Preso batek jasotako jakinarazpenaren bidez jakin dute atxikita zegoela.
“Revifa la lluita dins dels murs” (harresien barruan borroka berpiztea) erreportajea duen La Directa aldizkariaren 451 zenbakia hautsak harrotu ditu. Borrokan parte hartu zuten hainbat espetxeetako 40 preso inguru elkarrizketatu dituzte.
Espainiako Espetxeetako Zuzendaritza Nagusiak artikulu hau “espetxeko sistema ezegonkortzeko” dela esan du. Horregatik parte hartu duten presoei ez zaie iritsi aldizkaria. Salatu dutenez baten bat ere idatziz zuzendu da aldizkarira kexatzeko. Espetxeetako Zuzendaritza Nagusiak ez zion ezer bidali aldizkariari honen berri emateko.
Egoera hau justifikatzeko Espetxeetako Lege Organikoko 51.5 artikuluan eta Espetxeetako Araudiko 128.2 artikuluan oinarritzen dira. Araudiaren arabera, banatu ezin daitezkeenak dira ez dutenak “gordailu juridikorik edo inprimatzeko baimenik” edo zentroaren “segurtasunaren eta ordenaren aurka egiten dutenak”.
La Directa-k prentsa askatasuna eskubide konstituzionala dela dio mundu guztiarentzat eta beraz, espetxeetan ere errespetatu behar dela salatu du. “Errealitatea oso desberdina” dela gehitu dute. Elkartasuna adierazteko Jon Iñarritu EH Bilduko senatariak galdera bat aurkeztu du senatuan informazioa eskatuz beto honen inguruan.
Zizur Zendeako Udala (Nafarroa) UPNren hautagaitza batek gobernatzen du. 1936an Iruñean fusilatutako trenbidegileak ordezkatzen dituen Konpartsa Txikiko erraldoi baten presentziari betoa jarri dio.
Talde erlijioso batek eskatuta kenduko dute LKN artistaren obra Iruñeko Morea saltokitik: "Ez dut inoiz iraintzeko asmorik izan; nire begirada artistikoa eskaini nahi nuen".
Ikusgela proiektuko bideo baten aurka jo du Covitek. Argudiatu du Txillardegiren irudia “zuritzen” duela, eta ETAk eragindako biktimak “iraintzen” dituela bideoan bera “euskal kulturaren salbatzaile” gisa aurkezteak.
Jose Luis Rebordinos Zinemaldiko zuzendariak prentsara gutuna bidali du. Bertan, Espainiako hainbat hedabidetan atera den gutuna kritikatu du. Izan ere, zalaparta ari dira sortzen hainbat biktima elkarte, Zinemaldian estreinatuko den No me llame Ternera (Jordi Evole eta Marius... [+]