Krimeako zubiko atentatuak eskalatze militarra ekarri du Ukrainara
Putinek “oso bortizki” erantzun dio Krimeako zubiaren aurkako erasoari, iragarri bezala. Fronteaz haragoko hainbat hiri bonbardatu ditu, misilen eta droneen bidez, eta ekainetik lehen aldiz Kiev hiriburua ere bai. Hildakoak eta zaurituak eragin dituen erasoan, batik bat azpiegituren suntsiketan jarri du fokua Errusiak, eta Ukrainako zenbait eremu argindarrik gabe uztea lortu du.
Asteburuan Ukraina eta Errusiaren arteko gerran enegarren eskalada militarra jazo da. Larunbatean Krimea Errusiarekin lotzen duen zubi estrategikoaren zati bat suntsitu zuten, leherketa bidez, eta nahiz eta Ukrainak ez duen bere gain hartu erasoa, hura ospatu du.
Vladimir Putin Errusiako presidenteak iragarri zuen erantzuna izango zuela erasoak, eta “oso bortizki” erantzungo zutela “Errusian eraso terroristak” egiten jarraitzen bazuten. Esan eta egin, azken hilabeteetako bonbardaketa handienak egin dituzte, frontean ez ezik, beste hainbat hiritan ere bai, The Guardianek zehaztu duenez. BBCren mapa honetan agertzen dira azken orduetako erasoak, puntu gorriz markatuta:
Azpiegitura energetikoei, militarrei eta komunikazio azpiegiturei egin die eraso batik bat, misilen eta droneen bidez. Mikel Ayestaran kazetariak Eitb-n jakinarazi duenez, Putinek helarazi nahi izan duen mezua zera da: “Ukrainan ez dago toki segururik”.
Asteartean segitu dute misil bidezko erasoek, eta Ukrainako eremu batzuk argindarrik gabe daude jadanik. Victor García RTVEko kazetariak azaldu du Ukrainako sistema elektrikoaren %15 suntsitu dutela, eta Europara energia elektrikoa esportatzeari utzi diola herrialdeak –diru-sarrera handiak lortzen zituzten esportazioekin–.
Nord Stream 2 gasbidearen eta Krimeako zubiaren aurkako atentatuek, gudaren espirala elikatu dute, beraz.
Gaza izan zen iragarpena, Ukraina tanteoa, Iran eskalada, baina Errusia eta Txina dira traka eta azken helburua. Europar Batasunak "Israelek bere burua defendatzeko duen eskubidea" baieztatzen jarraitzen du, eta bere lehen potentziaren buruak aitortzen du "Israel lan... [+]
Europako lau presidente gudazaleek (Emmanuel Macron, Keir Starmer, Friedrich Merz eta Donald Tusk), maiatzaren 10ean 30 egunetako su-etena exijitu zioten Vladimir Putini. Errusiako presidentearen erantzuna: “Maiatzaren 15ean has gaitezen bakea negoziatzen... [+]
Sare sozialetan zabaldutako mezu batean, AEBetako presidenteak adierazi du Errusiako bere homologoarekin izandako elkarrizketa "oso ongi" joan dela. Putinek esan du Ukrainako gerra amaitzeko ahaleginak "bide onetik" doazela, eta Mosku Kievekin bake akordio bat... [+]
Aurrez adierazitakoa baino egun bat geroago abiatu dira bilerak Istanbulen; Zelenski, Putin eta Trump gabe. Errusiari “behe mailako” delegazioa bidaltzea leporatu diote.
Ukrainaren Europako aliatuak Zelenskirekin bildu dira, eta menia astelehen honetan indarrean jartzea proposatu dute, Errusiak jada ezezkoa eman badu ere. Boluntarioen koalizioko agintariek azpimarratu dute garrantzitsua dela Ukrainari laguntza militarra ematen jarraitzea,... [+]
Zer lor nahi zezakeen Ipar Koreako erregimenak Errusiaren gerrarako egindako odol-ekarpenarekin? Batetik, eskarmentua; bestetik, elkarrekikotasuna.
Zelenskiri Ukrainako gerra amaitu behar duen bake akordioa "arriskuan" jartzea leporatu ostean, Putini egin dio errieta Trumpek bere sare sozial Truth Socialen. Sergei Lavrov Atzerri Ministroak adierazi du bake akordioa adosteko prest dagoela Errusia. Kievek jakinarazi... [+]
"Bakearen" bidean, Errusiak proposatu du kontrolpean ez dituen lurraldeei uko egitea. Trukean AEBk hainbat onura emango dizkio, Financial Timesen arabera. Hala ere, Kremlineko bozeramaile Dmitry Peskov-ek abisu egin du: "Ez fidatu hedabideez, ezta errespetagarriak... [+]
Orain Errusiak inbaditu behar ei du Europa eta horren aurrean berrarmatze basatia bultzatu behar dute Europar Batasuneko herrialdeek. Lehen Sobietar Batasunak egin behar zion eraso, eta Gerra Hotzak ia mundua irentsi zuen. Gezurra zen ordukoa, eta gezurra da gaur egungoa, baina... [+]
Ukrainaren ondoren Polonia?
Europar Batasunak Ukrainako gerra hauspotu du Kiev armaz hornituta, eta menia oraindik airean delarik, gerraren zikloan murgilduta dago bete-betean. Hori bai, bere diskurtsoa modulatzen ari da, eta gero eta gehiago hitz egiten du balizko su-etenaz... [+]
Ukrainako gerrar hasierako zergatiak ez dira azaldu zizkigutenak bakarrik, beste arrazoi batzuk ere badaudelako. Errusiak zioen Ukrainako errusiar hiztunen defentsarako urrats bat eman behar zuela; Ukrainako Gobernuak, aldiz, Errusiaren armadari aurre egin behar zitzaiola,... [+]
Etxe Zuriak bi komunikatu igorri ditu, Itsaso Beltzeko su-etena eta energia azpiegituren aurkako bi aldeen erasoen amaiera hitzemateko.
“Ez dugu gerraren aurrean etsi nahi, ez dugulako hilerrietako bakea nahi”, dio manifestuak, eta agintariei irtenbide politiko baten alde lanean jartzeko eskatu diete. Sinatzaileen artean daude Delàs institutua, Gernika Gogoratuz edo Ongi Etorri Errefuxiatuak... [+]
Defentsarako gastua handitzeko Europako herrialdeen apustuaren atzean, asko dago propagandatik, eta askoz gehiago interes ekonomikotik. Kontrakoa sinetsarazi diguten arren, XVIII. mendean Ingalaterran Industria Iraultza jaio zenean, armak eta gerra izan zituen oinarri, eta ez... [+]
Telefono bidez eginiko bileran, bi agintariek adostu dute Moskuk ez diola erasorik egingo Ukrainako azpiegitura energetikoari hurrengo 30 egunetan. Ukrainak eta Errusiak 175na preso askatu beharko dituztela iragarri dute, baina ez noiz.