Kortxoenearen aldeko jaialdia ospatuko da ostiralean Donostian
Kortxoeneako hustearen ondoren iritsi diren isunei aurre egiteko jaialdia antolatu dute Donostian. Urriaren 28an, ostirala, ospatuko da Doka antzokian, 20:30etatik aurrera.
Jaialdian Physis Versus Nomos, Txemak eta Sonido Vegetal taldeen presentzia dagoeneko konfirmaturik dago. Taldeen ostean Dj Miauk emango dio ekitaldiari amaiera.
Kortxoenea eraistean atxiloturiko bi gazteen aurkako prozesu judiziala martxan da eta jaialdia horrek eragiten dituen gastuei aurre egiteko antolatu dutela azaldu dute. Epaiketak aurrera egin ahala gastuak zenbateraino iritsiko diren ez dakite. Gazteek irabaziz gero, enpresa eraikitzaileak epaiketaren gastuei aurre egin beharko die eta kalte ordainak ordaindu. Epaileak higiezinen enpresari arrazoia ematen badio, ordea, prozesuaren gastuak beren gain hartu beharko dituzte.
Bi atxiloketek eta ondorengo epaiketak eragindako gastuei, hainbat manifestazio eta ekintzetan jasoriko isunak gehitu behar dizkiete. “Mozal legea” aplikatu dietela salatzen dute.
Aurrera begira, dirua lortzeko ekitaldi gehiago egiten jarraitzeko asmoa dute. Azaldu dutenez epaiketen nondik norakoek argituko dute gastuen kopurua eta hauei aurre egiteko bideak aurkitu beharko dituzte. Azaroaren 3an, Kortxoenearen eraistearen urteurrenean, hainbat ekintza antolatuko dituztela aurreratu dute, dantza erakustaldiak besteak beste.
Heldu da Kortxoeneak epaitegietan jarri zuen salaketaren epaia: Eraikuntza enpresa absolbituta. 2015eko azaroaren 3an Donostiako Gros auzoan zegoen Kortxoenea gaztetxea desalojatu zuten aurpegian estalita eta metalezko barrak zituzten hainbat pertsonak. Ondoren, eraikina eraitsi... [+]
Astelehenean hasiko da epaiketa Donostiako Kortxoenea gaztetxea eraitsi zuen enpresaren aurka: Groseko Etxebizitzak SL. 11:30 izango da epaiketa eta gaztetxeko kideek dei egin diote jendeari epaiketara bertara ager daitezen.
Micaela Chalmeta Bartzelonako Sants auzoko kooperatibista feministaren izena daraman Big Bandak beste maila batera igo ditu Fermin Muguruzaren ibilbide osoko kantuak. Victoria Eugenia jendez eta emozioz lepo izan da bart.
Asteazkenean jaso zuen Fermin Muguruza musikari eta zinegile irundarrak Donostiako Udalak eman dion Adarra saria.