Palmako PSOEren talde baten helbidea dago lotuta Katalunian independentismo eta etxebizitza mugimenduetan infiltratu zen poliziaren NAN agiriarekin, Directa hedabideak jakitera eman duenez. Baleareetako hiriburuko PSOEren inguruko iturriek Directari ziurtatu diote "ez dutelako inolako harremanik pertsona horrekin" eta "erabateko ustekabekoa" agertu dute informazio honen aurrean.
Jesus Rodrìguez kazetariak Directa hedabidean azaldu duenez, Espainiako Poliziak I.J.E.G agenteari NAN faltsu baten bidez ematen zion "Marc Hernández Pons" izena, eta NAN horretan agertzen den helbidea Mallorcako Palmako Son Gibert kaleko 9. zenbakia da. Helbide hori bat dator Palma Iparraldeko PSIB-PSOE talde sozialistarenarekin. Hedabidea harremanetan jarri da helbide horretako alderdi sozialistarekin eta adierazpen hauek jaso ditu: "Ez dugu inolako harremanik pertsona honekin eta erabat harrituta gaude informazio honekin, ez diogu inolako azalpenik aurkitzen. Gainera, eraikin baten behealdea da hau eta ez da etxebizitza bat".
Uztailaren 8an Kataluniako Gobernuak kasua Bartzelonako Fiskaltzaren esku jarri du. Generalitatearen ustez, agente honek hainbat delitu burutu ahal izango lituzke: dokumentuak faltsutzea eta nortasuna ordezkatzea, Bartzelonako Unibertsitatean matrikula egin baitzuen dokumentazio faltsuarekin. Directa hedabidea Espainiako Barne Ministerioko iturriekin harremanetan jarri zen ekainaren 7an, baina hauek ez zuten infiltratutako poliziari buruzko informaziorik eman, berretsi edo ezeztatu nahi izan. Fernando Grande Marlasko Barne ministroak "zurrumurru" eta "espekulazio" gisa izendatu du kasua.
Joan den azaroaren 6an Espainiako Auzitegi Nazionaleko Manuel García-Castellón epaileak hamabi pertsona auzipetu zituen Tsunami Democratikoa auzia dela eta. Ostegun honetan ezagutu zen hiruk atzerrira ihes egin dutela, tartean Jesús Rodríguez La... [+]
Orain Senatura bidean joango da legea, han PPk ahal duen neurrian atzeratuko du –bi bat hilabetez– eta gero berriz itzuliko da Espainiako Kongresura azken onarpena izan dezan.
Pere Aragonès Generalitateko presidenteak asteazken honetan aurreratu ditu Kataluniako hauteskunde autonomikoak, En Comú-rekin batera atera behar zituen 2024ko aurrekontuek porrot egin ondoren. Juntsek iragarri du bere hautagaia Carles Puigdemont izango dela; azken... [+]
Ura aurrezteko ordenantzak onartu nahi dituzten udal guztiak, tartean Bartzelona, Sant Cugat del Vallèsera joaten dira. Udalerri horrek ura aurrezteko bere lehen araudia onartu zuen 2002an, eta 2008an eta 2018an eguneratu zuen, murriztaileagoa izan zedin.
Kopa baten, kulero menstrual baten edo konpresa berrerabilgarri pare baten artean aukeratu ahal izango da.