Koronabirus garaian ezingo dira garestiago kobratu hileta zerbitzuak
Gobernuak koronabirusaren garaian hiletak atzeratu egin ditu eta ehorzketa-segizioak hiru pertsonara mugatu. Horrez gain, azken hamabost egunetan garestiago kobratu duten enpresei muga jarri die: hileta-zerbitzuetako enpresek martxoaren 14a baino lehen ezarrita zituzten prezioak aplikatu beharko dituzte. Eta azken bi asteetan prezio altuagoak kobratu dituzten enpresek ofizioz hasi beharko dute aldea itzultzen.
Espainiako Gobernuak hiletetan koronabirusak eragindako gorabeherak arautu ditu martxoaren 29ko SND/298/2020 Agindua-ren bidez. Agindu horrek edozein beila-mota debekatu du, tanatoestetika edo tanatopraxia praktikak debekatu ditu eta gorputzean esku-hartze erlijioso inbaditzaileak egitea debekatu du, Covid-19k hildako pertsonen kasuan. Zeremoniak atzeratu egingo dira eta ehorzketa- edo errausketa-segizioak hiru pertsonara mugatuko dira.
Garestiago kobratu duten hileta enpresek dirua itzuli beharko dute
Martxoaren 14tik hona ordura artekoak baino prezio altuagoak kobratu dizkieten enpresei erreklamazioa egiteko sei hilabeteko epea izango dute kontsumitzaileek, alarma-egoera kendu ondorendik hasita. Edonola, Gobernuaren Aginduak dio enpresek ofizioz itzuli behar dutela aldea.
Aurrekontua jaso eta erabili ezin izan diren zerbitzuak ez ordaindu
Zerbitzua kontratatu aurretik, ehorztetxeek erabiltzaileei aurrekontua eman beharko diete, 2020ko martxoaren 14a baino lehen argitaratutako prezioen zerrendarekin batera, baita Covid-19 dela eta jarduera bereziak egin behar badira ere.
Bestalde, kontratatutako zerbitzuak edota produktuak ezin izan baditu erabiltzaileak krisiaren ondorioz entregatu edo erabili, zerbitzu edo produktu horiei dagozkien ordaindutako zenbatekoak itzuli beharko zaizkio.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]
Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]
Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.
Amazon ondoren Glovo, Deliveroo eta Uber Eats-ek gure hiri eta auzoetako bizimodua hankaz gora jarri dutela uste baduzu, adi hurrengo uhinari: heldu dira Cajoo, Flink, Dija, Gorillas, PicNic , Everli... COVID-19 betean sortuta, tximista bezala zabaltzen ari diren banaketako... [+]