Kolonbiako Poliziari 28 manifestari hil izana egotzi dio NBEk
Nazio Batuen Erakundearen Giza Eskubideen Bulegoak aurkeztu berri duen txostenaren arabera, “giza eskubideen urraketa larriak” egin zituen Kolonbiako Poliziak Ivan Duqueren gobernuaren aurkako protestetan, eta “neurrigabeko indarkeria” erabili zuten polizia agenteek manifestarien aurka.
Apirilean hasi eta uztaila amaierara arte iraun zuten Kolonbiako Gobernuaren aurkako manifestazioek; protesta jendetsuak izan ziren, Ivan Duque presidenteak ezarri nahi zuen zerga erreforma baten harira piztutakoak. Hainbat hildako eta zauritu eragin zituzten. NBEren Giza Eskubideen Bulegoak aste honetan plazaratutako txostenaren arabera, manifestazio horietan “giza eskubideen urraketa larriak” egin zituzten.
Besteak beste, Poliziari leporatu diote 28 manifestari tiroz hil izana. NBEk 63 heriotzen berri jaso zuen, baina momentuz 46 baieztatu ahal izan ditu, horietatik 44 zibilak eta bi poliziak. %76 tiroz hil dutela ondorioztatu dute dokumentuan.
“Polizia agenteek beharrik gabeko eta neurrigabeko indarkeria erabili dute”, zehaztu dute txostenean. Halaber, atxiloketa arbitrarioak egitea egotzi diete segurtasun indarrei, baita sexu eta genero indarkeria zein bazterkeria eta arrazismo ekintzak egin izana. Juliette de Rivero Giza Eskubideen Bulegoko ordezkariak Kolonbiako Gobernuari eskatu dio erantzuleak ikertzeko eta biktimen erreparazioa bermatzeko. Nazioarteko araudiaren arabera jarduteko, poliziaren “eraldaketa sakona” egin behar dela ohartarazi dio NBEk Kolonbiako Estatuari.
Gobernuak, ordea, ez du begi onez hartu NBEren txostena. Maria Lucia Ramirez presidenteordeak gogor kritikatu du erakundeko ordezkaria: “propaganda politikoa” egitea aurpegiratu dio.
Ertzain talde bat bi gazte jipoitzen ileapaindegi batean. Lokal barrura sartu dituzte, San Frantzisko kaleko segurtasun kamerek polizia gehiegikeriak filmatu ez ditzaten, baina seguruenik ez zuten espero negozio horrek ere segurtasun kamera zuenik. Bilboko Kontseilu... [+]
Eusko Jaurlaritzako Segurtasun sailburuak esan du litekeena dela "ertzainen baten jokabide desegokiaren" ondorioz zauritu izana gizona. Pertsona horrek salaketa jarri zuen eta Ertzaintzaren barne ikerketa batek baieztatu du foam jaurtigailu baten inpaktua jaso zuela.
Mariaren Bihotza plazan egingo dute elkarretaratzea, 18:30ean, ertzainek erasotako pertsonei elkartasuna adierazteko eta inpunitate polizialari ezetz esateko.
Poliziaren indarkeria erregistratzen ditu Donostiako Txago kolektiboak. Berriki 2024 urteko Karrikaratu txostena aurkeztu du, zeinean jasotzen diren Poliziaren indarkeria formak, estrategiak, ezaugarri nagusiak, edo jo puntuan dituzten herritarren tipologia. 156 esku hartze... [+]
Ospitaletik irten eta berehala prentsaurrekoa eman du Iker Aranak, Errekaldeko gaztetxearen aurrean. Gaztetxearen desalojoan ertzainek "neurrigabeko indarkeria" erabili zutela salatu du, eta salaketa hurrengo egunetan aurkeztuko du.
Iazko abuztuan, Irundik gertu, ertzainek atxilotzean izan zuen bihotzekoa gizon batek. Eneko Valdésen heriotzaren ikerketan, Polizia errugabetu zuten.
Bilboko Etxarri II gaztetxearen hustuketan gertatutakoaz hitz egin du Ertzaintzaren jaurtigai baten ondorioz barrabila galdu duen 33 urteko bizilagun batek. Beste zenbait bizilagunekin zegoen han, gaztetxeko kideen elkartasunean, "modu baketsuan".
"Amorru handiko eguna" dela adierazi du Zabarteren senar Noboak, emazteak epailearen aurrean deklaratu berritan. 2024ko martxoan jokatu zen Realaren partidu baten atarian zauritu zen foam jaurtigai batekin, eta Donostiako ospitaleko Zaintza Intentsiboko Unitatean... [+]
Azken astean ezagutarazi moduan, Eusko Jaurlaritzaren Balorazio Batzordeak txosten banatan aitortu ditu estatuaren biktima gisa. Justizia sailburuak ekitaldi pribatu banatan entregatu dizkie dokumentuak.
Rosa Zarra Ertzaintzaren pilotakada baten ondorioz hil zela da Eusko Jaurlaritzako Poliziaren Biktimen Balorazio Batzordeak atera duen ondorioa, Berria-k jakinarazi duenez. Orain arte, Ertzaintzak beti egin dio uko bertsio horri, eta Rosa Zarra berak zuen gaixotasunaren ondorioz... [+]
Lau agenteak lesio-delituengatik ikertzen ari dira eta horrek galarazten du 2024ko amnistia aplikatzea. Polizia horietako batek, ustez, gomazko bala batekin begi bat zartatu zion Roger Español kataluniarrari.
Ertzaintzak martxoaren 13an Bilbon zauritutako bi pertsonaren testigantza jaso ditugu. Athleticen partidaren ostean larriki zauritu zituzten aita-semeak, borra-kolpeka, eta atxilo eraman zuten haietako bat. Furgonetatik ikusi zuen ertzainek nola egin zuten tiro jendearen kontra,... [+]
2023an Zaballako espetxean euskal presoen alde egindako martxarengatik ezarri zizkieten isunak. Helegiteen ezeztapenaren aurrean epaitegietara joko dutela adierazi du antolakundeak, eta Poliziaren inpunitatea salatu du.
GALeko biktima talde batek eman du kereilaren nondik norakoen berri Bilbon egindako prentsaurrekoan, Egiari Zor fundazioak eta Giza Eskubideen Euskal Herriko Behatokiak lagunduta. GALen aurkako eta, zehazki, José Barrionuevoren aurkako kereila aurkeztuko dute.
Euskal Herrian Euskarazen arabera, Tolosako tren geltokiko segurtasun agente batek eraso egin zion militante bati, agenteari euskaraz hitz egiteko eskatu ziolako. Tolosako alkateak "kezka" adierazi du eta azalpenak eskatuko dituela jakinarazi.