Katalina Foixekoaren etorbideari Espainiako Armada izena jarriko dio berriz Navarra Sumak
Hala jakinarazi du Iruñeko Udalak ohar bidez. Aurreko alkate Joseba Asironek apirilean aldatutako etorbidearen izena lehengora itzuliko dute.
Hauteskunde kanpaina promestu bezala, Iruñeko alkatetza lortu eta egun gutxira hiriko etorbide nagusiari izena aldatuko diola jakinarazi du Enrique Maiak. Hala eman du aditzera Iruñeko Udalaren ohar batek, bertan azaltzen denez tramite administratiboak amaitu bezain pronto izena aldatuko baitiote etorbideari. Erabakia Maiak hartu du, eta asteartean helarazi dio bozeramaileen batzordeari.
Apirilaren 29an ordezkatu zioten izena etorbideari, eta Katalina Foixekoa deitu. Egungo Udalak, baina, etorbideari berriz jarriko dio Espainiako Armada izena. Oharrean adierazi dutenez, Katalina Foixekoa izena jarriko diote Nafarroako Artxiboaren eta Nafarroako Erreinuaren Lorategien plazaren iparraldeko bideari.
Hiru urteko lanaren emaitza jaso du Iruñeko Udalak sinatutako dekretuak. Auzotik sortutako ekimenari esker, zazpi kale eta hiru plaza izendatuko dituzte.
Gipuzkoa Nafarroako Erresumatik aterarazi eta Gaztelarentzat konkistatu zuen Alfonso VIII. erregearen omenezko kaleari izena aldatuko diote. Horren partez, “17 emakume" deituko da kale hori, frankismoaren lege matxisten aurka borroka egin zuten herriko emakume batzuen... [+]
Hiriko paisaian eta zehazki kaleetan emakumeek duten presentzia urria orekatzeko asmoz, zazpi plazari emakumeen izenak jartzea proposatu zuen Hondarribiko Emeki emakumeen elkarteak. Zazpigarrena inauguratuko dute larunbat honetan: Veronica Urkiola Lekuona plaza.
Sartagudako esperientziari jarraiki, zonalde ez euskaldunean kokatuta dagoen Lodosan ere gaztelania hutsean zeuden karriketako plakak bi eletan jartzea lortu du Lodosa Bizirik ekimenak. "Euskara bere lekua hartzen eta poliki-poliki bidea egiten" ari dela kontatu digu... [+]