Portugaleten emakume bat hil dutela salatzeko kontzentrazioak deitu dituzte
Ustez 92 urteko emakumea hil zuen bere semeak eta ondoren bere burua larri zauritu. Emakumeen Mundu Martxak protestak deitu ditu ostegunerako, urteko lehen hilketa matxista salatzeko.
Euskal Herrian, urteko lehen erailketa matxista da Portugaletekoa. Iaz zazpi emakume hil zituzten. Instituzioek ez dute indarkeria matxistatzat hartu gertaera, ez baita bikotearen baitan jazo erasoa. Portugaleteko Udalak etxe barruko indarkeriatzat hartu du. Emakumeen Mundu Martxaren Plataformak azpimarratu du indarkeriaren aurkako lege, protokolo eta bitarteko publikoetan hutsuneak azaleratzen dituela gertaera hori kokatzeko moduak. Gaineratu du, indarkeria matxistak hamaika erpin dituela eta bikotearen esparrua gainditzen duela.
56 urteko semeak 92 urteko ama zaintzen zuen. Mundu Martxaren Plataformak zaintzaren gaia erdigunera ekarri nahi izan du, eta ondoko gogoeta egin du: "Zeinek eta nola zaintzen dira pertsonak gure jendartean? Argi dago gizarteak heldu behar diola zaintza lanari, familiak (emakumeak bereziki) dagoeneko ezin du zaintza karga gehiena hartu, hala ere horrek ez du justifikatzen 92 urteko emakume bat labankadaz erailtzea. Zaintza lanak modu ezkutuan eta prekarioan egiten direnean, ez dira zaintzaileen eskubideak eta zaindutakoen segurtasuna bermatzen".
Mugimendu Feministak biktimak izandako babesgabetasun egoera salatu du. Iruñean, Donostian eta Bilbon astearte arratsaldean deitu ditu mobilizazioak Emakumeen Mundu Martxak.
Feminist Asylum kanpaina abiatu dute Europa mailako hainbat mugimendu, talde, elkarte, alderdi eta sindikatuk. Euskal Herriko Emakumeon Mundu Martxak bat egin du kanpainarekin, eta herritarrei dei egin die berau babestera.
42 urteko gizon batek 37 urteko emakume bat hil du Gasteizen, eta bere buruaz beste egin ostean. Hilketa matxistaren aurrean mobilizazioak deitu dituzte Hego Euskal Herriko hiriburuetan. Honekin, bost dira aurten Euskal Herrian indarkeria matxistak hildako emakumeak.
Zubi guztien gainetik, mugarik ez! Transnazionalik ez! lelopean iazko urrian abiaturiko Emakumeen Mundu Martxaren Euskal Herriko V. ekintzari bukaera eman diote 400 bat lagunek martxoaren 6 honetan. Manifestazio koloretsu baten bidez Hendaia eta Irun lotuz eta muga... [+]
Dani Blanco ARGIAko argazkilariak argazkitan jaso du Emakumeen Mundu Martxako Nazioarteko V. ekintza.