Klima eta ekologiaren aldeko martxa Mauletik abiatu da
Ipar Euskal Herri guztia trabeskatuko du Bizi!-k antolatu martxak eta martxoaren 7an helduko da Baionara. Herriko hauteskundeen testuinguruan, hautagaiak trantsizio ekologikoaren alde engaiatzea nahi du talde ekologistak.
Hogei bat lagun bildu dira astelehen goiz honetan Maulen, Bizi-k antolatu klima eta ekologiaren aldeko martxaren abiatzearentzat. Ipar Euskal Herria trabeskatuko dute, larunbatean Baionara heltzeko helburua finkaturik. Ipar Euskal Herriko herriko bozetarako hautagaiek larrialdi klimatikoa haien programan konduan hartzea eta Metamorfosi Ekologikoaren aldeko Ituna izenpetzea du xede talde ekologistak.
Horra hautagaiei galdetu zaiena: energia berriztagarrien garatzea; ekonomia zirkularraren alde egitea eta hondakinen gutxitzeko neurriak gauzatzea; eusko monetaren erabilpena sustatzea; tokiko eta kalitatezko laborantza sostengatzea; kalitatezko garraio publiko baten alde lan egitea; baita elektrikaren kontsumoa ttikitzeko neurriak garatzea ere. Konpromisoa hartu nahi duenak “metamorfosi ekologikoaren ituna” izenpetuko du.
"Eragiteko palanka asko erabil ditzakete hautetsiek herriko etxe eta elkargo mailan. Hori horrela, tokian-toki nahasmendu klimatikoa mugatzeko bidean, erabakigarriak bezala agertzen dira herri hauteskunde hauek: klimaren aldeko azken kargualdia da", Dominika Durruti Bizi!-ko bozeramailearen arabera. Bozkatzaileei ere, ituna izenpetu dutenen alde bozkatzeko deia luzatuko diete martxaren bidez.
Martxoaren 7an manifestazioa Baionan
120 kilometro oinez ala bizikletez buruturik, martxoaren 7an helduko da martxa Baionara. Karia horretara, manifestazio "aldarrikatzailea" eginen dute 15:00etan. Martxoaren 5ean dute hautagai izenpetzaileen zerrenda publikoki plazaratuko Uztaritzetik.
Munduko Meteorologia Erakundearen (MME) 2023ko txostenak erakusten du beste behin ere markak hautsi direla klimaren adierazle diren hainbat alorretan: berotegi-efektuko gasak, lurrazaleko tenperatura, ozeanoen berotzea eta azidotzea, itsasoaren mailaren igoera, Antartikako itsas... [+]
Jauzi Ekosoziala eragilea aurkeztu dute maiatzaren 4an Eibarren. Bere helburu nagusia "sistema ekozidaren aurrean, eta krisi anizkoitzen kontestu batean, Euskal Herrian justizia sozialean oinarritutako trantsizio ekosoziala bultzatzea da". Horretarako, "borroka... [+]
Ekosistema askok itzulera gabeko puntuak dituzte, hau da, estresa maila berezi bat pairatuz gero –izan klima aldaketa, kutsadura edo kalte fisiko zuzenarengatik– desagertzen ahal dira, eta ekosistemak haien artean konektatuak izanez gero hurrenez hurren elkar... [+]
Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.