Kazetariek bazekiten Garitanok euskaraz egingo zuela hasieran
Almeriako futbol taldea jarraitzen duten kazetariek bazekiten Garitano Eibarko entrenatzaileak euskaraz egingo zuela hasieran. Hala ere, keinuka hasi ziren. Entrenatzaileak prentsa aretoa utzi zuen.
aurre egingo dieten hedabide independenteak
Almeria-Eibar, Espainiako Lehen Mailako futbol partida Almerian. Ondoren prentsaurrekoa. Gaizka Garitano Eibarko entrenatzailea euskaraz hasi da erantzuten EITBko kazetariak euskaraz egindako galderari. Almeriako zenbait kazetari imintzioka hasi dira, urduri daude. Bigarren galdera euskaraz, eta Garitano berriz ere euskaraz erantzuten hasi da. Kazetariak haserre, eta orduan Garitanok gaztelaniaz: “Zerbait gertatzen al da?”, eta kazetari batek: “Bai, noski, ez dugu ulertzen”.
Garitanok aretoa utzi zuen, eta harekin batera alde egin zuten EITBko kazetariak eta Almeriako taldeko prentsa arduradunak. Prentsa arduradunak ondokoa esan zien kazetariei: “Almeriak sei urte daramatza Lehen Mailan eta Bartzelona etortzen denean lehenengo galderak katalanez egiten dira eta gero gaztelaniaz. Ez dakit zergatik egin dituzuen keinu horiek”.
Garitanok behin baino gehiagotan esan du, hedabideentzako adierazpenetan euskarari lehentasuna emango diola, eta partida ondorengo prentsaurrekoak euskaraz hasten ditu, Eibarren zein kanpoko futbol zelaietan. Almeriako kazetariek bazekiten lehenengo euskaraz egingo zuela, eta gero gaztelaniaz.
Almeriako futbol klubak barkamena eskatu du gertatutakoagatik, eta kazetariren batek ere bai.
ETBri eskaria euskaldunei erdaraz ez eginarazteko
Duela pare bat aste ETB2ri adierazpenak euskaraz egiteko ekimena Euskal Herri osora zabaldu zen. Gaizka Garitano ETB2rako euskaraz aritzen da, eta berak ere ekimena babestu du.
Almeriara joan beharrik ez dago horrelako gertaerak aurkitzeko. 2011n, Patxi Izko Osasunako presidentea haserretu egin zen Berriako kazetari batek entrenatzaileari euskaraz galdetu ziolako eta entrenatzaileak hizkuntza berean erantzun zuelako.
Hankak lurrean dituzte gure solaskideek. Euskalgintzaren eta herri mugimenduen joko-zelaian dabiltza etengabe eta eskarmentu horretatik hitz egiten dute euskarari eusteaz, hizkuntza zapalkuntza ez normalizatzeaz eta erdaldunengandik espero beharko genukeenaz. Gorka Torrek ez du... [+]
Euskarazko B2 maila dutela ez ziurtatzeagatik Eibarko Egogain zaharren egoitzako lan eskaintza publikotik kanpo utzi zituzten bi langileen alde ebatzi du Donostiako Lehen Auzialdiko 3. Epaitegiak, CCOOk jakinarazi duenez. 2024ko urrian, Gonzalo Pérez Sanz epaileak... [+]
Igande goizean elkarretaratzeak egin dituzte Euskal Herrian Euskarazek deituta, Geldi euskara zapaltzea! lelopean.
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.
Lapurdiko eskola batetik saiatu dira datorren ikasturterako Ganbara Hostel Bilbaon aterpea lotzen, baina Behatokian salatu dutenez, idatzizko komunikazioan euskaraz aritzeagatik zera esan diete azkenean: “Espainolez mintzatzen ez ginenez, ez gintuztela beren hotelean... [+]
Oraingoz hamabi gazte-taldek eman dute izena. Taldeen arteko bikoteak osatuko dituzte, eta haien arteko harreman informalak euskaratik eta euskaraz garatuko dituzte. Helburua da kontzientzia linguistikoa berpiztea. Euskal Herrian Euskarazek eta Gazte Euskaltzaleon Sareak abian... [+]
Hizkuntz Eskubideen Behatokiak argudiatu du kontraesanean daudela jardunaldien helburua, hau da, gaztelania bultzatzea, eta euskararen normalizazioa eta biziberritzea. Observatorio Global del Español erakunde antolatzaileari gutunez eman dio erabakiaren berri, eta 2024an... [+]
Donostiako Udaleko langileen batzordea osatzen duten bost sindikatuek (ELA, LAB, CCOO, Erne eta ESAN), akordioa egin dute, Euskaraldia dela-eta langileen parte hartze aktiboa sustatzeko eta euskaraz bizi eta lan egiteko aukerak bermatzeko. LABeko ordezkari Joseba Alvarezek... [+]
Nafarroako Unibertsitate Publikoko Euskara Taldeak inkesta bat egin du ikasleen artean. Halaber, euskara plana ikasturte honetan amaitzen dela ikusirik proposamen berriak egin dizkiote unibertsitateko zuzendaritzari. NUPen euskaraz ikastea "ezinezkoa" dela ere salatu... [+]
Ospitalizatuta dauden pazienteek eskumuturrekoan eramango dute “e” ikurra. Hala, osasun langileek badakite herritar horiek eskatu dutela euskaraz artatua izatea. Osakidetzak dio euskarazko komunikazioa errazteko beste tresna bat gehiago dela. Proiektu zabalago bateko... [+]
EHEk deituta, Baionan manifestazioa egin dute apirilaren 6an. Euskararentzat eta euskaldunentzat justizia eskatu dute, eta Euskararen Errepublika aldarrikatu. Hilaren 11n EHEko bi kide epaituko dituzte Baionako auzitegian desobedientzia ekintza bat egin izanagatik.
Behatokiak Hizkuntza Eskubideen Egoera 2024 txostena aurkeztu du. Herritarrek helarazitako gertakarien bilduma aztertuta, ondorioztatu dute 2024an egoerak ez duela hobera egin, eta gainera, kexak jaso dituzten hainbat entitateren eskutik urraketak iraunarazteko jarrera sumatu... [+]
Ez atera zalapartarik, ez konfrontatu, ez biktimizatu... eta obeditu. Subjektu zapaldu gisa, kasu honetan euskaldun gisa, mintzo gara, zenbatetan entzun behar izan ditugu halakoak? Ironiaz, honelaxe esan zuen, duela bi urte, Euskaltzale Independentiston Topaketan, Amets... [+]
Euskal Herrian Euskarazek manifestazioa deitu du apirilaren 6rako, 11n EHEko bi kide epaituko dituztelako. Hiriburuetatik autobusak antolatzen ari dira. Bi helburu bete nahi dituzte, batetik, epaituak izango diren bi kideei babesa erakustea, eta bestetik, euskararentzat justizia... [+]