tramitazioan irregulartasun nabarmenak dituzten megaproiektu energetikoak"
Joan den asteazkenean egun gogorra eta desatsegina bizi izan genuen, ez bakarrik Labrazarentzat, baita zentral eoliko, fotovoltaiko edo goi-tentsioko linea baten mehatxupean gauden herri guztientzat ere. Oionen ustezko prebarikazio baten aitzakian egin zen osoko bilkuran baiezko batekin justifikatu ziren bozketek agerian uzten dituzte maniobra legal eta alderdikoiak, eguneroko politika egiteko beharrezko moduan onartzen direnak. Kasu honetan helburua argia da, legez legitimatzea tramitazioan irregulartasun nabarmenak dituzten megaproiektu energetikoak.
Eusko Jaurlaritzak eta Iberdrolak, haien Aixeindar enpresaren bidez, arauditik kanpo eta edonola sartuta zeuden kokapenak inposatu zituzten eta hori izan zen gainerako enpresa-korporazioei adierazi ziena bidea libre zegoela: edozein megaproiektu izapidetzen has zitezkeen, jakinik lehen erantzun administratiboa aldeko izango zutela.
Biodibertsitatearentzat enblematikoenak diren lekuetatik hasi ziren, Arkamo Mendilerrotik eta Iturrietako Mendietatik, esaterako. Biak baztertu egin ziren lehen ere, naturan duten eragina onartezina zelako. Oso larria da Eusko Jaurlaritzak eremu horiek proposatu izana, kanpoko edozein erasotatik babestu behar dituen eremuak direlako. Herrietako kontzejuen eta lurraldearen defentsaren mugimenduen aldetik espero ez zuten erantzunarekin talka egin zuten. Uste zuten laguntza nahikoa izango zutela manipulazio mediatikorako etengabeko kanpainak hedatzearekin. Eta atzera egin behar izan zuten. Administrazioko ingurumen filtroak funtzionatzen duela esateko erabiltzen dute.
"Labrazako eta Azazetako zentral eolikoak daude egun tramitazioan aurreratuen. Prozesu horietan aurkitu ditugun irregulartasun beldurgarriek judizializatzera eraman gaituzte"
Ondoren, Labrazako eta Azazetako zentral eolikoak etorri ziren, gaur egun tramitazioan aurreratuenak direnak. Prozesu horietan aurkitu ditugun irregulartasun beldurgarriek judizializatzera eraman gaituzte; kasu bietan, organo judizialak izapidetzeko onartu ditu. Aldi berean, Kanto Blanco edo Itsaraz bezalako zentralak erortzen joan dira. Azken hori, Bizkaiko Foru Aldundiaren txosten bati esker; izan ere, txosten horren arabera, ez da bateragarria mendilerro horretan dabiltzan eta habiak egiten dituzten hegazti nekrofagoak zaintzearekin. Arabako Aldundia izan zen zentral eoliko bat eta hegazti-fauna bateragarri direla baloratu zuena. Hemen ikus dezakegu zein jarrera instituzional nagusitzen ari den lege beraren aplikazioan. Lurraldeak jasaten duen babesgabetasun arbitrarioa izugarria da. Legearen balantza nahieran aldatzen duten kanpoko enpresa-interesen menpe gaude.
"Oionen udaletxetik aukera zegoen zuhurtziagabekeria hori gelditzeko. EH Bilduko zinegotzien esku zegoen. Bazeuden nahikoa arrazoi horretarako"
Kanpoko agindu horiek ez dira soilik administrazio autonomiko edo foralen bidez ezartzen. Udalen bidez ere egiten dute. Herriarengandik hurbilen dauden gobernu-egiturak abusuzko dinamika berberak errepikatzen ari dira. Oionen egiaztatu dugu orain, udaletxetik aukera baitzegoen zuhurtziagabekeria hori gelditzeko. EH Bilduko zinegotzien esku zegoen. Bazeuden nahikoa arrazoi horretarako. Horietako bat dira izapidetzeak jasan dituen irregulartasunak. Beste arrazoi bat kasuaren judizializazioa zen. Baina garrantzitsuena zen Labrazako herriak EZ esan zuela. Eta EZ horren gainetik, utzi egin diote zentralari bere bidea ematen. Kosta ahala kosta politikan jarraitu nahi duen alkate baten zorigaiztoko adierazpenak mintzo dira udalerriaren onerako erabiltzeko jasoko duten diruaz. Proposatu du, besteak beste, inguru horretan ingeleseko irakasleak lortzeko bideratzea. Zentral eolikoari BAI esatea justifikatzeko erabili duten arrazoia prebarikazioarena da, baina haiek kontra daudela diote.
Naturguneak merkataritzarako eta industrializaziorako erabiltzeko interesa duten estrategia horiek ontzat emateak babes gabe uzten gaituztela salatzen dugu, eta, aldi berean, estamentu judizialari eskatzen diogu lehenbailehen eta zehatz-mehatz iker ditzala egoera zital honetara ekarri gaituen amarruan egin ahal izan diren prebarikazioak.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Lau hilabete daramatzagu greba mugagabean, hitzarmen propio baten eta lan-baldintza duinen alde. Lau hilabeteko greba honetan, udaltzainek piketeetan bortizkeriaz zapaldu gaituzte, hirian jarraitzen gaituzten eta mobilizazio bakoitzean zelatatzen gaituzten polizia... [+]
Euskararen normalizazioaren motorrak herri dinamikara bueltatu behar du aurrera egin nahi badugu
Antropologo eta ingeniaria den Yayo Herrerok dioen bezala, datu bat da. Horren jatorria ulertzeko erraza den baieztapen xume batean laburbil daiteke: Lurra agortzen ari da.
Gaia konplexua da. Ikuspegi asko daude, interesak gurutzatzen dira, informazioa desinformazioarekin... [+]
Sasijakintsua, jakineza eta franco txikia: horiexek dira aurrekoan Gotzon Lobera jaunak, Bilboko kale batzuen izenak aldatzeko ekimenaren kariaz, Deia egunkarian zuzendu dizkidan epitetoak. Ez du nire izena aipatu, egia, baina neu izan naizenez urte eta erdi luzeko borrokan... [+]
Euskara badago Bilbon, baina non? Eta zertarako? Nork sortzen du euskarazko kultura, eta nork sostengatzen? Galdera horien aurrean, udalaren azken urteetako erabakiei begira, argiago ikusten da euskara eta kultura bizirik nahi ditugunontzat kezkagarriak diren erabakiak hartu... [+]
Hasieratik argi utzi nahiko nuke ez naizela inolaz ere feminismoan, sexu- eta genero-teorietan ezta LGTBIQ+ komunitatearekin lotutako gaietan aditua. Gizon txuri heterosexual bat naiz, ezkertiarra esan dezagun, bere burua feministatzat hartzen duena (edo feministen aliatua,... [+]
Goizaldeko lehenengo eguzki-izpiekin batera zabaldu ditu ateak Kirikiño Ikastolak. Zapatua da, auzolan eguna. Parte-hartze batzordeko arduradunak irrintzia egin eta lanera bideratu ditu bertaratu diren ehundik gora partaide: “Hemen erronkak denonak dira! Aurrera,... [+]
Amasa-Villabonako EH Bilduk argitaratutako idatziaren harira, hainbat adierazpen egin nahiko genituzke. Lehenik eta behin, argi utzi nahi dugu larrialdi klimatikoari aurre egitearen urgentzia ukaezina dela, eta horregatik, krisi honekiko dugun kezkagatik beragatik jartzen dugula... [+]
Milaka pertsonak modu aktiboan parte hartu dute, eta hala jarraitzen dute, XXI. mendeko holokausto telebisatu handienaren aurka protestatzeko, eta pertsona horiei errespetu eta miresmen handiena zor diet. Baina, gizateriaren zoritxarrerako, askoz gehiago dira, egoerarekin... [+]
Gizakia kosmosa da. Kosmosa, mundua ez da gizakiarena, askotan hala dela ematen badu ere.
Udako solstizioan, egunez eguzkiak itsutu egiten gaitu duen argiaren indarrarekin, baina gauak ederrak dira, zeruan izar dirdiratsuak kabitu ezinka ikusten ditugunean. San Juan suaren... [+]
"Saharar erradikalizatuek Estatu Islamikoaren burutza hartu dute Sahel-en". Izenburu asaldagarria, berriki argitaratua, baina hasierako asalduratik harago, testuaren irakurketa eta analisi sakonago bat eginda, honako ondorio hauek atera daitezke.
Kezka, ezinegona eta... [+]
Aurrean duzunak min ematen badizu, ez begiratu aurrera. Muturren aurrean duguna saihesteko logikoa dirudi, ezta? Zer ikusiko ote du gutako bakoitzak albo aldera so egiten duenean? Beharbada, miope batek betaurreko bila ikusten duen antzeko zerbait.
Miope bezain itsu,... [+]
Gu gara euskara. Euskara gure baitan bizi da. Guk biziarazten dugu. Euskara bizi dugu eta euskarak bizi gaitu. Guk elikatzen dugu eta gu elikatzen gaitu. Euskara gara. Euskara egiten dugunean euskarak egiten gaitu. Guk dugu, euskarak gaitu.
Euskararik gabe ez gara, eta hori... [+]
Barau kolektiboak beti erdaraz izaten ziren, baraualdi bat euskara hutsean antolatzen hasi ginen arte. Irakurketa dramatizatuak taldean, abestu, dantzatu, arnasketa kontzientea, masaje trukaketa, Bergarako igerilekura jaistea, kanten liburuxka... eta pilota partiduak.
Aurten,... [+]
Zenbat min jasan dezake bihotz batek?
Zenbat aztarna sentitu dezake azkenengo bihotz-taupadara arte?
Jaiotzen garenetik, min desberdinak sentitzen ditugu. Desilusioak eta arazoak, gero eta helduago garenean, orduan eta jasanezinagoak bihurtzen dira.
Jolasa bukatzea... [+]