Katia Reimberg

"Zaintza lanetan ari diren emakume guztiek esan digute zerbait egingo dutela, sinbolikoa bada ere"

  • Emakumeen alde egingo duen aldarrikapen oro babestearen aldekoa da Reimberg, nahiz eta jakin talde feministen artean aniztasuna handia dela eta denean bat ez datozela.

Onintza Irureta Azkune @oirureta
2018ko martxoaren 08a
Argazkia: Aritz Loiola.

Katia Reimberg Brasilgo Sao Paulon jaio zen eta gaur egun Donostian bizi da. Bidez Bide elkarteko kidea da eta elkartearen bidez 2009tik etorkinei ikasketak homologatzeko aholkularitza eskaintzen die. Harreman estua du etxeko eta zaintza lanetan ari diren emakume hegoamerikarrekin.

Bidez Bide elkartean bi kidek egiten dute lan eta biek hartuko dute parte greban. Reimberg Donostian osatuko duten zaintzaren manifestazio-zutabean joango da. Bere lankideak berriz, Zarautzen zaintza lanei buruzko mahai-inguru batean hartuko du parte. Elkarteko kideez gain, etxeko eta zaintza lanetan ari diren emakume etorkinak ditu oso gertuko. Reimbergek gauza bat azpimarratu du: emakume horien taldea oso zaurgarria da. Ez daukate nola gelditu.

Nolabait hartuko al dute parte lanuzteetan?

Nola gehitu grebara, ordea? Zahar bat ari dira zaintzen eta haien ordutegiengatik ezin dute greban parte hartu. Beraz, ahal dugunok geldituko gara, kasu honetan nire lankidea eta ni. Bileretan grebaz hitz egin dugu eta koktel molotov moduko bat izan da. Sozialki baloratuak ez diren lanak ari dira egiten eta horietako batzuk ez dira sentitzen zaintza esparruko langile profesional (aditu) ere eta kontraesan handiak dituzte. Batzuek bai, batzuek esan dute saiatuko direla ordu batzuetan lana uzten, ordubetez utzi, aitona edo amonarekin batera ekintzaren batean parte hartu, manifestaziora joan… Baina nahiko konplexua da, asko enplegatuak dira, baldintza gutxienekoak dituzte, faktore asko dira. Beste batzuek diote greba egun batekoa dela eta borroka honek egunerokoa izan behar duela, zaintza eredua alda dadin.

Dena dela, hitz egin dugun emakume guztiek esan digute zerbait egingo dutela, sinbolikoa bada ere. Baina badiot, batzuk ez dira ordezkatuak sentitzen greba honetan, edo mugimendu feministan, eta kontraesan horiek ere badituzte. Egun bakarreko kontutzat ikusten dute.

Lehen aldia da zaintza erdigunean dela halako greba antolatzen dela.

Zaintzan orokorrean, egoera hain da kritikoa, ezinbestekoa izan da eztabaidara ekartzea eta planteatzea zer egingo dugun zaintzarekin.

Afrófeminas aldizkari espainiarraren zuzendaritzak erabaki du greba babestu bai, baina ez dutela parte hartuko. Argudiatu dute emakume ez zuriek ikusezin izaten jarraitzen dutela bai hedabideetan, baita mugimendu feministan bertan ere.

Ni zeharo ados nago greba ez egiteko beraiek eman duten argumentazioarekin. Hala ere, horrela hitz egitea arriskutsua izan daiteke zeren ematen du mugimendu feminista zatituta dagoela, eta ez da horrela. Kontua da aniztasuna dagoela mugimenduan eta testuinguruak ere desberdinak dira. Haien argumentuak baliozkoak iruditzen zaizkit eta uste dut arreta deitzeko egin dutela, alegia, orain arte baino gehiago eser gaitezen eta hitz egin dezagun. Dena dela, esan behar da ez dutela grebaren aurka egin, babestu dute baina ez parte hartzea erabaki du aldizkariko zuzendaritzak. Guk argi daukaguna da aniztasun handia dagoela mugimenduan eta babestuko ditugula emakumeen alde egingo duten plataforma guztiak. Denetan egongo gara.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


M8 greba feminista kanaletik interesatuko zaizu...
2018-05-13 | Baleike
Mozal Legea ezarri diote Zumaiako mugimendu feministari

Aspaldi ikusi gabeko manifestazioak izan ziren Zumaian martxoaren 8an, Emakumearen egunean. Bai eguerdian bai arratsaldean jendetzak hartu zuen parte Mugimendu Feministak deitutako ekitaldietan. Ekintza horiek izan dute bere alde negatiboa, izan ere, bi une horietan egindako mobilizazioengatik isunak jaso dituztela adierazi du gaur Mugimendu Feministak, “Zumaiako arteria nagusia moztu” izanagatik, alegia.


2018-04-17 | Arabako Alea
Mugimendu feministaren aurkako isunak salatu dituzte

Kartelak jartzeagatik eta grebarako deia zabaltzeagatik Gasteizko Udalak orotara 1.450 euroko zigorrak ezarri dizkiola salatu du Gasteizko Bilgune Feministak.


Fauna publikoa
Kartolak jantzita

Bergarako Martxanterak talde feministak eman dizkion erantzunengatik iritsi naiz Oihan Vegaren iritzi-artikulu batera, “M8, eta orain zer?” du titulua, pixka bat Leninen Zer egin? hura bezala, baina komunismorik gabe, zeren komunismoak ere ez baitu, Vegaren esanetan, matxismoa desagerrarazten –Twitterren irakurri diot erromeriako esplikazio hori, artikuluak eragindako polemikaren erantzunetan–, eta beraz, galdetzen du –berriz ere artikuluan–, zergatik salatu... [+]


2018-03-25 | David Bou
Armak eman ditzagun

Orrialde honetan idaztea proposatu zidatenean hainbat dudak harrapatu ninduen, gauza bat ebatzi behar nuen oroz gainetik. Sailean nor ordezkatzen nuen, ahots maskulinoen aldean ahots femeninoen pisua ezagutu nahi nuen. Erantzuna egokia izan zen.

Inork ez dezala pentsa, idazteko aukera eman zidatela nire pribilegioen oso kontzientea naizelako, aitzitik, lagun feminista bati aspaldian entzun nizkion hitz hauek burrunba egin zidaten: “Zure ustez, zer egin dezakegu gizonok borroka horretan... [+]


2018-03-20 | Txerra Rodriguez
Martxoaren 8ko greba feministatik irakaspenik euskalgintzetan?

Martxoaren 8ko grebak astindu ditu han eta hemen egitura batzuk. Ikusiko dugu astinaldi horiek iraunkor eta finko bihurtzen dituzten emakumeek*. Espero dezagun baietz.


2018-03-19 | Unai O˝ederra
M8ko greba feministak erakutsi diguna

Ez nuen oroitzen koadrilan guztiok gizonak ginela; martxoaren 9an konturatu nintzen. Afal aurreko poteoan txantxak, txisteak. Afal orduan, txotx deietan, “utzi pasatzen horiei, bestela…”, neskak zetozenean. Orduek aurrera egin ahala, iragazkiak ezabatuak, barruko minak, haserreak, erresistentziak, jarrera erreaktiboak. Bezperan, feministek Euskal Herriariari orri bat oparitu zioten mobilizazioen Guinness errekorren liburuan, eta koadrilan, pozez zoratzen ospakizunetan egon... [+]


Artxoak 8

Gu. Isildutako ahotsen jabe. Historia eta zientzia liburuetatik ezabatutakook. Gu. Erabaki guneetatik baztertutakook. Eremu pribatuan giltzapetuok. Prekarietatera kondenatuok. Lan berdinaren truke gutxiago kobratzen dugunok. Gu. Kontsumitu daitekeen objektu sexualtzat hartuok. Begirada lizun eta iruzkin zikinen xede. Gu. Bigarren planora baztertuok. Beldurrean heziok. Gau eta egun musu-truk lanean aritzera bultzatuok. Gu irainduok, jipoituok, bortxatuok, erailok. Gu… Gu,... [+]


2018-03-18 | Estitxu Eizagirre
Martxoak 8, greba feminista
Zapalduenek plaza hartu zutenekoa

“Nondik edo handik lehertu behar du”, “iraultza baterako baldintza objektibo guztiak daude”, “jendea bizitzeko hain larri egonik, nola ez du kaleak irakiten?”. Ezkerreko gizarte mugimenduek bilatzen zuten bizi baldintzak zukutzen ari den kapitalismoari kalean planto egiteko modua. Eta M8 Grebarekin gertatu da: gainezka egin du kaleak. Ezer ez da kasualitatea izan, eta aldi berean, inork aurrez irudikatuko ez zuena gertatu da, masa mugimenduetan ikustera ohitu... [+]


Martxoaren 8an mundua "gelditu" ostean "eraldatzeko" unea dela esan du mugimendu feministak

Greba feminista "egun historikoa" izan zen, greba eredua bera "birpentsatzeko" baliagarria, "aniztasunaz eta pribilegioez" ohartzekoa. Aurrera begira, Euskal Herriko mugimendu feministaren "interlokuzio gaitasunean" sakondu nahi dute.


Azkenak
EGILEA
Eguneraketa berriak daude