Kolonbiako hainbat gazteri iruzur egin dio Arrasateko pertsona batek
Futbolarien agente bat dela antzeztuta, gazteei dirua eskatu eta Kolonbiatik migratzera bultzatu ditu iruzurgileak, sinetsarazita Euskal Herriko futbol talderen batek interesa izan zezakeela haiengan. Gutxienez 25 pertsona engainatu ditu, eta pilatuta izan ditu azpialokatutako geletan.
Arrasaten (Gipuzkoa) bizi den 39 urteko gizonezko bat atxilotu zuten aurreko astean, Kolonbiako hainbat mutili iruzur egiteagatik. Futbolarien agente bat delako itxurak egin ditu, eta, diru truke, hitzeman die hainbat gazte kolonbiarri futbolari bilakatuko zituela Espainiako Estatuan. Gutxienez 25 laguni egin die iruzur, eta adin txikikoak dira horietako batzuk.
Iruzurgileak hainbat gazte bultzatu ditu Kolonbiatik Euskal Herrira mugitzera. Behin migratzean, Arrasateko hainbat etxetan pilatuta izan ditu. Kasuren batean, hamar eta hamabi pertsona artean behartu ditu elkarrekin bizitzera, logelak azpialokatuta. Atxilotuak eta bere bikotekideak alokatzen dituzte pisu horiek; lau etxe dira gutxienez.
Izan ere, gazteei iruzur egiteko, hainbat konplize izan ditu atxilotuak. Ikerketapean dago bere bikotekidea, baita Kolonbiako pertsona bat ere. Futbol entrenatzailea omen da han, eta arrasatearrari lagundu dio iruzur egiteko futbolari kolonbiarrak identifikatzen eta berekin harremanetan jartzen. Itxura denez, futbolari gisa ibilbide profesionalari ekiteko irrikaz zeuden gazteak izan dituzte jo-puntuan.
Iruzurgileek dirua eskatu diete biktimei, hitzemanda Euskal Herriko futbol talderen batek interesa izan zezakeela haiengan, eta talderen batean jokatu ahal izateko probaren bat lortuko zietela. Iruzurgileek aginduak ematen omen zizkieten gazteei, ordainketak egin zitzaten eta Euskal Herrira mugitzeko tramiteak egin zitzaten. "Errepresentazio-gastuak, mantenua eta ostatu hartzea, gonbidapen-gutunak" eta abar argudiatuta eskatzen zizkieten diru-kantitate batzuk euren biktimei.
Zehaztasunen berri eman ez badute ere, badirudi Euskal Herriko hiru futbol talderi eragin diela iruzur horrek: Arrasatekoari, Aretxabaletakoari (Gipuzkoa) eta Sporting Lutxanari (Barakaldo, Bizkaia).
Sare sozialen bidez, publizitate handia egin omen diote iruzurgileek euren proiektu faltsuari. Horretarako, "agentzia" gisa aurkeztu dute amarrua, esanez lan egiten dutela Kolonbiako eta Mexikoko gazteek "Espainian futbolean jokatzeko ametsa" bete dezaten.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.
Erresuma Batuko gobernuak proposatu du delituak dituzten migratzaileak berehalakotasunez deportatzea, ekainean onartutako legearen bide beretik. Lege horrek baimentzen du sententzien %30 beteta dutenak deportatzea; igandeko proposamenarekin ez dute zigorrik bete beharko... [+]
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]
Gipuzkoako Foru Aldundiak eta Donostiako Udalak Oñatiko Arantzazu egoitza eskaini dute maliar migratzaileentzat. Bertan geldituko dira Espainiako Gobernuak haien asilo eskariak ebazten dituen bitartean.
Manteroekin Bat plataformak eta Mbolo Moye Doole elkarteak elkarretaratzea egin zuten astelehenean Bilbon, azken asteetan poliziak manteroen aurka eginiko eraso "arrazistak" salatzeko. Izan ere, Boubacar Diouf kale saltzailearen arabera, poliziaren jazarpena... [+]
Diskurtso erreakzionarioen gorakadaz ari gara azken urteetan. Dela migrazioei buruz, dela feminismoa, euskara eta abarri buruz. Testuinguru horretan, garrantzitsua iruditzen zait jarrera erreakzionarioak edota migrazioei buruzkoak aztertzeko ez gelditzea titularretan, eta gaiari... [+]
Migrazio krisia deitzen diote neoliberalismoaren ondorio ankerrenetako bati. Ultraeskuinaren agendaren lehen puntuetako bat da langile klaseko migratzaileen aurkako neurri sorta. Baina faxismo berrituaren lorpenik handiena da gainerako indar politikoek bere egitea haien agenda... [+]
Migratzaileak deportatzeko neurriez mintzatzeko, EB Europako Batasuna osatzen duten 27 estatuetako Barne eta Migrazio ministroak bildu dira asteartean, Kopenhagen. Ondorioztatu dute EBko herrialde gehienek babesten dutela etorkinak deportatzeko neurriak gogortzea... [+]
Atherbea elkarteak Baionako eguneko harrera zentroa ixtea erabaki du higiene falta dela eta. Egunero 100 pertsona ingururi ematen zien dutxa hartzeko eta gosaltzeko aukera, baina lokalean labezomorro eta arratoi asko daudenez, itxi egin behar izan dute.
Portugalgo Gobernua osatzen duten Alderdi Sozialdemokratak eta CDS-Alderdi Popularrak Chega eskuin muturreko alderdiarekin bat egin dute Atzerritarren Legea erreformatzeko. Delitu larriak egiten dituzten migratzaile nazionalizatuei pasaportea kenduko diete, herritartasuna... [+]
Frantziako Estatutik kanporatu zituzten, asilo-eskaerak Espainiako Estatuan egin behar zituztela esanez. Asteak daramatzate zain Donostiako Amara auzoan.
Euskal Herritik eta Kataluniatik abiatu da aurtengo Mugak Zabalduz karabana. Calaisko itsasartea, Frantziako Estatuan du helmuga, giza eskubideak bermatzea eta berehalako erregularizazioa eskatzen ditu besteak beste.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.